|
|
|
|
|
|
22-11-2006, 05:33 PM
|
#1 |
|
(حلا جديد )
|
طرائف شعر مررررررررررره حلوه
للشعر طرائف لا نمل من سماعها او قراءتها
تهرب مالي حاول الشاعر سليمان الطويل التهرب من دائنه المسمى شبيب بالالتجاء للمسجد وماترك فرض ولا نافله الا صلاها ليطيل في ذلك املا في ذهاب شبيب عنه ولكن دون جدوى .. وحين اتم صلاته قال صليت بالجـــامع وسبحت تسعين …… مع كثــــرهن واتبعتهن بتهليله وقـــــريت عـــمّ والمـــدثر وياسين …… ادخل على الله مايخيب دخيله وقريت وِردي عن جميع الشياطين …… وشبيب ماسوى به الورد حيله ----------------------------- خطأ قاتل تعرض الشاعر راعي الملحا لاصابات بليغه بسبب ترديده لاسم محبوبته وهو نائم في فراش الزوجيه وهنا يشرح ماتعرض له ناديت باسـمك وانا مع زوجتي راقد …… لين رفستني على بطني برجليها وسويت نفسي مثقـف واعي وناقد …… واقول عـادي مصير الوقـت يرضيها ويم كفختني طراق وصحت انا حاقد …… الله يلعــن غلاك ويكســــــر يديها ----------------------------- سطو على البنك الشاعر حمود البغيلي فكر في سرقة البنك ولكنه احتار في النهاية .. لننظر ماذا يقول فكـــرت مرّه اســـــرق البنــك واعتاش ------ وصممت من قلبي انفذ قراري وجهزت نفسي في مسدس ورشاش ------ ثم استعديت لجميــع الطواري لكـــن قبل لا اســـــرق البنك وانحاش ------ احترت بين المركـزي والتجاري ----------------------------- انتقام بشع لا أحد يعلم مالذي دعا الشاعر عبدالرحمن الحربي الى الدعاء بكل هذه الامراض على حبيبته .. ولكن ربما لديه سببه شخــــــصٍ هويته جعل ربي يسلّه ------ أصعب شلل ويكون مايوجــــد دواه والا برص يضفي على الجسم كله ------ يبدا بوجهه ثم يمشي على اعضاه والا مرض طاعــــــــــون حتى يفله ------ يسمع علاجـــه بس من دون يلقاه ويصاب بالسكر وجســــــمه يسله ------ حتى المشي بالرجــل ماعاد يقواه اللي بلاني وانتقـــــــــل من محلّه ------ وأنكر عهودٍ كانت العـــــــام ممضاه ----------------------------- ليلة الدخله تمر السنوات على الزواج وتبرد العواطف ولذا تفشل اغلب محاولات الزوجة لاعادة مامضى تقول شفني لبست الثوب ------ اللي علي ليــــــلة الدخله ابيك ترجـــــع معي وتذوب ------ يوم الاحاسيـــس مشتعله قلت الزمـن مايجي مقلوب ------ ودّعت الايـــــــــــام ياخبله ----------------------------- الحبيب الخبل لعابرة سبيل ايضا حيث يعجبها خبال حبيبها وتشتاق له وتقول ياخبلي الغايب متى تردّ للعين ------ متى أشوفك أو تجيني رساله صحيـــح بالدنيا خبــــولٍ كثيرين ------ لكـــن خبـــالك ياحياتي لحاله ----------------------------- تيس مندي للشاعره مرام الشوق حبيب مزعج فهو بالاضافة الى غبائه شره ومتخلف ويتضح ذلك من قولها لي قصةٍ مع صاحبي فلــم هندي ------ دايــم انا ويّاه فـ هواش ودموع ودّه يســامرني على تيس مندي ------ وانا رقيقه ودي بازهار وشموع خلّي غبي والعقــل عنده مصدّي ------ وبفن التخلف حايزٍ شكر ودروع قلت له تطـور عيش باشا وافندي ------ الى متى وانت بتخلفك منزوع قـــام وتلفّت قـــــال قومي تغدي ------ هذرتك واجد يوم انا ميتٍ جوع ----------------------------- عيوب غريبه يصف الشاعر محبوبته التي تعاني من عيب خلقي غريب اضافة الى غباء في وضع المكياج ميّــــة هــلا باللي يكحّــل ثناياه ------ اللي يحط الديرمه في عيونه ----------------------------- حزن على النعال كم هو الحزن الذي ينتاب من فقد نعيلاته .. ياويلي عنه ويلاه .. خصوصا اذا صار له معها عشره طويله هكذا يعبر عنها الشاعر ياوجودي وجد من ضيّع نعوله ------ لاقيٍ وحــــده والاخرى مالقاها عايشٍ معها من ايام الطفوله ------ شاب راسه بس نعله مانساها ----------------------------- قصيد البنات احد الشعراء يتهم البنات بعدم مصداقية شعرهن .. اسمع اسمع يقولون والعهده على ذمّــــــــة الراوي ------ قصيد البنـــــــــات اللي تشوفون عاريّه بعضهن تفوّض عن قلمـــها قلم غاوي ------ له بكـــــل بيتٍ يكتبــــــــــــه منه ماريّه وبعضهن يجي ماتكــتبه غير متساوي ------ به من الغلط والعيب تسعيــــــن بالميّه قبل ينشرونه تلمســـه حرفة الحاوي ------ يصير اطيب من الطيب واصدق من النيّه وبعضهـن وراها سيّد الصفحــه العاوي ------ يلمّـــع عصــــايدها ويركــــض ورى غيّه وبعضهن تسوق افكار لو فكرها خاوي ------ تبي لمعــة الشهـره وهي قبل منسيه وبالخمسميّه وحـــــدةٍ تنعش الذاوي ------ قوية قصيـــــــــد وسبكٍ اطخم ونشميه ----------------------------- ارتكت للدركسون الشاعر سليمان الرشيدي يوصف بنيةٍ طخما تسوق سيارتها بهذه الابيات فلّت شعـــــرها وارتكت للدركسون ------ تضايـــقت كشناتها من شعرها غريبة المظهر على الحسن واللون ------ حوريــــةٍّ كن القمـر في نحرها كتــفٍ وردف وزول وحجاج وعيــــون ------ وآخر مديل الغانم ابيض شفرها لحقتها صاحــــــــي وعوّدت مجنون ------ ملهوف ماعرف برها من بحرها تحياتي بنـــــــــت رجــــاااااال |
|
23-11-2006, 06:40 PM
|
#2 |
|
][§¤حلا ذهبي ¤§][
 
|
ياوجودي وجد من ضيّع نعوله ------ لاقيٍ وحــــده والاخرى مالقاها
عايشٍ معها من ايام الطفوله ------ شاب راسه بس نعله مانساها ههههههههههههههههههههههههه يعطك العافيه وتسلم يمينك وننتظر المزيد تحياتي ,,, |
|
|
|
|
28-11-2006, 06:27 AM
|
#3 |
|
(حلا متميز)
|
مشاركة: طرائف شعر مررررررررررره حلوه
كلامات جميلة تسلم الايادي
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اضاءه حلوه مبتكره....... وغير.......... لغرفه غير | فلاحه | مجلس حلا للديكور والأشغال اليدوية | 18 | 15-05-2007 06:09 PM |
| مقات حلوه... الك ولنصك الحلو..... | lovedisaster | مجلس حلا للديكور والأشغال اليدوية | 14 | 27-04-2007 10:17 PM |
| نكت حلوه | fahad70 | مجلس حلا للضحك والفرفشة | 0 | 17-11-2006 11:05 AM |
| صور حلوه موت | Crazy Love | مجلس حلا للصور | 6 | 16-10-2006 01:59 AM |
العرض المتطور
