|
|
|
|
16-08-2004, 12:13 AM
|
#1 |
|
(حلا نشِـط )
 
|
قمر خالد (قصة روعة ) لاتفوتكم قويه مره ارجو الدخول فقط دقائق
في اكبر فنادق عاصمه ... وبافخم صالتين بالفندق... كانت حفله زواجهم.. خالد بن ابراهيم بن ظاحي على قُمر بنت سعد بن ظاحي ..الكل كان يتحسب لهاذا الزواج ويحسب له الف حساب .. لان ان تزوج مدلل نيمه (خالد) على ربيبه سبع (قُمر) كل الاماني راح تتحق وراح تتحقق معاها الاواصر اللي تقطعت على مر السنين من بعد وفاه اكبر الاخوان عبد العزيز بحادثه انتقام هشمت كل العلاقات وفرقت امبين الاخوات والاخوات وماكان شي بينقذ هالكارثه الا زواج العيال ببعض....
انيي اول اللمعرس.. خالد المحطم اللي انغصب على الزواج من بنت عمه عشان العايله واسم العايله ومصالح العايله ...اضطر انه يدوس على احلامه وحياته واهم شي قٌلبه عشان هاذا الزواج يتم .. بصاله الرياييل الكل كان فرحان وكان مبتهج والدنيا مو شايلته ... الا خالد اللي كان يطالع الناس والابتسامه البارده على شفايفه اللي ترتعش من الغيض والقهر والالم العميق ... يتذكر حبه العنيف لندى ويتذكر ايامه وياها بلندن والجامعه ... اربع سنوات قضاها من احلى سنوات عمره ... عاشها وكانها اخر اربع سنوات بيعيشها بحياته ... يطالع الناس بعيون حيرانه ...يناشد ابوه ... عمه الصديق جاسم ... اخوانه ... اهله ... اصدقائه اللي انعزموا من كل بقعه وين ما كانوا بس ... محد يسمعه ... يقبض على مسند الكرسي بكل قوته واهو يكظم غضب عميق .... يحس نفسه مثل الكاسر المحبوس داخل قفص عظيم ما يقدر حتى انه يتنفس فيه ... حس ان البشت اللي عليه مثل سترات الميانين يحبسه عشان ما يتحرك ... الوحيد اللي كان حاس فيه اهو عمه جاسم ...لانه يعرف كل شي عن خالد وعن ندى وعن علاقه الحب القويه لان خالد كان يخبره بكل شي ...من الالف الى الياء ... جاسم عمره 25 سنه كبر خالد ... انولدوا بنفس الفترة ... وعاشوا وتربوا ويا بعض ... حتى انهم استغنوا عن اصدقاء غير بعضهم .بس يوم قرر ابراهيم ابو خالد انه يدرسه برع البلاد اضطروا الصديقين انهم يتفارقون بالجسد بس ظلوا مع بعض بالروح وماشاء الله وسائل الاتصال اتوسعت وصاروا يخصصون يوم بالاسبوع يتقابلون فيه بالنت والكاميرا ويسولفون بالمايك ... جاسم تقرب من خالد: يا خالد حاول انك تهدي روحك شوي احس ان مسد الكرسي بينكسر اللحين خفف شوي من عصبيتك خالد يهمس: مااقدر يا جاسم ... احس اني بموت ... ماابي هالزواج ... شلون يزوجوني من بنت انه مااعرف عنها الا ان اسمها قُمر ... وانا قلبي ينشد لندى ... قاطعه جاسم: صل على النبي يا خالد علامك طالع ابوك وعمك شلون فرحانين بالمناسبه ... انت تناسى حزنك شوي مو عشان شي عشانهم ... خالد واهو يهز راسه بقوة وصوت الطيران يدق براسه: مااقدر يا جاسم لا تطلب مني المستحيل ... تدري شنو افكر ... افكر اشرد ... اشرد واحطهم كلهم جدام الامر الواقع جاسم هز راسه من كلام خالد وراح عنه... اخذ زاويه بعيده عن الفوضى واتصل بمريم اخت خالد مريم تتكلم بصوت عالي: هلا جسوم شصاير...؟ جاسم: ما صاير شي ... شنو هالهيله اللي عندكم والله وناسه مريم: هههههههههه أي والله الديجي لاعب بحسبتنا والاغاني على حدها ... وناسه جاسم: يا حظكم مو انه يالس هني ويا هالمزاهيق ... يرقصون على الطيران والطبول . يا خوفي احد منهم يصيبه زار هههههههههههههههه مريم: هههههههههههههه يالله خلصني ليش داق جاسم: عطيني ارفيجتج نور والله انها غوتني مريم: جب ... تدري عاد اهي قالت نفس الكلام جاسم : ههههههههههه ذبحتها هاا بالدشداشه ... اهي متعوده علي بانطلون وقمصان ... اوريج يابنت المصريه الفصل الاول الحنون bkmbkm99@hotmail.com |
|
|
|
|
19-08-2004, 09:08 PM
|
#2 |
|
(حلا فعّال)
|
الله الله روووعة
يسلمووو أخوي الحنون على هالقصة الحلوة وتسلم يمناااك التي خطت هالكلمات والله يعطيك ألف عافية وننتظر منك الجديد والى الأمام دومــأً مع أحلى تحية جوهرة البحرين,, |
|
|
|
|
20-08-2004, 05:15 PM
|
#3 |
|
(حلا جديد )
|
مشكوووووووووور الله يعطيك العافية أخوي
بس كلام |
|
27-08-2004, 11:27 AM
|
#4 |
|
(حلا نشِـط )
|
يؤيؤيؤيؤيؤيؤيؤيؤيؤيؤ
حرااااااااااااااااام عليك توي قايم على شان صلاه الجمعه وقاعد افطر وحالف ما اطلع المسجد لمى اكمل القصه اللحين وشلون تبيني اطلع والقصه مو كامله ههههههههههههههاي ههههههههههههاي
يقص قصه حياته اسف على الازعاج |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ارجو الدخول صور لا تعرفوها عن السماء | NOOR ELHOODA | ۞ مجلس حــلا الاسلامي ۞ | 28 | 19-03-2006 11:57 PM |
| اريد حل ارجو من الجميع الدخول | SARAH539 | مجلس حلا العام | 4 | 26-11-2005 07:39 AM |
| فيصل بن خالد ينقذ (رقبة) قبل تنفيذ الحكم بخمس دقائق في أبها | *عابر سبيل* | مجلس حلا العام | 3 | 21-11-2005 01:53 AM |
| للكل ارجو الدخول | fesdot | مجلس حــلا الــريــاضـي | 1 | 29-09-2005 11:22 PM |
| ارجو الدخول | ضى القمر | مجلس حلا للضحك والفرفشة | 3 | 28-10-2004 01:21 PM |
العرض العادي
