27-10-2011, 02:22 AM
|
#1
|
|
:::: يـــا يــمــه ::::
يا يمه منتهي جيتك وطالب منك الغفران
اقبل قاعت اقدامك واغسلها بدمعاتي
يا يمه كل ما فيني يناديلك أنا ندمان
طلبتك قولي سامحتك ردي لوجهي بسماتي
أنا أدري قلبك طيب كسرته بصدمت النكران
غلطت وغلطتي هذي تعير كل غلطاتي
تشوفي الشيب يا يمه ترى ماجا وأنا فرحان
وربي الي رفع ذاتك ونزل لردى ذاتي
فقدت الراحة من بعدك فقدت الطيبة والتحمان
بدونك راحتي غاية بدينك هذي راحاتي
أنا بعدك ولا حاجة أنا بعدك ترى عميان
اشوف ولا أشوف الي يوريني مساراتي
أنا وسيد الشقا والهم من بعدك غدينا اخوان
يجيب اهموم ها العالم ويرميها بمتاهتي
صدقتي يوم قلتي لي تدين اليوم بس تندان
رميتك في بداياتي ورموني في نهاياتي
أنا من شالك بيده ورماك بأسفل البركان
نخيتني وطلبتيني ولا حصلتي نخواتي
مثل ماهنتي بعيوني عليهم قلبي يمه ما هان
رموني وطعتهم فزعة وأنا الدمعات فزعاتي
يا يمه لا تظنيني أنا من فعلهم زعلان
سوات فيك سويته وسوو فيني اسواتي
يا يمه يالله ضميني ودفيني بهاالأحضان
أنا أدري فيك مشتاقة وهمك بس ملاقاتي
يا يمه حيل ظميني ابي ارتاح أنا تعبان
تعبت اهرب من ذنوبي ابيك آخر مسافاتي
ابسمع منك أي كلمة نسيتك مسمعي ولهان
ابسمع يمه بصوتك ابذكر فيها نشواتي
اشوفك ساكته يمه غفيتي ولا أنا غلطان
غفيتي يا بعد عمري تعبتي من مواساتي
يا يمه يا يمه طالبتك قومي إذا لي بعيونك شان
اشوف الموت بعيونك عساها بيخيب هقواتي
م / ن
|
|
|
|
|
|