14-04-2006, 09:18 PM
|
#9
|
|
ღصاحبة الورده السوداءღ
|
مشاركة: •ღ• نثريات القلم المميز•ღ• الٌـٍـٌشٍـٌـاٌٍمـٍــٌخ •ღ•
(( دق قلبي ...ورد فكري ..وشافت عيوني ))
البارحه .. قلبي وفكـري وعينـي
ثلاث .. عنّك بالسـؤال أشغلونـي
قلبٍ .. تواقد بـه لهايـب حنينـي
وفكرٍ .. تلاعب به كثيـر الظنونـي
وعينٍ .. تمنّى شوفتك يـا ظنينـي
من طالت الغيبة عليـك اسألونـي
واحترت فـي ردّي علـى سائلينـي
حتى تغيّـر لـون هرجـي ولونـي
وقمت آتسائل بيـن نفسـي وبينـي
وش حيلتي يوم الثلاثـة نصونـي؟
لو هُم دروا يمنـاك عافـت يمينـي
وإني نسيتك .. يا تـرى يعذرونـي؟
يجـوز قلـبـي والفكرعاذريـنـي
بس البـلا مـا يعذرنّـي عيونـي!
ما دام طيفـك كـل ليلـه يجينـي
قبل السهر يرخي ستـارة جفونـي
حتى ولـو فكّـرت أخفّـي كنينـي
بوحي يوقّـف دون سـرّي ودونـي
المشكله طبعي مهـو فـي يدينـي
وعفويّتي تطفـي لهايـب جنونـي
لا جيت أبكذب .. يصرخ الصدق فيني
وإن جيت أراوغ بالكلام اكشفونـي
|
|
|
|
|
|