[علي الكعبي]

السلام عليكم ورحمة الله

قصيدة تعودتي من كلماتي سأعرضها عليكم صوت وقراءة أرجو أن تنال القبول

بس الله يعينكم على الصوت ، وأنا صاحي هو مو شي بعد وش حال وأنا مزكوم ههههههههههههه

تعودتي على فراقي وصارت عادتك تجفيـن = وصارت شوفتي عندك مهي ابداعي وأهميّه
مرحومه يا ذيك أيام للحظات اللقا اتعديـن = وإذا صار وتلاقينا عيونـك سارحـه فيّـه
تغيرتي ولا صرتي على ذاك اللقا اتحنيـن = تغيرتي علي اكثير بنسبـة ألـف بالميّـه
وإذا عاتبتك اتلفين علي بالـرد وتدوريـن = كأني جاهل أطباعك وأنا خابزك فـي يديّـه
كافي لا تصادفنا أشوفك صرتـي تتوتريـن = حتى خطوة ارجيلك غداهم يسبق الجيّـه
كأن الخير فغيابي وفي شوفي الشقا تلقيـن = وصارت بسمتك للغير وشبر البوز بس ليّه
ما انتي والله مجبورة إذا لك نيّة تتسهليـن = روحي وفي أمان الله تراها تصير وعاديّـه
وإذا ودّك تجي مني حاضر للي به ترضيـن = تراني دوم قد القول وكـل الجـود راعيّـه
خلاص إنسي محبتنا وأحلّك من عهد توفين = يا فلانه النفس طابـت ولا تبغيـك موليّـه
ومثل ما قد ترابطنا بودٍ كان مـن سنتيـن = ننهي كـل علاقتنـا بنفـس وروح وديّـه