[بنوتة ابوها]

بس يمكن امل اساس اني فاهم ماعملتني طفل لازم تاكل بس لا انا حسيت باهتمام وحب سهى لما اهتمت لتعبي واني ماكلت ياربي متى بخلص من هالحيييره الي عييت تنتهي الحين وشلازم اسوي اكلم امل اقولها اني كنت خاطب وناسي خطيبتي ولا مارد على امل احسن شي وارتكها فتره واشوف وشلون بتكلمني مادري وش اسوي مادري ونام عبد الله وهو قاعد يفكر ولا وصل لحل
الساعه 4 الفجر ومشاعل من الخوف على الي بيصير اليوم ماجها نووم .. ياربي الحين هو بس بيشوفني ماجاني نوم اجل لو بتملك ولا بتزوج وش بيصير لالا انشالله يقول وشذا الشينه ولااعجبه ويهون بس لو كلام عبد الله صحيح وانه يحبني لو اطلع قرده بيشوفني ملكة جمالل ااووهه وشقاعده اقول انا يازيني ساكته
رجعت مشاعل من الجامعه الساعه 3
ام محمد: تعالي تغدي
مشاعل: مالي نفس
ام محمد: وش الي مالي نفس لافطور ولاغدى
مشاعل: ماشتهي طيب
ام محمد: كل هذا عشان شووفه اجل لو بتعرسيين وش بتسووين
مشاعل: مادري والله
ام محمد: اجل اعرفي ان مرة عمك بتجي وبنحدد الملكه
مشاعل: وشو وشو وشو على كيفكم
ام محمد: لو بنطاعوك انتي وناصر ماراح تعرسوون انتي تقولين لا وهو بيداري خاطرك يقول طيب لا مافي بحدد الملكه انا ومرة عمك وعلى فكره ابوك اليوم قالي انك تجهزين حالك لان ناصر بيصير يكلمك
مشاعل: بعد بعد وشبقى كل شي قررتوا بدون ماتشاوروني
ام محمد: وش الي نشاور اقول اهجدي بس اخبر البنات اذا درت ان خطيبها بيكلمه انبسطت اما انتي مدري وشفيك اذا ماتبينه ترا محد غاصبك عليه فكري زين يابنتي مو تهونين بالخيير
مشاعل: لالا يمه خلاص انشالله اجهز نفسي لمكالمته ولايهمك ياقمر انا بروح اتروش واتزين عشان اطلع حلوه
ام محمد: ايه هذا الكلام السنع بس تغدي اول
مشاعل: اتحمم واجي اتغدى
ام محمد: زين لاتطوليين
مشاعل : انشالله
هيفا: السلام عليكم
محمد+ نوره+ ام محمد: وعليكم السلام
هيفا وهي تحب فوق راس امها : وشلونك يمه
ام محمد: بخيير انتي وشلونك ووشلون فهد
هيفا ماعلينا بخيير
هيفا: وشلونك نويره
محمد: وش نويره عيب اسمها نوره
هيفا: بسم الله علي على طول وش نويره
محمد: ايه اسمها نوره ولو بتدلعينها نوني
هيفا: ايوه نوني لا والله نويره وتخب
محمد: اقول اعقلي بس كلشي الا نوره عاد
نوره : احم احم
هيفا: اقول انثبري بس لاينتفخ ريشك مو بكل وقت محمد قاعد
محمد: انثبري انتي ياهيفوه لو دريت بس انك مسويه لنوره شي كف اطيرك فيه
هيفا: يؤ يؤ وشسويتي بخوي
ام محمد: وشسوت زوجته بس روحي لختك صيفت وهي تتحمم ناديها خليها تاكل لقمه تسند طولها لاتطيح قدام الرجال
هيفا: خبل اختي والله ممكن اي شي تسويه عاد هذي وهي شوفه مدري بالزواج وشبتسوي
نوره: لا مشاعل ماشالله صح انها تستحي وخوافه بس وقت الجد تبيض الوجه
هيفا : بلاتبيض بلابطييخ خليني اروح اشوفها احسن
هيفا : مشاعل افتحي الباب انا هيفا
مشاعل تمسح دموعها وراحت تفتح الباب: هلا وغلا
هيفا: كل هذا تتحممين الي يشوفك يقول انك ماعمرك تحممتي
مشاعل: لا خلصت منزمان
هيفا: ليش مانزلتي امي مجهزتلك الاكل وقاعده تستناك
مشاعل: خايفه
هيفا: يؤ يؤ مشاعل منجدك
مشاعل: مادري خايفه
هيفا : والله ان هبلا وش خايفه ليش ناصر بياكلك الي يشوفك مايقول انه ولد عمك جد منتي صاحيه
مشاعل: ادري بس انا خلقه ماشوفه كثيير يعني هي كم مره وماقعد معه ولايشوف شعري
هيفا: الحين ياخبله بالله شعرك الي رادك
مشاعل قعدت تضحك على هبالتها: مدري تصدقيين
هيفا: اقول انزلي كلي بس خلي وجهك يصيرفيه لون بدل ذا الصفره
مشاعل : وشو وشو وجهي اصفر
هيفا: لالا مو اصفر الحين تهون ماتدخل على الرجال بس انزلي لامي ترا مابقى وقت
مشاعل: زين زين
من الجهه الثانيه ناصر يعد الدقايق والثواني عشان يشووف بنت عمه وحبيبته وقرر انه بيطلب من عمه انه يكلمها
مشاعل: السلام عليكم
ام ناصر: وعليكم السلام هلا بعروستنا
مشاعل وقلبها يدق ويدق: هلا خالتي
ام ناصر: وشلونك حبيبتي
مشاعل ووجهها احمر: بخير الله يسلمك انتي وشولنك خالتي
ام ناصر: بخيير يابنتيي وشولن دراستك
مشاعل: وبدت تهدى شوي: الحمد الله ماشيه
ام ناصر: هذي العروسه وجت يام محمد بصراحه ناصر وده يملك
مشاعل انفجعت وتكلم نفسه وشفيه هذا توه ماشافني وراسل امه يبي يملك صدق مفجووع
ام محمد: والله الي تشوفونه وانا اختك
ام ناصر: وشرايك يامشاعل
مشاعل طبعا ماتقدر تقول شي بعد كلام امها وهي ميته من القهر من امها اكتفت انها تنزل راسها وبس
ام ناصر: اجل خلاص وش الي مقعدنا نملك الاسبوع الجاي
مشاعل ويالله تبلع ريقها : متى متى
ام محمد ترقع على بنتها : قريب الاسبوع الجاي خليها بعد 3اسابيع
ام ناصر: خلاص الي تشوفونه بعد3 اسابيع يوم خميس باذن الله
ام محمد: ايه زين
محمد: مشاعل مشااعل
مشااعل طاح قلبها : سم
محمد: ساعه انادي يلا تعالي
مشاعل: مابي
محمد: وش الي مابي اقول امشي بس
مشاعل بصووت يلا يلا ينسمع وبوجه احممممر: السلام عليكم
ناصر وهو بيتشقق من البسطه: وعليكم السلاام
ناصر: كيفك مشاعل
مشاعل وصوتها يرجف وعيونها بالارض: بخير
ابو محمد: مشاعل وشبك كنك يعني اول مره تشوفين وتكلمين ولد عمك
مشاعل وهي منقهره تو امها والحين ابوها : مافيني شي ورفعت راسها
جت عيونها بعيون نااصر ونزلت راسها بس حست منهالنظره مع انها ثواني فيها حب وحنان ماشافته بعون بدر
وشفيني انا بعد بديت اخربط
ناصر: عمي انا ودي اكلم مشااعل بالتلفوون وحبيت اطرح هذا الشي قدامها لان يهمني رايها
ابومحمد: وشرايك مشااعل
مشاعل اكتفت تعطي ابوها نظره
ابومحمد منقهر من ردة فعل مشاعل لان ولد اخوه ماخلى شي وهي تسوي كذا: لا يبوك لا انا ولامشاعل عندنا مانع وخذ رقم تلفونها......
مشاعل طايره عيونها
محمد: الا مشاعل وشسويتي باختبار امس نسيت اسلك
مشاعل وقته الحين: سويت كويس
ناصر: كيفك مع دراستك مشايه ولا نص ونص
مشااعل وبدت تهدى وتحس براحه غرييبه ماكانت موجوده قبل: لا الحمد الله كويسه
ابومحمد: وانت وشناوي ياناصر انا اقول حط شغلك على شغلي وديره وريحني وانا عمك
ناصر: والله ياعمي انا من يدك هذي ليدك هاذي واذا هذا الي تبي ابشر انا ماعندي ماانع
مشاعل: عن اذننكم
ناصر وحس ان قلبه بيرووح خلاص من يوم ماقفت حبيبته وراحت يالله وش حلاته وين هالحلاوه مخبيتها عني يامشااعل اهه لوتعرفيين وشكثر احبك
مشاعل سرحانه ومو قادره تنام وتفكر بحياتها وعبد الله قاعد يفكر الحين من ذاك اليوم ماكلمت امل ولافكرت تسال الا بمسج وينك حبيبي اكلمها واقول اني خاطب واشوف وشتقول اكيد بتصيح وبتزعق وتقفل بوجهي
استاهل بس لايمكن انا التزمت مع الناس بكلمه وامل لوتحبني بتتفهم الموقف بس وشولن بتتفهم لو هي تحب واحد غيرها بياخذني ياربي وش اسووي
مر اليووم بهدووء ومافي اي تطورات الساعه 8
عبد الله: الو
امل: هلا بدري ليش كلمت مو لازم
عبد الله ويتذكر وشولن استقبلته سهى بعد اكثر من شهرييين مو يومين مدري 3: هذا استقبال يختي لونك مهتمه دقيتي وحالولتي تسالين
امل: انا ارسلت وانت عارف اني مشغووله انا مو دراستي لعب زيك انا طب
عبد الله : اوف وشهالاسلووب
امل: تراكني ولاتسال وتقول وش هالاسلوب
عبد الله : طيب ليش ماكلمتي تطمنيين
امل : قلتلك مو فاضيه
عبد الله وهو منقهر من هلااسلووب: اوكي الظاهر اني غلطت يوم اني كلمت ولاراح ازعجك وادق عليك يادكتوره مره ثانيه
امل: يكون افضل
عبد الله باستغراب: يكون افضل ؟؟؟
امل: لا والله تبيني اترجاك يعني
عبد الله: والحب الي تتكلمين عنه وينه
امل : اسال نفسك انت
عبد الله: اجل اسمعي انا الي كنت خايف على مشاعرك ولا اجرحك وقاعد بدوامه كل هاليومين وضيعت وقتي على وحده ماتستاهل اسمعي تلفوني انسيه فاهمه وانا خطبت وحده لو الف الدنيا مراح القى ربعها يلا مع السلامه
امل: خطبت وخايف على مششاعري لا والله كرييم
عبدالله: مع السلامه انا ماراح اضيع وقتي مع وحده تافه ولعابه مثلك وفكري زي ماتبين
امل: انت الي لعاب الوو اللو
وعبد الله حس ان هم كبيير انزاح من قلبه بس باقي يحس بالم انه اذى سهى على شانن وحدجه لعابه تلاعبت بمشاعره زي ماتلاعب بادواتها الطبيه والله قههر ودي اكفخها من القهر بس لا انا ببدى حياتي مع سهىى
ابومحمد: وين صويلح تراني ماشفته اليوم جيبوه لي
نوره: والله نايم ياعمي
ابومحمد: مايشبع نوم ذا الولد
نوره: عاد هاذا لون الصغار بس وقت صحوته ماتكون موجود
ابومحمد: اليوم بقعدله وبشو ف ذا الصغيير متى بيصحى
عبد الله وهو يحب فوق راس ابوه: السلام عليكم
ابومحمد: وعليكم السلام
عبد الله: يبه انا بكلمك بموضوع سهى
ابومحمد خايف لاينصدم من ولده: قول الي عندك
عبد الله: يبه بصراحه انا ويم فاتحتني بالموضع كنت متردد وكنت مفكر اني الموضوع منتهي
ابومحمد : ايوه
عبد الله: عشان كذا قابلته هذاك اليوم بالبرود الي قابلته فيه والحين انا ابي نكمل الموضوع
ابومحمد وهم وانزاح عن صدره: الله يبشرك بالخير ياوليدي والله اني كنت خايف انك تهون
عبد الله: لا يبه ماراح القى احسن من سهى تصوني وتحافظ علي بيتها
ابومحمد حس بكلام عبد الله طالع من شي صارله بس ماحب يتدخل: خلاص انا اكلم اممك واخليها بكره تكلم عمتك
عبد الله بفرح: تسلم يبه
ابو محمد: وين العروسه
عبد الله: تلقاها نايمه بالعسل مع الحبيب
نوره: والله ماجابت خبر احد قاعدهه ترسم وتذاكر
عبدالله: وشلون ترسم وتذاكر
نوره: يعني رسمها يعتبر مذاكره
عبد الله: الله يعينها
مشاعل وهي مندمجه بشغلها يدق تلفونها طبعا المتصل ناااصر ماتدري وشتسوي ترد ولا لا ولين ماقررت ولا التلفون قفل فقررت تصبر شوي وبعدين تدق هي عليه
عبد الله: وش تسوي عروستنا
مشاعل: ها اشتغل
عبد الله: اها الجوال بيدها اجل كنتي تكلمين
مشاعل: اصلا ماردييت
عبد الله: لاتقولين ناصر الي مكلم ولارديتي عليه
مشاعل: ايه
عبد الله : وليه
مشاعل: مدري وشاقول انت يوم كلمتك سهى وشقالتلك
عبد الله : ماذكر بس ماتلكمنا كثيير كنت اجر منها الكلام
مشاعل: اها
عبد الله: انا كنت بقولك اني ابي سهى واني انهيت الي بيني وبين امل
مشاعل: صدق والله احسنلك انا ماكنت مرتاحه لامل بس ماحبيت اتدخل
عبد الله: والحمد الله خلصت منها
مشاعل: كيف
عبد الله: مو لازم تعرفين كيف دقي على ناصر ترا عيب
مشاعل: وشاقول طيب
عبد الله: قولي كنت بالحمام اصلي اذاكر ناسيه الجوال سايلنت اي شي قولي وبعدين هو بيبدى يتكلم بحكم انه عارف انك مستحيه
مشاعل: اممممم طيب
عبد الله: بعدين ناصر عارفك ويعرف انك تستحين من قبل خلاص ارحمي الرجال
مشاعل: جانا الثاني بعد الي يشوف يقول اني ذابحته مسكيين
عبد الله: لا حبيتي بتعرفين ان الحب يذبح
مشااعل لو تدري اني حبيت واني انذبحتت وخلصت
عبد الله: هيه وين رحتي الي ماخذ عقلك يتهنابه يلا خليك حرمه ودقي على الرجال
مشاعل: زين
مشاعل: نعم خير واقف رروح
عبد الله: دقي
مشاعل: طيب والله بدق عليه بس روح عشان استعد نفسيا
عبد الله: اوف اوف استعد نفسيا يامسكين ياناصر
مشاعل: مسكين ها اوريك
عبد الله : يلا سلام ولاتطولين دقي الحيين
تجرات مشاعل ودقت
ناصر بغى يغمى عليه من الفرحه يوم شاف رقم مشااعل