01-12-2004, 10:17 AM
|
#1
|
|
(حلا جديد )
|
قلت رجال . . . . .
السلام عليكم
اخواني وخواتي اخترت لكم هذي القصيده
اتمنا تنال اعجابكم:
قالت ترى منت بحلو قلت رجـال
والزين ماهو من شروط الرجولـه
=================
الزين يلقى عنـد لباسـة الشـال
والرجل زين ان كان زانت فعوله
=================
قالت علامك تلبس شماغ وعقـاال
انت بدوي؟ قلت بدوي ومن حموله
=================
ما ألبس بناطيل لها الوان واشكال
وامتر الشارع بعرضـه وطولـه
=================
قالت اجل راعـي معاميـل ودلال
شرب القهاوي تحسبونـه بطولـه
=================
كيفي يابنت الحضر دله وفنجـال
وحليب خلفـه بالمـراح معقولـه
=================
وحب الكرم والجود وعلوم الابطال
مغروس فينا من زمـان الطفولـه
=================
قالت ترى بنت البدو حظها مـال
قلت احذري حذرا تكوني جهولـه
=================
بنت البدو يابنت مضرب للامثـال
فوق الجمال وطاعـة الله خجولـه
=================
ماحطة اصباغ ولا حطت ظـلال
ولا سيرة بالسوق سيـر مهبولـه
=================
هي مهرة تصعب على كل خيـال
وانتي ومثلك عسفهـن بالسهولـه
=================
قالت تغزل بي وشف حبة الخـال
ناظر عيوني والرموش الكسولـه
=================
قلت العفو مايجتمع حـب وهبـال
ولكـل ذوق فالمزاييـن جـولـه
=================
قلتي وقلت وكلمة الصـدق تنقـال
الزين ماهو من شروط الرجوله
ولكم تحياتي
صـرنـا بـرؤوس الـقـبـايـل كـمـا الـتـاج
ولـنـا الـفـخـر بـتـاج دامـنــا مــطــيــر
|
|
|
|
|
|