[ميدو الحبيب]

[color=#CC0000][color=#FF0000][color=#000000]لو قلبك فاكرنى إمتى هاتجينى لو قلبك بايعنى ليه بتشكينى
لو عارف إنك هاتسبنى لو حاسس إنك هاتبعنى
ما كنتش يوم هافكر فيك ولا كنت فى يوم هاسهر لياليك
يا خسارة تفكيرى فيك وقلبى بيبكى عليك
يارتنى ماشوفتك ولا عرفتك ده أنا ندمت لما قابلتك
مكتوب عليك يا قلبى الجرح ياخسارة معدشى ينفع أى فرح
لا حبيب عاد بيبكى عليك والدنيا كلها بتبيع وترخص فيك
يا خسارة حبى فيك يا رتنى ماندمت عليك
ده إنت كنت وهم كذاب أملى وعمرى ضاعوا معاك سراب
ياترى إيه يادنيا مكتوب لينا فرح وسعادة ولاجرح جديد فينا
كفاية بقى عتاب ده أنا قلبى داب من العذاب
ليه الزمن بيلعب بينا ولا إحنا خلاص ملناش قيمة
ضعنا وسط الحب والنار يابشر كفاية ده الحب غدار
وروحنا مع الحب الغلاب ياناس كفايةده الحب عذاب
ولاإحنا كل ما نحب الناس تسمى حبنا كذب
لأه مش حاسين بيك ولاقلبهم بيبكى عليك
إوعى تفكر فيهم تانى ولايضيع حبك فى أمانى
ده كل شيء فى الدنيا فانى ياريت كل الناس سمعانى
خلاص بجد توبة ده الحب مرة ونوبة
ياقلبى مش ها حب تانى ضاع حنانى وسط أحزانى
إيه الفايدة لما تحب بجد وكل مرة تنخدع فى قلب
مايصونشى حبك ولو ثوانى ومايحافظشى عليك ده أنانى
صد قنى دى لعبتهم خدنا خلاص على قسوتهم
كل ماتحب فيهم يرموك للنار بإديهم
ليه بتشتريهم ما دمت رخيص ليهم
هو قلبك شيء مالوش ثمن هو خلاص قسى علينا الزمن
إشمعنا مالناش نصيب فى الدنيا دى ولا حبيب
يكون ليك قريب يخاف عليك ويحميك
ووسط حضنه يدفيك ومن حنانه وعطفه يرويك
مش ياخد حنان قلبك وعطفه وفجأة يرميك وسط الزمن وغدره
أه ببكى من قلبى وألوم ياريت الدنيا سمعانى كل يوم
كل يوم وأنا قلبى بيحزن وأقوله يا قلبى اصبر هايجيلك الأحسن
لكن الظاهر علينا مش مكتوب لينا
أى حب تانى ولا سهر الليالى
غير فى البكى والناروأتعذب كل يوم وأحتار
وأحس إنى كل يوم عمال أنهار وأعيش حياتى فى ألم ومرار
لوكان حبيبى بيخاف عليا لو كان دريبى ونور عينيه
لو كان فعلا كل ما ليا الغالى عليا فى الدنيا ديه
ما كنتش ها اعرف أى حب تانى ما كنتش ها افرط فيه ثوانى
وكنت ها أحبه بجد وأخاف عليه من القلب
واله يا قلبى مليان حنان لكنه ضعيف وسط الأحزان
كل ما أحب وأسهر ليالى حبيبى يسبنى أتعذب وينسانى
يا خسارة نزيف قلبى الشديد ضاع مع الزمن فى كل حب جديد
قربت خلاص لنهايتى ممكن أكون بضحك بس من جوه بتألم
خلاص معادشى فى إحساس راح فين حبكم ياناس
فين قلبكم ياناس قوام انتهى حبى خلاص
فين قلبكم ليه باعنى لمين حبكم ليه ظلمنى
افتكرونى خادع وماكر وأنا قلبى الطيب ساكت وصابر
على الجرح إللى كل يوم بشوفه منكم ولا العذاب إللى بذوقه فى ليله عشانكم
مش قادر أنهى الكلام ده أنا قلبى مليان أحزان
هل يا ترى هلاقى حبيب يحبنى ويخاف عليا من جديد
وينسينى الآمى وأحزانى و يعيشنى فى أحلى حب وأمانى
الآقى حببتى إللى تقولى عشانك ماأقدرشى يا حبيبى أنسى أيامك
وتحافظ عليا وتحمينى فى حضنها وتخاف عليا من غدر الزمن وتضمنى فى قلبها
يا حبيبى إمتى هاتعود ده أنا قلبى كل يوم موجود
مستنى لمسة حب وحنان مستنى إللى يزيل الألم والأحزان
حبيبى على بالى كل يوم وصورتك فى خيالى ومفيش نوم
هاترجع خلاص يا حنانى أفرح وأطمن قلبى من تانى
خلاص ها ترجع يا حبيبى عشانى يارب ترجع وما تنسانى
وإن كنت غالى عليك إرجع وحياة عينيك
إرجع يا حبيبى لحبيبك ده انا عمرى ما هانساك يوم ولا هاسيبك
يا حبيبى



أرجو أن تنال هذه القصيدة إعجابكم

مع تحيات كاتب هذه القصيدة

و عضو فى هذا المنتدى العظيم

حلا

الشاعر ميدو الحبيب