[عاشق اليل]

سلام عليكم


[img]http--mrmusic77.jeeran.com-image1.jpg[/img]


للشاعر ناصر بن الفراعـنه السبيعي
كـل مـا فاضـت عيونـي نـجـر ابــن حـربـان دنّــا=فـي ضلوعـي يسمـع اللـي مــن ورا بـغـداد دنّــه
يـوم ابـن مدعـث لنـا سـن الـوجـود الـحـق سـنّـا=وا فــوادي كــن دود الارض يـرعـى فــي مسـنّـه
وا فـوادي لـو تضنّـى يـابـن مـدعـث مــا تضـنّـى=كـنّّـه الـمـجـدور عـقــب الـجــور مـرمــيٍٍّ بـعـنّـه
اشـعـل التنـبـاك مــن خلقـتـه مــا شـبّــه و كـنّــا=ميـر كنّّـه مــن عـجـاج فــاح مــن صــدره يكـنّّـه
وا وجـودي وجـد مـن هـو عـضّ بابهامـه وحنّّـا=واحــدٍٍ شــاف الـثـلاث البـيـض ســودٍ مستـجـنّـه
شــاف قـــدّام الـخـيـام خـشـيـف ريـــمٍ مرجـهـنّـا=وثـوّر البنـدق يبـي صـيـده وراغ الخـشـف عـنّـه
اطلـق اربـع عقبهـا اربـع ثـم سمـع صـوتٍ يونـا=واثرهـا امّـه صابهـا طلـقـه و طــار العـقـل مـنّـه
واتهـمـوه بـذبـحـة امّـــه لـيـلـة الـعـيـد و تـجـنّـا=اتهمـتـه الـنـاس و صــدوف المـقـاديـر اتهـمـنّـه
قـالـوا اخـوانـه تــرا مـنّـا بمـنـك ولا انـــت مـنّــا=يـفـرق الله بينـنـا و بيـنـك عـسـى مـالـك مـظـنّـه
لـك ثـلاث ايـام مـن ذلحيـن و ارحـل مــن وطـنّـا=عقبهـا تخـطـر عـلـى راســك مضـاريـب الاسـنّـه
ودّع مـريـتـه وتـــو بـنـتـه صـغـيـره مـــا تـحـنّـا=توهـا ام اربــع شـهـور و فــي لحمـهـا زود لـنّـه
ركــب غـوجـه و انقـلـب قبـلـه بلـيـلٍ مـــا تـونّــا=والحمـايـا مــن خـلافـه ارخـــوا حـبــال الاعـنّــه
الـمـطـايـا و الـسـبـايـا مــــن خــلافـــه عـمــدنّــا=والـمـنـايــا ســجّـــدٍ قـــــدّام عـيــنــه يـحـتــرنّــه
كــل مــا عـنّـز عـلـى قــومٍ وطــن الــراس طـنّــا=قالـوا اذلــف ذابــح امــه لـعـن ابـونـا لــو نحـنّـه
ذابـــح امّـــه لـــو زبـنّــا عـــدّه انّـــه مـــا زبـنّــا=لـعـن ابــوك بـيــوت قـــومٍ ذابـــح امـــه زبـنـنّـه
الجـمـالـه مـــا تـجـمّـل فـــي ولــــد حــــرٍ تــدنّــا=مـيــر دوّر غـيـرنـا وانـحــش بـقـلـبـك لا نــدنّــه
وانقلـب مــن عنـدهـم كـنّـه عـلـى محـمـاس بـنّـا=يـمّـة اهــل الـغـوص عـجـلات الركـايـب وجهـنّـه
ركــب بـابـور البـحـر و دمـــوع عـيـنـه يـذرفـنّـا=فــــوق خــــدّه كـنّــهــن اذواد بـــــدوٍ مـرثـعـنّــه
يـــوم حـــل الـلـيـل اشـرعــة السفـيـنـه دودلـنّــا=و الهـبـايـب مـــا يـخـلـن مـحـبـلٍ مـــا دودلــنّــه
قــام ربّــان السفيـنـه قــال: يـــا نـــاس امتـحـنّـا=قـومـوا ادعــوا ربـكـم عــلاّم مــا وســط الاجـنّـه
قــال شـيــخٍ مـنـهـم الا عـنــدي الـــراي المـطـنّـا=ضـحّـوا بـواحـد عـسـى الله ينـقـذ ايـديـنٍ رجـنّــه
و طاحـت القرعـه علـى اللـي ذابـح امّـه مـا تتنّـا=ثـم رمــوا بــه فــي ظلـمـات البـحـور المستكـنّـه
و ادبحـوا عـنّـه وهــو فــي غـبّـة الـمـوج يتثـنّـا=ثم عرض له من وحوش القرش جرجورٍ و صنّه
عض جرجـور البحـر ساقـه و صايـح و استجنّـا=ابــك لــولا الله كــلاه الـقـرش مــا يسـلـم مطـنّـه
وفـي ديـارٍ مـن بــلاد الهـنـد بـيـن انــسٍ و جـنّـا=مـن فضـل ربـي عليـه اطـراف الامــواج احذفـنّـه
ومثـل مـا قبـل امــس متـهـومٍ بـذبـح امــه معـنّـا=اتـهـمـوه بــذبــح سـلـطــان الــبــلاد المطـمـئـنّـه
و في السجون المظلمه خمسة عشـر عـامٍ قضنّـا=مــع ثــلاث مــا قـضـنّ الا عـقـب حـالـه قـضـنّـه
لا سـمـع ورقــا تغـنّـي جـــرّ مسـحـوبـه و غـنّــا=وكـل مغنـى يزعـجـه غـصـبٍ يـجـي تالـيـه ونّــه
ولا طـرتـه بـيـوت قـــومٍ فـــي الـخـلايـا يرفـعـنّـا=دار دولاب الــدبــا الــدالــوب دولابــــه و زنّـــــه
وكـل مـا بـرقٍ سـرى شـرقٍ صـدوق الغيـث شنّـا=كــن قلـبـه فـــوق سـبــق طـيــور بـــرٍّ شـطـرنّـه
عـقــب مـــدّه جـــاه مــــن داره نــذيــرٍ مـرثـعـنّـا=قـــال انـــا جـيـتـك بـعـلـمٍ والله انّــــه والله انّــــه
حرمـتـك مـاتـت لـهـا عـشـر سـنـواتٍ قــد ظـنّـا=و البنـيّـه معـمـسٍ تـقــرع عـلـيـك قـــراع شـنّــه
عمّـهـا عــزّر بـهـا فــي وســط بيـتـه مــا تـهـنّـا=خـادمــة نـسـوانـه الثـنـتـيـن و الــلــي ضـيـفـنّـه
ثــم زوّجـهـا لـبـو سبـعـيـن عـــامٍ مـــا انقـصـنّـا=شـايـبٍ يـطـرب خفـوقـه لا سـمـع للـقـرش رنّــه
يـوم سمـع هروجهـم فاضـت عيـونـه و ازحـرنّـا=وسـط سجنـه كنّّـه اللـي سـاكـنٍ لــه فــي مجـنّـه
قـال يـا ربعـي افزعـوا لـي مـن سجـونٍ غيضـنّـا=و قـبـر قلـبـي الـدمـدم آغــادي يديـكـم يظـهـرنّـه
قـالـوا انّــا وش لـنـا انّــا والله انّـــا مـــا شـحـنّـا=غيـر بنـتـك والاّ مثـلـك مــا بقـربـه بـقـرب جـنّـه
وانـتـحـوا وعـيــون قـايـدهــم جــنــوبٍ خـايـلـنّـا=وهــو ورا سجـنـه عـيـونـه كـــلّ نـجــمٍ خايـلـنّـه
وعقب عـامٍ مـن مجـيْ ربعـه و سـنٍّ عـض سنّـا=اعـفـوا الكـفّـار عـنّـه مــن عـقـب ســـودٍ دهـنّــه
يــوم فـكّـوا قـيـد رجـلـه وانطـلـق خـاطــرْه مـنّــا=و انفـلـت يبـغـى ديــارٍ مــن ورا نـجـد اشحـنـنّـه
حــثّ سـاقـه مــا يـشـوف الا بنـيـتـه يـــوم قـنّــا=مـن عقـب عشريـن عـامٍ فـي وطـن قـومٍ مصـنّـه
ومـن ردى حظـه نهـار اغضـن عيونـه و ارقدنّـا=فـزّ مـن نومـه عـقـب عـضّـه حـنـش دابٍ بسـنّـه
ومـن اثـر سـم الحنـش يونـس ضلوعـه يطبخنّـا=و طــاح عــزّي لـواحـدٍ ســود الافـاعـي طيحـنّـه
يـــوم اهـــو فـكّــر ولا فــوقــه نــجــومٍ يـبـرقـنّـا=وشـاف بكـيـة بنـتـه الـلـي جــاء يبيـهـا بينهـنّـه
قال يا نجـوم السمـا تكفيـن روحـي صـوب اهلنـا=علمـي بنتـي عـن اللـي صـاب ابوهـا واستسـنّـه
اشـهـد انّــا مــا بحلـنـا فــي الليـالـي اشـهـد انّــا=ميـر حظـي خاننـي ثـم مـات مــا بــه مــن يقـنّـه
ذاك وجـده وجــد حـالـي فــي وطـنّـا مــن عطـنّـا=مــن هـنـوفٍ خـدرهـا بـيـض الهـنـادي يحتـمـنّـه


تحياتي @ عاشق @