صراحة انا احب هالاغنيه كثير
وحبيت انقلها لكم ان شاء الله تعجبكم
سمحيلي يالغرام
سمحيلي يالغرام العذب يالوجه السموح
ان لزمت الصمت أو حتى لبست الأقتعة
اعترف لك ما بقي من عالي الهمة سفوح
انحدر كلي مثل طفل تحدر مدمعه
من يبي بالله يفتح لي غلق صدره و أبوح
ضاقت الدنيا بشاعر طيب قلبه ضيعه
ما قبلنا الحظ قولي وين أبارحل و ين أروح
الصبر يا هو يعذب و الأماني موجعة
آه يا جود الحزن وياي و الفرحة شحود
ضايع بهمومي الغبرا بوسط المعمعة
أشتكي لوسادتي دنياي و أسمعها تنوح
كنها بعضي و بعضي وين هو من هو معه
ايه أنا و العالم المغرور و إلياس اللحوح
خايض حرب الرياح الي تسوق الأشرعة
مختلط في عبرتي حبر الشقي و دم الجروح
و مستوي في نظرتي غرب الوجود و مطعه
عودي المبري بقى به من عطايا الوقت روح
و فصل خامس حاير بين الفصول الأربعة
وراس مالي ذكريات حلم و آمال و كموح
لا صديق و لا رفيق و لا طريق و أتبعه
نوب أسافر في سديد الراي و نوب في جنوح
مختفي صوت الحقيقة كيف و شلون أسمعه
سامحيني دام عذري واضح كل الوضوح
و اسمح لي بالرحيل بلا تذكار و أمتعه
العديم