[صبحى حواش]

الفرخه الكوكى

الفرخه الكوكى الكوكى كانت فى البيت بتكاكى
وبتاكل فضله خيرك من اكلنا الى باقى
فى عشه فوق البيت عايشه فيها الكتاكيت
والفرخه بتجيب بيضه بطريقه شبه العاده
وايام ترقد على البيض وتجيب تانى كتاكيت
والخير كان مالى البيت والزرع خضار فى الغيط
وان طب عليك الضيف ما ترحش للجزار
والخير الله يزيدك ديماً موجود فى الدار
دلوقتى الحال اتغير الزرعه بقت مش هيه
والفرخه كمان ياخويا اخدوها فى الجهاديه
مع تحياتى
صبحى حواش