بسم الله الرحمن الرحيم
السلام عليكم ورحمة الله وبركاته
بانى قصور الحب في خاطري صـروح
ارجـوك لا ترحـل و تشعـل حنيـنـى
خلـك برمشـي لا تغـادر ولا تـروح
خلـك برمشـي منزلـك وسـط عينـي
خلك برمشي و أسكن الروح يـا روح
هــذا مكـانـك يعـلـم الله ظنيـنـي
خلك برمشي و أطرد الدمـع و النـوح
وكـل الهمـوم اللـي بغايبـك تجينـي
والحزن مع جمر ألألم و أخـر البـوح
والليـل و آهاتـه و صمـت السنينـي
والنظـرة الثكـلا ونفـسٍ لهـا فـوح
من جرحهـا وجـروح قلـب ٍ حزينـي
يالبلسم الشافي لمـن كـان مجـروح
داوي جروحـى بالوصـل و أحضنينـى
يافرحتـى يابسمتـى ويـن مـا روح
طيفـك معـى يامهجـتـى يحتويـنـي
يمشي معى ذابح وانـا منـه مذبـوح
و لا أطلبـه غيـر اللقـاء وأرحمينـي
وش غايت العشاق والوصل مسمـوح
شـوف العيـون وقبـلـة ٍ للجبيـنـي
والكلمة اللـي تجمـع الجـد ومـزوح
مـع ضحكـة ٍ بالسـن بينـك وبينـي
والهمس في صوت ٍ من الشوق مبحوح
يبعـد همـوم ٍ عكـرت لـي سنيـنـي
هذا هو الدستـور يـا مالـك الـروح
للعاشـق اللـي قـال خـلـك بعيـنـي
تحياتي لكم دوماً
*هازمة الفرسان*