[مخاوي سهيل]

بحثت عنك يا خليلي بكل سيـــــح وكل واد
مالقيتك وين أنت؟ وى لفا منك جــــــــواب
الشوق هد الحيــل منـي والوله عـليك زاد
طالت الغيبة علينا ليـه طولـــــت الغيــــاب
والله بالي شاغلني وش ورى هذا البعـــــاد
يا عساه يكون خير بحق من سوى السحاب
يا حياتي نهّد حيلي وعيشتي عيشة نكـــــاد
أتعبتني حيرتني والحشى يــا عمـــري ذاب
ليلي أقضيه بنواحة وعيني ما تعرف رقــاد
أسامر نجوم الليالي والدمع يسكب سكــــاب
آآآه لو تــدري بحــالــي والله بكـّـيـت الجماد
عيشتي هـــمً وغـــم وخيـّـــم عليــها كتــآب
الفرح ثوبه فسخته وطاب لي لبس الحــــداد
ودنيتي صارت خوية دنيتي صارت خراب
لا هو موتي قال جيتك ولا ني حي بالوكــاد
غير نبضة قلب مدمي مثـل مطعون الحراب
لا هنالي قوت عيشـــي ولا هنالــــي أي زاد
كيف يهنالي حبيبي وأنت عني في أغــتراب
ألــف عــلــة حــالفــوني ونار توقد بي وقاد
ولا لقيت اللي يواسي من عذابي والمصــاب
والطبيب أرفع يدينه والدواء هيــــهات فـــاد
والمعلم مل منــي ولا نفـــع حتى الحجــــاب
مالـــي غـيـــر الله وحــــده هو لطيفً بالعباد
راضي في حكمه إلهي وكل ما هو بالكـــتاب
أنطرك يا ولف روحي ويا عسى أنال المراد
جيتك عندي السعادة عـــــود وخلينا قــــراب
بلا وجودك كيف أفرح وكيف تهنالي بــــلاد
كيـــف أفرح يا حياتي وبعدكم عـنــي عذاب
وكيلك الله عود خلي يكفـــي مـــن هذا العناد
تدري هو بعدك عليه عمري أحسب له حساب

مخاوي سهيل