[دموع فلسطين]

(ريم حااااايسة بنفسها وبالحفلة..هي وصديقاتها رايحين القاعة من بدري..يحوسون ويرتبون..وعلى الساعة 10 كانوا تقريبا جاهزات..الحفلة كانت مرتبة والبنات حلوااااات((اكيد حلوات لانهم بنات الرياض..))..)
(جا وقت التكريم..وكانت لمى جاية ومعاها صديقتها اللي لها بنت خالة بالمدرسة..كانت تنتظر اسم ريم..واخيرا جا اسم ريم..وراحت لمى تسلم عليها..)
لمى:انتي ريم !!
ريم: ايــــــــــــــه..هلا والله انتي لمى صح ؟!
لمى: ههه ايه..هلا والله فيك..
لمى:اخيرااااا شفتك..
ريم: هههه ايه والله وانا اخيرا شفتك للمرة الثانية..
لمى: ههههه ايه عارفة السالفة قالي يوسف..
ريم: ههههه
لمى:وش هالحلاوة يا ريم..والله شكلك مررررة حلو..
ريم: ياعمري تسلمين عيونك الحلوة..
لمى:لا والله من جد ما توقعتك كذا..
ريم: تسلمين والله وانتي احلى..
ريم: اوكي لمى يله تعالي اوريك صديقاتي..
لمى:اوكي..
(ريم عرفت لمى بصديقاتها واهمهم الجوهرة..)
لمى: ريم اجل وين امك؟؟
ريم: قاعدة هناك يا عمري..مع اخواتي هههه
لمى:يطفشونها صح..
ريم: هههه ايه والله مسكينة..
لمى: وريني اياها..ودي اشوفها..
ريم: ان شاااء الله..تعالي اوريك اياها..
(وقعدوا ريم والجوهرة ولمى يسولفون..ريم والجوهرة خلصوا كل الفقرات الخاصة بالحفلة..سولفوا ورقصوا وانبسطوا..وبعد ما تاخر الوقت كلم يوسف..)
لمى: يله ريم انا استأذن الف الف مبروك لكم يا بنات وعقبال الشهادة ان شاء الله..
ريم: الله يبارك فيك والله..
الجوهرة: الله يبارك فيك..
ريم: والله بدري..تونا يا لمى وين رايحة ؟!
لمى:والله يا عيوني ودي اقعد..بس عاد يوسف دق علي ويقول انه بيمرني الحين والا لو ما جيت بينام ويخليني..
ريم:ههههه لا كلميه وقولي انا اوصلك..
لمى:هههه تبينه يذبحني..هو بيمرني عشان اقوله وش صااار بالتفصييييييل..
ريم:هههه اقهريه ولا تقولين له شي..
لمى:ههه والله يوقف بالشارع وينزلني..
لمى: يله والله شكلي تاخرت عليه..اشوفكم على خير..
ريم: على خير ان شاء الله..بوصلك
طلبت لمى من ريم رقمها وبدون تردد عطتها الرقم..واخذت ريم رقم لمى..)
يوسف: لمى وينك ساعة انتظرك..
لمى: عاد وش اسوي قعدت انا وريم نسولف عند الباب..
يوسف: وينها ؟! ليه ما جت تسلم علي
لمى:ههههه احلف..تخيل عاد..
يوسف: المهم يله ابي التفاصيل المهمة عن ريم وعن سواليفكم..
لمى:ههههه يا كثرك..بس بقولك اهم شي اني حبيت ريم..والله عسل واخلاق وحلوة..وكل شي..
يوسف: بسم الله عليها قولي ما شاء الله لا تاكلينها تراني ابيها..
لمى:هههه طيب..ما شاء الله
لمى: معاي رقمهااااااا..
يوسف: احلفي !!
لمى: والله..بس لو تطير اعطيك اياه..اذا خطبتها ووافقت ذيك الساعة يصير خير..
يوسف: هههههه ايه والله مالي خلق اغلط عليها..والله تذبحني..
(وقبل الامتحانات باسبوع تقريبا ..كان يوسف عند لمى.. اقترح عليها انها تدق على ريم تسال عنها.. في البدايه لمى رفضت الفكره وحست انه مالها داعي بس مع اقناع يوسف لها وافقت..)
لمى: الو..اهلين ريم..
ريم: هلا والله بلمى..
لمى: هلا فيك..كيفك؟؟
ريم:تمام الحمدلله..باقي اسبوعين على الامتحانات وانتي عارفه النفسيه شلون تصير..
لمى: ههه من جد تذكرت الشعور..الله يعينك ..
ريم: هههه امين يارب..متى بس تخلص هالامتحانات ونرتاح..
لمى: خلاص هانت..كلها كم اسبوع وترتاحين..
ريم: ايه الله يعين..
لمى: ايوه ريم..بشري عنك؟!!وكيف المذاكره؟!!
ريم: والله ماشي حالها..هذانا نكرف وان شاء الله نطلع بنتيجه..
لمى:لا ان شاء الله تطلعين بنتيجه حلوه..
ريم: الله يسمع منك يا رب..
لمى:اوكي ريم..انا بس حبيت اسال عنك..مابي اعطلك الحين واشغلك عن دراستك ..
ريم: لا والله وش دعوة..
لمى: اقول ريم..عندي واحد مزعجني يقول لي سلمي لي عليها..
ريم:!!!!
ريم: الله يسلمك ويسلمه..
(لمى احرجت ريم مرره بكلمتها وريم ما تدري وش ترد..)
لمى: اوكي ريم..نشوفك على خير ان شاء الله وشدي حيلك..يلا باااي
ريم:ان شاء الله .. هلا والله بااي..
(سكرت لمى من ريم وبدت الاسئله تنزل عليها من يوسف..وش قالت وش ما قالت....الخ..)
(طبعا بدت الامتحانات وبدا وجع الراس..كل الناس تنتظر متى تعدي هالايام على خير..وجا اخر يوم بالامتحانات..)
(وبعد ما رجعت ريم من طلعتها مع صديقاتها..)
ريم:يـــــــــــــــــــــمــــــــه..خللللللللللل لللللصت خلااااص..
ام ريم:مبروووووك يمه ..اخييييييرا..
ريم:والله هالامتحانات هدت حيلي..لا نوم ..لا راحه..اعوذ بالله..بس الحمدلله اهم شي اننا خلصنا..
ام ريم:الله لا يضيع لك تعب يا يمه قولي امين..
ريم:امين يا رب..الله لا يحرمني منك يا احلى ام...
(قعدت ريم مع امها..بعدين طلعت لغرفتها..ما صدقت تنسدح وترتاح .. وهي النووووومه..)
(اول ما قامت..نزلت لاهلها تسلم على ابوها ..تقهر اخاوتها..تسولف مع امها..وطبعا اخر يوم بالدراسه.يعني لازم طلعه من البيت و ونااااااااسه..)
(طلعت ريم مع امها واخواتها وكانت متفقه مع الجوهره انهم يتقابلون هناك..)
(بعد ما تمشوا وانبسطوا..رجعوا على بيوتهم..)
(ريم بالغرفه..قاعده ترتب اغراضها اللي شرتها..انشغلت مع اهلها بالسواليف..بس نست تبشر شخص كان منتظرها ومتحمس انه يكلمها اكثر من كل الناس..)
(وفجاه..تذكرت ريم يوسف.. وتذكرت انه كان قايل لها اول ما تخلص تبشره او ترسل له ايميل..المهم ..على طول قامت فتحت الكمبيوتر وصارت اون لاين..وبعد فتره..صار يوسف اون لاين..)