تلك هى اولى مشاركاتى ارجوا ان تنال اعجابكم.
-------------------------------------------------------
°ˆ~*¤®§(*§*)§®¤*~ˆ°
يارب ارحمنى بقى
وخدنى ناقص عمر!!
ده زمن فيه الفضيله
اتحولت لعهر!!!
خلقتنى ياربي
فى زمن مش راضي عنه!!
اللهم لا اعتراض
ده عبد بيشكى همه!!
الحرامي يبقي باشا!!!
والسافل يبقى وزير!!!
وابن الرزيله يا عينى!!!
بيعينوه مدير!!!
اصل الحكايه يا سيدى
اغرب من الخيال!!
بيقولك ابن الفارس
لازم يكون خيال!!!
سايق قدامه قطيع!!!
طبعا من المحاسيب!!!
مع انه ملوش فى الكوره
بيقولوا عليه لعيب!!!
جمهوره فى الدرجه الاولى
يهتفله ويصقف له!!!
وجمهور الدرجه التانيه
غصب عنه يوقف له!!!
اما جمهور التالته !
فدول هما الرعيه!!
صحيح دول ناس غلابه!!!
لكن رد عبوديه!!!
ابدا مشفش الضل .!!!
وعلى طول قاعد فى الشمس!!
ولو حاول مره يصرخ !!!
يطلع صراخه همس!!!
شكوته على طرف لسانه!!!
و قبل ميبوح بيها!!!
يلقى الكرباج على ظهره...
يروح معدل فيها!!!
وقوام يهتف ويقول
لاعب رجله دهبيه!!
مجبش جوان صحيح!!!
لكن عنده خلفيه!!!
°ˆ~*¤®§(*§*)§®¤*~ˆ°