[NOOR ELHOODA]

للشاعر عبدالله ابن عون

قصيدة :الطير المقلوع





ياطير يامقلوع وين الله أغـداكأنا بنيّـة وانـت غـادي بنيّـة
اليوم ياغادي الجدى وين ابلقـاكلاصار كـل نحيّـةً لـك نحيّـه
ياكثر ماني مجهد النفس لرضاكومذلل(ن) لك وحدةً مـن يديّـه
ابي مثل هدتك في الواد ابو راكنمشي تحت فيّتك نصف أضحويّه
يوم أنت في هدتك حنيّت يمنـاكنهار يهديـك العطـاوي عليّـه
اللي شراك ولا تغالى بمشـراكنعمين بالمهـديّ ونعـم الهديـه







قصيدة :الطير المظلوم




ياطيـر ماحـدك نصيبـك علـى خـيـروراك مسجـونـاً بـوسـط الـغـمـااره
حسبي على اللـي عـزّرو فيـك تعزيـرتكفـخ ويـصـلاك الحـديـد بـحـراره
فـي موتـرن مـال الولـع فيـه تأثيـرتكسـي اجـارن مايـعـرف الا اجــاره
حشّـرة وحـوش البـر حتـى العصافيـرمـن يـوم دوّر مـن وراهــا تـجـاره
مـال الغشيـم مـن الولـع غيـر تدميـردايـم عمـاره صـايـراً فــي دمــاره
ياناقليـن الطيـر مـن غيـر تبصـيـرحصيلكـم مـنـه التـعـب والخـسـاره
اوفوا حقـوق الطيـر ولا اتـرك الطيـرلا تظلمـونـه يـاجــداد الـصـقـاره
خـلـوه لمحـمـد عشـيـر المناعـيـراللـي اليـا شـالـه يـعـرف اعتـبـاره
مقـدم هـواة الصيـد مـن تـوه صغيـرمـن خلقتـه يعطـي علـيـه البـشـاره
يعطيـه حقـه فـي لـيـال المخاظـيـراليـا بكـر الوسمـي ولجلـج خـضـاره
قـدام يظهـر فــي نبـاتـه نـواويـرينصـاه لــو انــه بعـيـداً مــزاره
مايمنـعـه دونـــه ردي الاشـاويــرفـي نـجـد ولا نـازحـات(ن) ديــاره
الطيـر يبغـي لــه عنـايـه وتدبـيـررجـل(ن) يعـرف اهانتـه مـن وقـاره
هـذاك ابوتركـي زبــون المخاسـيـرسمـح الحجـاج اللـي يـذري جــداره
يـفـزع لمحـتـاج ويـكـرم مسايـيـروغيثـاً علـى مـن يستجيـر بـجـواره
مـن جـاه يشكـي مـن الوقـت تقصيـرمظـهـود ولا مستـجـيـراً اجـــاره
ويطرب لنقل مصخـر الخـرب تصخيـرواطـلاقـة المسـبـاق شـفـه وكــاره
وينومسـه فـعـل الـفـروخ المغاتـيـرومـن كـل قرنـاسـاً تخـيّـر خـيـاره
هـذا يخـل الريـش مثـل المعاصـيـروهـذا يشوقـه لاحجـل فــي طـيـاره
كـم ماقـع(ن) قفـر(ن) جهملـه بتبكيـرواثعـى بصيـده حيـن يشـرق نـهـاره
وان جا الضحى الضاحي وجت حومة الطيرحوّل بـروض(ن) فـي مفيضـه قـراره
وصكـوا عليـه اهـل الوجيـه المسافيـروالقهـوجـي قدامـهـم شــب نــاره
واستانسـوا فـي جـو مافـيـه تكـديـرودارت سوالفـهـم عـنـاد وعـيــاره
واخـذوا لهـم مقـدار ساعـات لاغـيـرليـن الهـوا يسكـن ويـركـد غـبـاره
ثـم روحـوا بيـن الصلاتيـن وعصيـرالشيـخ فــك سـبـوق طـيـره واداره
مستبشـراً بالخـيـر والصـيـد مـاذيـروالطيـر صـقـاره يـحـب اختـبـاره
واشـرف عـل جـواً خضـاره دواويـرفيـه الخـزامـى والنـفـل والشـقـاره
واخـذ عـن اللـي عادتـه تلـة السيـرمـا يلتفـت راعـيـه يسـبـر شـنـاره
غلاص طلعاً لـه علـى الصـدق تبريـرياخـذ علـى الجـو البعـيـد انـحـداره
حـول علـى جولـن تقـافـى مدابـيـرزرق النحـور اللـي عليـهـا الــدواره
الطايـره يـرسـل عليـهـا مشاهـيـرمثـل الجـهـاز الـلـي بتوجـيـه اداره
والدارجـه يرسـل عليـهـا جـزازيـركـل افدعـاً مـع قـو ظربـه شـطـاره
يفـرا نحرهـا فريـة الدلـو فـي البيـرتلقـى الفـؤاد مظهـره مــن سـتـاره
فـي وقتـهـا ينـسـى وداد الغنـاديـروينسـى جميـع معـامـلات الــوزاره
هـذي حقـوق الطيـر ياظالـم الطـيـرمهـب حقـه سجنـتـه فــي الغـمـاره










قصيدة :رثاء الطير





ياسعود كان انك تهـدد علـى النـوحتعـال انـا ويّـاك ننـعـا هنـيّـا
تعال انا ويـاك ناخـذ عـن الـروحعطنـي وانـا بعطيـك ممـا تهيّـا
صبري وصبرك عقب فرّاج مشحوحماعـاد فيهـا يـا البناخـي كنـيّـا
ون كان صوتك شح والصوت مبحبوحخـل انهتـانـك بالخفـايـا خفـيّـا
اون واتبـع ونـة الصـدر بفحـوحولافرّجة مـن ضيقـت البـال شيّـا
ياطيري الليا ابـرق الريـش ذابـوحمبعد على راس راعيه صبح وعشيّـا
تعرضّه يـوم اظلـم اليـل سامـوحوعليـه ماسيـت الفجيعـه مسـيّـا
جيته علـى جثـة احبـاراه مذبـوحوامسـت همومـي داهيتنـي دهيّـا
و اصبحت انا عن نقلة الطير مصفوحماعاد اللي فـي نقـل غيـره شهيّـا
ماراح جعلـه مايعـود علـى اللـوحولا عسـاه اليـا رجـع مـا يحـيّـا
ليت النقيصه في الرواقي ومجـروحوفـي كـل كابـوداً سـواة الحديّـا
وليته غدا وارجيه مع كـل طـاروحفـي المقبلـه يمـلابـه الله يـديّـا
لو هو غدا ياسعود ماحسـفّ الـروحبـس الحسوفـه ميتتـه هاالسـويّـا
وفرّاج مشروهه علـى كـل ممـدوحياخـذ قضـاه اللـي براسـه حميّـا


للشاعر عبدالله ابن عون

--------------------------------------------------------------------------------

الباب الثاني قصائد الغزل


قصيدة :البارحة جفني عن النوم مذهول





البارحة جفني عن النـوم مذهـولطيـب المنـام ولذتـه ماحصللـي
اليا شتل عيني عن النـوم شاتـولأخذت مع هاجـوس قلبـي تسلّـي
وليا عذل عيني عن السهر عـاذولقلـت السهـر ياعاذلـي جايزنلّـي
مادام الي قلباً مـن الحـب مدهـولما اشوف في كثر العذل صالحنلـي
اتركني اتبع راحت البـال واقـولمن ماتصور واحضـره هاجسنلّـي
خل القلم يكتب من القيـل معسـولابيع واشـري فيـه واخـذ وخلّـي
اخذ من اول صفوة الجيـل مزلـولواترك حثال الجيـل عنّـي يولّـي
عسى يعالج خاطـراً فيـه نشبـولمن ضيقته ضاق الفضـا والمحلّـي
كان العزيز يصيح للحـب مذلـولفانـا الذليـل ولاحـداً ذلّ ذلّــي
دايم وجيبي بـزرق الدمـع مبلـولوحالي نحيلاً من الهـوى مستخلّـي
حالاً براه الهجر حـولاً ورى حـولياللي يتـوق لهجرالاحبـاب حلّـي
طفلاً طغى ماله بسوق الهـوى دولبحلى صفات المحصنـات متحلّـي
راعي هدب عيناً بلا كحل مكحـولوالبدر كنّـه فـي الجبيـن متجلّـي
ما احرزت اجيه ولايجي منه مرسولبينـي وبينـه واحــداً واقفنـلـي
عليه قلبي بيـن الاظـلاع متلـولودايم وهـو للبـال قبلـة مصلّـي






قصيدة :ياروح روحي مهجة الروح تفداك




ياروح روحي مهجة الروح تفـداكراحت على مركب غرامك وساقـه
واليوم لك غيبات ماعـاد شفنـاكعقب التقارب صار شوفك شفاقـه
ويش اللذي دلهك عنـي ونسـاكهاك السوالـف والعلـوم الدقاقـه
ماهوب حق تقطع عشرة من أغلاكالحق تجويـد الصداقـة صداقـة
هاجوس قلبي مايخلينـي انسـاكاذكرك في نومي على كـل فاقـه







قصيدة : ياملّ عيـنٍ يعـلّ الجيـب ذارفـها





ياملّ عيـنٍ يعـلّ الجيـب ذارفهـااربع وعشرين ساعه تهجل اهجالي
والنوم يا دحيـم عايفتـه وعايفهـادارت سنتها على سِهْـر وتملاّلـي
مدري على النوم عيني وش مكلّفهـاللسِهْر في نونها ممسـى ومقيالـي
واللي جعل نوم عيني مـا يوالفهـاواهج لهيب الغرام اللي برى حالـي
واحالي اللي طهوم الشـوق ناحفهـامابـاقٍ الاّ عظـامٍ جسمهـا بالـي
عليك ياللي غلاك الـروح متلفهـاياللي محلّك بوسط القلـب نزّالـي
غلاك نفسي عن الخفرات صارفهـالو يجمعن لي من اولهن الى التالـي
لك سيرةٍ بالمحبّه ما اقـدر اخلفهـالو هي سبايب سهر عيني وغربالي
الاّ رجا ساعةٍ ما اقضـي حسايفهـاوالاّ على السنّـه السمحـا تهيّالـي
رجعت للسالفـه واحييـت سالفهـااللي يقولونها في مـاض الاجيالـي
اللي سبب موت ضيف جديع ماقفهاحيث ان ذبّاح ضيف جديع يبرى لي





قصيدة : انا غرب واللي خاطري ينتحي له شرق




انا غرب واللي خاطري ينتحيلـه شـرقبعيداً وطن مظنون عيني عـن اوطانـي
حصل في غروب الشمس بيني وبينه فرقعسى الله يقرب دار مـن حبـه اشقانـي
اليا جا لذيذ النوم يسرق عيونـي سـرقذكرته بعيـد وعافـت النـوم الاعيانـي
الا يالله انـك لاتجـازي حمـام الـورقوراه يتلاحـى بالطـرب ليـن يشعانـي
قام يتلاحـى وشعانـي بحلـو الطـرقومن الولف اظنه جاين الـورق ماجانـي
من اربع سنين ومهجة الروح فيها حـرقنتيجـة نـدب عينـاً سهمهـا تمثنانـي
وساع العيون الساحريـة طعنهـن زرقلها نظرةً مـن صابتـه طـاح وجعانـي
سقا الله اليا قام يتكاشـف علـي البـرقوانا اشوف زولة بيـن ربعـي وخلانـي
تفتح لعيني يوم اشوفـه وسـاع الطـرقوانا قبل اشوفة مثـل يعقـوب عميانـي
تهشم نظيرة من هميل الدمـوع الـزرقوعمي لين جابوله قميـص ابنـه الثانـي







قصيدة : يامل قلبٍ يسج وفيه دولاجه





يامل قلـبٍ يسـج وفيـه دولاجـهمن هاجساً بالظماير قـام يدرجّهـا
في معزلاً عن جميع الخلق وزعاجهماسمع من الناس لو تكثر لجالجّهـا
ما غير ادوج تقول مضيعاً حاجـهواخذ و سنّد على روحي وهرّجهـا
ودوج لو كان ما رجلـي بدواجـهادلـه النفـس ليـن الله يفرّجـهـا
يالله يالي بيدك الضيـق وفراجـهياخالق الخلق ياقاضـي حوايجهـا
تفرج لعينٍ اليا غضّـت بسوهاجـهتجهزعليها الطواري لين تزعجّهـا
بالصدر ضيقة ونوم العين هملاجـهعينٍ من العـام والسهـر متولجّهـا
نوبً سهرها شديد ونـوب نهاجـهمراً تكن الدمـوع ومـرّ تزهجهـا
عليك ياللي بقلبـي كـن وهاجـهوهاج نار هوى الغربي يسارجهـا
راعي ثمانن كما الياقـوت لعّاجـهكن البرد يوم تضحك في مفارجهـا
ياروح روحي وجرح القلب وعلاجهالطف بحالاً عليك الهـم ساهجهـا
قلباً يناجيك باسلوب الهـوى ناجـهيشكيلك الحال داخلهـا وخارجهـا
اما التفت له وتم الوصـل بمواجـهوالا بلا عشرتـاً هـاذي نتايجهـا
وش ينفعك من حنين القلب وخلاجهوجروحاً اسبابها انـت ولاتعالجهـا


وكلمـات القصيـــدة :

ارتعب هاجوس شعري لمنظر خازي لعيـن××منظر الخنزير صارخ ابن هـذاك الزنيـم

شفته بأحد المواقع زلزل حروفـي لحيـن××منظر العذراء تنادي تطلب النجده نديـم

ثم تابعها مصـور واخـر ينهـش يعيـن××جارح عفة فتاة قـاذف عـرض حشيـم

افتعل افحش واهتك عرض هذاك المديـن××انهش وافضح وصور زندقه ابـن اللئيـم

جعله جهنم مساكن ومشربه مـاء مهيـن××انتهى عصر المراجل وارتجل نـذل رجيـم

ضاعت حقوق الربوبه ضيعوا جيم وسيـن××اجحدو رب الخلايق عالي حسابه عظيـم

فعلة هزت عروش عرشه البـاري سنيـن××صابني جنون المراجل باكي دمعـي حميـم

ابكي واضحك بوقت فاقد وعـي ظنيـن××عيت حروفي تفسر حرقة العذارء جحيـم

وينكم اهل الكرامه وينكم شعب وديـن××قطعوا هذي الكلاب واجعلو منهاا رميـم

خلوا السيف بحكامه وانفوا علومه منيـن××عبرة وعبرة وعبرة لغيرة الساحق خصيـم

في شوارعنا بنـات تغتصـب ثـم تهيـن××هذي رساله قصيرة لوالدي الشهم الكريم

سيدي شيخ المعالي ذالك الرجل الرزيـن××لابومتعب قمت انادي صارخ الفزعه لظليم

تكفى وتكفى وتكفى عزر انذاااال المشين××انتخي فيك واناخي ربي الواحـد عليـم

دارنا دار العروبـه يـا سعوديـه يقيـن××حكمنا بالسيف دايم نقطع الزله الرجيـم

عافت النفس القصايد وعافت النوم العين××عقب منظرهم زنادق باحوا العرض الحشيم

والصلاة على رسوله صاحب العرش المكين××عد ما ناحت ثكالا ظلم والالـم الجريـم

الشـاعر/ ثامر بن جـدعان...

http://www.zqrt.com/vb/showthread.php?t=4598