[الريـــــــــــــــــــم]

الـــــــــــرســــــــــــــــالــــة



اتعبتني دنيتي بالحيــــــل وانتي متعبتني
ما فهمتي هرجتي والحين تقرين الرســـالة

الرساله تفحمك من عقب مـــاهي افحمتني
هي تعبرعن هوانا ودنـــــا نقطع وصـــاله

كـــان ما ودك بكيفك لكن الفكرة غزتنـي
كل واحد عقب صدك يمشي بسكه لحـــاله

تهمتك غدار قـــاسي تهمتك ما غيرتنــي
الغدر صنعك ومدري داخلك وشهو جــراله

تحسبين الــــحب لعبه لعبتك ذي جننتني
تحسبين القلب صخره تحسبين القلب آلـــه

الدموع اللي تحسبيني ابذرفها جــــفتني
دمعي اللي ترخصينه ينحدر لا جاء مجـاله

الرساله( ارحــــلي ) كلمـه بقوتها قوتني
تختلج في داخلي من واحدٍ زهب رحـــاله

في امان الله ياللي غصب عني فـاتنتني
لكن دموعي عنيده تنهر القلب وســـؤآله