[جرح الليل]

السلام عليكم ورحمة الله وبركاته

إلى أخواني وأخواتي ألأعزاء ..

أقدم لكم جديدي ..........



محتاج انا كلمة وفى
يكفي علي جرح وجفى
منك العذر يحبيبي
روح ابتعد يكفي كفى ....

عذبتني لين انتهيت
حتى على قلبي قسيت
وين اللذي لجلك بنيت
والشمع في فرحي انطفى ....

خاب الرجا خاب الأمل
حلمي انا فيني انقتل
قلبك ولامرة سأل
قلبك قفى قلبك نفى ....

من علمك جرح القلوب
تجرح ولاعمرك تتوب
القلب من همه يذوب
ومن جرحكم كيف الشفى ....

ليه البرود وين الوعود
والى متى هذا الجمود
بعد الوفى ألقى الصدود
حسك ولامرة صفى ....

فاجأتني بجرح وهجر
شللي حصل مني وبدر
ماكنت انا حب وستر
إحسب معي هالتكلفة ....

القلب مو لعبة بيديك
القلب ماوده يجيك
دور على غيري شريك
يستلطفك تستلطفه ....

ياللأسف ياللأسف
اللي اتضح مالك هدف
لو جاني من حبك طرف
الحب من عيني اختفى ....
محتاج انا كلمة وفى ...


وسلامتكم
موثقة في وزراة الاعلام
منشورة بأكثر من منتدى ...