[الرتاج]

نجي لفيصل اللي نزل وراح شرا مويه لنجلاء ..وبعدين راح لسيارة فهد عشان ياخذ لنجلاء شي تاكله ..
فيصل : هلا والله ومرحبا ..
فهد وابو فهد : بالمهلي ..
فيصل : اقول يمه .. معكم شي ينوكل ..
ام فهد : ايه معنا ذا الخبز اللي فيه جبن ..
الهنوف : قصدها .. كروسون ..
فيصل : هههههههههههه .. طيب عطوني ..
الهنوف : كم تبي من وحده ..
فيصل : ما ابي الا وحده ..
فهد : هههههههههههههه .. ما شاء الله اجل جعت ..
فيصل : هههههههههههههههههههههه .. لا والله مهوب لي ..
فهد : اجل لمين ..
فيصل : اللقافه ما تخليها ..
فهد : لا لا جد لمين ..
فيصل : لنجلاء ...
فهد : ههههههههههه .. اهاااا نجلاء ..
خذا فيصل الكروسون ورجع للباص ..
لقى فواز في مكانه على الارض : ههههههههههههههههههههههههههههه .. فواز ... فواز ..
مشاري : لا تحاول .. خلاص نام ..
فيصل : بس عاد على الارض .. فواز .. فواز..
فواز : فيصل .. خلني انوم ..
فيصل : نم كيفك .. بس قم عن الارض .
فواز قام وجلس على الكرسي ..
فواز : فيصل .. هذا النوم طار .. وش اسوي الحين ..
فيصل : اذا وصلنا نم ..
وراح فيصل وجلس جنب نجلاء .. لقاها نايمه ..
فيصل : نجلاء .. نجلاء ..
نجلاء : اممممممم ..
فيصل : نجلاء .. قومي كلي ..
نجلاء : ما ابي ..
فيصل : وش قلنا .. يله قومي كلي ..
نجلاء : طيب ..
جلست نجلاء .. قعدت تاكل .. اول شي كانت تاكل غصب .. بعدين صدق حست بالجوع .. وكلتها كلها ..
فيصل : ههههههههههههه .. ما ابي شي هااااااااااه ..
ما شاء الله كلتيها كلها ..
نجلاء : لا اله الا الله ..
فيصل : قلت ما شاء الله .. وبعدين فيه احد ينظل زوجته ..
نجلاء : طيب .. معليش اروح اجلس مع البنات ..
فيصل : هاااااه .. مليتي مني ..
نجلاء : هههههههه .. لا والله .. بس استحي انا قاعده معك .. تلقاهم .. الحين شغالين تعليقات ..
فيصل : وشو استحي قاعده معك.. زوجك انا ..
نجلاء : يعني ما اروح ..
فيصل : الا روحي .. انا اصلا بروح اجلس قدام ..
قامت نجلاء وراحت جلست عند البنات .. وزي ما توقعت ما سلمت من تعليقاتهم .. عليها .. وعلى خوف فيصل عليها يوم طاحت ..
وفيصل راح قدام لقى مشعل راجع .. والباص يمشي ..
فيصل : مشاء الله متى رجعت ..
مشعل : من زمان ..
فيصل : تصدق ما انتبهت ..
مشعل : اكيد ما راح تنتبه.. وانت قاعد مع القلب ..
فيصل : هههههههههههههههه .. الله يخسك .. بس تعرف هي ما كلت شي من الصبح ولازم اغصبها على الاكل ..
مشعل : وهي بزر تغصبها على الاكل ..
فيصل : والله ان كان بيصير فيها ما صار فيها اليوم .. لازم نغصبها على الاكل ..
مشعل : هاااه طيب وشلونها الحين..
فيصل : لا احسن بكثير ..
مشعل : اشوا والله خفت .. خاصه اني انا اللي ضغطت الفرامل ..
فيصل : ايه ما صار الا الخير .. بعدين البنات كان لازم يقومون على طول.. وهي من الصبح ما كلت .. اجتمعوا ..
فواز : اقول مشعل .. حط اغنية الشاكي ..
مشعل : ليش ..
مشاري : بنرقص ..
مشعل : قل والله ..
فواز : والله .. حط .. حط ..بس ..
شغل مشعل الشاكي .. اول من رقص كان مشاري ..
فيصل : ايوووه .. وداق اللطمه بعد ..
فواز: الله .. فيصل .. عطني غترتي .. شفها جنبك ..
عطا فيصل فواز الغتره وتلطم فواز .. وطب مع مشاري ...
والبنات ورا تحمسوا وتقدموا وجلسوا يصفقون .. والجو.. كان هبال في هبال ..
فواز : يله فيصل ...
فيصل : لا ..
العنود : يله تكفى ..
فيصل : .......
نجلاء : يله .. الله يخليك ..
وقف فيصل ودق اللطمه ..
فواز : ايوووووووووووه .. يا ولد ..
العنود وهي تنغز ريم .: والله مشاري رهيييب ..
ريم : رقصه فضيع ..
العنود : والله حتى شكله . شفي عيونه من الشماغ .. والله يهبل ..
ريم : بس مشعل احلى منه ..
العنود : من جاب طاري مشعل الحين ..
خلصت الاغنيه ..
وراح فيصل بيجلس ..
نجلاء : لحظه فيصل ..
فيصل : وش بعد ..
نجلاء : ارقص على الاغنيه الجايه ..
فيصل : وشي ..
نجلاء : يا حبايب ..
فيصل :. طيب ..
وشغل مشعل الغنيه ..
ورصقوا على الاغنيه .. واول ما خلصت غير مشعل الشريط بسرعه قبل ما يجلسون .. وحط نحمد الله جت على ما نتمنا ..
وطبعا هنا بدا الهبال صدق .. قعدو الثلاثه يعرضون .. وطبعا السعودين وعرضه .. شي ..
بس فيصل ما طول شوي وجلس .. وفواز ومشاري كملوا ..
والعنود تناظر مشاري معجبها .. وريم تناظر فواز وهي منقهره منه .. وودها توصل الحين عشان ما تقابل وجهه.. ورنا .. والكتمه اللي جتها من سمعت مشعل يكلم غدير .. ونجلاء .. نفسيتها مرتاحه .. جدا .. رغد .. مكيفه مع الوضع .. الوضع طبيعي عندها بدت تنسجم مع نجلاء .. بس مو كثير .. بس اخف من اول ..
مر الوقت في الباص على نفس الحال .. هبال ورقص .. ولعب ..
وصلواا للشرقيه
الباص كانت اول من وصل .. لان مشعل كان مسرع ..
مشعل : فيصل .. وين فلتكم فيه ..
فواز : لحظه قبل ما تروح للفله .. نبي باسكن ..
مشعل : ههههههههههههههه .. تخيل .. نوقف بالباص ..
فواز : عادي انا بنزل .. انت لا تنزل ..
مشعل : طيب ..
وقف مشعل عند باسكن ..
فواز : يله كل وحده تقولي وش تبي ..
مشاري : بالدور .. نجلاء ..
فواز : ههههههههههه .. طابور مدرسه ..
نجلاء : توفي ..
العنود : فراوله ..
رنا : توفي ..
رغد : شوكلاته..
فواز : وانتي ..
ريم : ما ابي شي ..
فواز : ما عندنا ما ابي ..
ريم : ...........
فواز يلتفت على نجلاء : وش تحب ..
نجلاء عشان ما تحرج ريم : ما ادري ..
فواز : خلاص طيب بجيب لك على ذوقي ..
مشاري : رح اسال السواق وحرمته ..
فواز : هههههههههههههههههههههههههههههه ..
نجلاء : حرام عليك ..هههههههههههههههههههههههه .. الحين فيصل حرمت السواق ..
العنود : هههههههههههههه . . وانتي ما همك الا فيصل .. دافعي عن اخوك ..
نجلاء : بس اخوي صدق سواق ..
ريم : ههههههههههههههههههههه ..
فواز : ههههههههههههههههههههههه .. حلوه نجلاء تعجبيني ..
مشعل : اقول بتنزل ..والا احرك ..
فواز : لا بنزل .. بس وش تبون ..
فيصل : توفي ..
مشعل : انا ابي بعد توفي .. بس اسمع لا تشتري لهدول .. انا باكل شوي وبعطيها حقي ..
فواز : حااااااااااااااااااااااااااااظر ..
ونزل هو ومشاري ..
فيصل : وش فيكم تضحكووون ..
نجلاء : ابد سلامتك ..
العنود : لا نضحك على مشاري ..
فيصل : ليش وش قال ..
نجلاء : يقول لفواز .. رح اسال السواق وحرمته ..
فيصل و مشعل : ههههههههههههههههههه ..
مشعل : اقول فيصل .. فواز .. يدل الفله ..
فيصل : هههههههههههه .. اكيد ..
مشعل : خلاص خلنا نروح عنهم ..
فيصل : ههههههههههههههههههههههههههه .. حلوه .. يله حرك ..
نجلاء : لا تكفووووون نبي باسكن ..
فيصل : نروح الحين .. واذا رحنا حناك كلناه ..
نجلاء : وان عاندوا وما جابولنا ..
فيصل : اروح انا بنفسي واشتري لك .. خلااااص ..
نجلاء : خلااص ..
حرك مشعل الباص ...
...
فواز ومشاري .. من اول ما نزلوا من الباص ..
دخلوا باسكن وعطوه الطلبات .. وقعدوا يسولفون معه ..
الهندي : انت في اجي مع باااص ..
فواز وهو مال من ذا الهندي اللي يقرق فوق راسه : ايه ..
الهندي : انت اجي من امره ..(عمره)
فواز: لا انا جاااي من حج ..
الهندي : ما شاء الله ..
مشاري : هههههههههههههههههههههههه .. والله من الذكاء .. حنا وينا ووين موسم الحج ..
فواز : لا وصدق بعد ..
الهندي يصرخ : هذا باص مال انتم روه ..
طلعوا فواز ومشاري بس ما لحقوا عليهم ..
فواز : طيب اوريكم .. والله تندمون ..
مشاري : لا ومن زين حظنا .. جوالاتنا في البااص ..
فواز : تعال انا ادبرك ..
دخل فواز باسكن ..
فواز : اقوول رفيق انت في سياره ..
الهندي .: يس ..
فواز : معليش ودي انا بيت ..
الهندي : يس ما في مشكل .. عشان الهين في ادان عشاء ..
...






الباص وصل لفلة ابوفهد .. انا قبل ما ينزلون راح اوصف لكم البيت ..
اول ما تدخلون من باب الشارع . تلقوون مساحه كبيره كلها ثيل (زرع) وعلى اليمين مسبح كبير نسبيا .. وجنب المسبح في دورات مياه .. غرفه (ملحق )
وعلى اليسار فيه ملحق ثاني طووووويل .. جنبه دورات مياه
وقدام فيه الباب اللي يدخلك على البيت ..
اول ما تدخلون راح تلقون صاله كبييييييره وقدام فيه كونتر .. وورا الكونتر فيه مطبخ .. وجنب المطبخ في دوراة مياه وجنب دورات المياه فبه غرفتين ضغار .. وجنبهم باااب .. يطلع برا .. وباب قدامه على طول يطلعكم على البحر ..
نرجع الحين لداخل البيت .. نرووح فوق الدور الثاني .. اول ما ترقون تلقون خمس غرف على شكل نص دائره .. وكل غرفه معها حمام ..



يتبع ...

الجزء الجاااي راح اجيب لكم دخولهم للفله .. والاحداث اللي راح تصير في الشرقيه ..


..

تحياتي: الرتاج