[الرتاج]

الفصل الثاني






العنود : خييييييير يا عيال الفقر تفكرون في تعبيه بنزين وتطاقون على شانها ؟
فواز : جتكم بنت العز والدلع نعم ؟؟ احد طلب رايك ؟ محد قد قالك لك انك ملقوفه ؟ ونشبه؟
العنود : الله الله كل ذا فيني وانا مدري بس ممكن سؤال كل هالكلام بالنسبه لك والا الناس بشكل عااااام ؟ يعني هاذي نظرتك والا نظره الناس ؟
فواز : لالالالالالالالالا نظرة الناس كلللللللللللللللللللللهم
العنود : مررررررررررررررررررررررررررررررررررررررررررررررررر رررره
فواز : اصلا انا غبي معطيك وجه بزياده فيصلووووووووه يدك على 100 ريال بسرعه
فيصل : الحين مزعجني على 100 والله انك قعيطي
فواز : طيب انا قعيطي ممكن ؟؟؟؟؟؟؟
فيصل : انا لله وانا اليه راجعووووووووون
(طلع 100 ريال ) : هاااااااااااااك بس مره ثانيه تقول عطني بكف يطيرك فاهم ؟؟؟
فواز : يعني يومك فتحت البوك طلع شي يستاهل
فيصل : اقوووووووووووووووووووووووول تدريانك ما تنعطى وجه
فواز : ههههههه خلاص خلاص اتووووووب
فيصل : هههههههههههههههه ..
وقف مشعل عند المحطه عشان يعبون بنزين ..
نجلاء اول ما شافت انهم وقفوا عند المحطه دقت على فيصل ..
فيصل اول ماشاف رقمها .. رفع راسه يناظرها ..
فيصل : الحين انا وياك في باص واحد .. وشوله تدقين .. قولي اللي تبين على طول ..
نجلاء : عاد لا تفشلني ورد ..
رد فيصل ..
نجلاء : هلا والله ..
فيصل : اهليين ..
نجلاء : فيصل بطلب منك شي ..
فيصل : امري تدللي ..
نجلاء : بس تكفى لا تردني ..
فيصل : اقولك امري تدللي .. تقولين لا تردني ..
نجلاء : ابي ببسي ..
فيصل : بس غالي والطلب رخيص ..
نزل فيصل للبقاله .. جالب ببسيه وحده بس ..
ورجع للباص .. قرب من البنات وعطا نجلاء الببسي ..
نجلاء : هههههههههههههههههههههههه .. ببسيه وحده بس ..
العنود : لا والله .. وانا من الصبح استناك ترجع .. عشان اشرب الببسي .. تجيب لها وتخلينا ..
فيصل : هي ما قالت جب لنا كلنا ... قالت ابي ببسي ..
العنود : لا ما علي .. ابي ببسي ..
فيصل : هههههههههههههههه .. والله ما انزل مره ثانيه لو تموتين ..
العنود : يعني وشلون .. انا ابي ببسي ..
فيصل : والله فواز عندك ..
العنود : لا والله .. احلف انت بس .. انت عارف ان فواز بيرفض ..
فيصل : والله انا ما لي شغل تفاهمي انتي وياه ..
العنود توقف وتصرخ : فوواااااااااااااز ..
فواز ومشاري يلتفتون على صوت العنود ..
فواز : نعم .. خير .. وش تبين ..
العنود : ابي ببسي ..
فواز : لا والله اشتغل عندك انا .. ( يقلد صوتها ) ابي ببسي .. روحي يا شيخه ..
مشاري يهمس لفواز : حرام عليك روح جب لهم ..
فواز : قل قسم انت بس ..
مشاري : هههههههه .. قسم ..
فواز : روح انت ..
مشاري : اروح ليش ما اروح .. ( ويرفع راسه ) كم تبون ..
ريم والعنود سوا : 10 ..
الكل : هههههههههههههههههههه ..
فواز : خير .. وليش عشره ..
ريم : والله حنا نبي عشره.
فواز : لا كثيره ..
ريم : اذا صرت انت اللي بتشتري تعال قل هالكلام ..
العنود : بعدي والله بريم .. هذي النسوان والا بلاش ..
فواز : فرحانه .. بطوالت السانها ..
العنود : ايه فرحانه ..
فواز : كفوك .. ما جمع الا وفق .. سعيد اخو مبارك ..
ريم في نفسها يا ثقل دمك يا شيخ .. متى نوصل وافتك منك ..
جا مشاري بلببسي ..
قامت علطول ريم وخذته ..
فواز : العنود عطيني واحد ..
العنود : تحلم انت ..
فواز : هههههههههههه .. لا والله ما احلم ..
العنود : تنكت يعني ..
فواز : اقول اخلصي ..
العنود : منيب ..
نجلاء : اوووووف .. والله اذا ظليتوا تطاقون ما خلصنا .. ( وخذت ببسيه وعطتها لفواز )
فواز : بعدي بمرت اخوي .. انشهد انك سنعه ..
فيصل : ههههههههههههههههههههههههه ..
فواز : خير وش يضحكك ..
فيصل : هههههههههههه .. لان هالطقاق كله بسببي .. لو اني من الاساس جبت للكل ما كان صار اللي صار..
فواز : ههههههههههههههههههه .. احلف يا شيخ ... يوم قضى الموضوع توك تعلق ..
مشاري : ههههههههههههههه .. تدري ليش لان استيعابه بطي ..
فيصل : ههههههههههههه .. لا لا .. صدق انت وياه توني ادري ان استيعابي بطئ ..
وتركهم وراح جلس جنب مشعل ..
ووراهم فواز ومشاري ..
وفي اخر الباص كا نوا البنات ..
العنود : اقوووول ورا ما نلعب ..
ريم : يله ..
رغد : بس وش نلعب ..
العنود : خلونا نلعب لعبة الاغاني ..
نجلاء : أي وحده ..
العنود : كل ثنتين يصيرون فريق .. ويقولون اغنيه .. الفريق الثاني يا اخذون اخر حرف يبدون به اغنيه ثانيه ..
ريم : خلاااااص ..
رغد : بس مين مع مين ..
رنا : انا منيب لاعبه ..
رغد : ليش ..
رنا : انا ما اعرف اغاني كثير .. خلوني حكم ..
العنود : اوكي ..
ريم : خلاص انا ورغد .. وانتي ونجلاء .. .. وانتي يا رنا الحكم ..
نجلاء : بس من اللي يبدا ..
العنود : تبدا رنا .. بعدين انا ونتي ..
رنا : امممممممممم .. اختلفنا من يحب الثاني اكثر .. وتفقنا انك اكثر .. وانا اكثر .. .. يله حرف الراء ..
العنود : ما لقيتي الا حرف الراء ما احبه ..
نجلاء : امممممم ..
ريم : خلااااص خلص الوقت ...
رنا : لا توهم ..
العنود : لقيتهااااااااااااااا .. راحت وقالت تبتجي عقب يومين وغيابها وطول وانا في رجاها ..
رنا : خلاااص حرف الالف ..
رغد : الف .. الف ..
ريم : امممممممم .. احبك ليه انا مدري ... ليه اهواك انا مدري ..
رنا : حرف الياء ..
العنود : والله توترت .. نجلاء بسرعه ..
نجلاء : وش اسوي عقلي قفل ..
ريم : هههههههههههه .. يا عمري تنرحمون ..
رنا : يله .. 1 ..... 2 ..
نجلاء : لا .. لا .. لحظه ( وتصرخ ) لقيتهاااااااااااااا ..
العنود : طيب قولي ..
نجلاء : ههههههههههههههههههههه .. والله لقيتها ..
رنا : لقيتيها .. بس قولي ..
نجلاء تهمس للعنود : ما لقيتها .. بس ابي اكسب وقت ..
العنود : هههههههههههه .. ايه صح تراها لقتها ..
ريم : والله ما عند سالفه .. احسبي يا رنا ..
رنا : 4 ... 5 ..
نجلاء : لا والله صدق لقيتها ....
رنا : ... 6 ...
نجلاء : ياناس احبه واحب اسمع سواليفه ..
ريم : كملي ..
نجلاء : ما لك دخل المهم اني قلتها ..
رنا : يله حرف الهاء ..
ريم : لا تكفووووووووون .. ما احب هالحرف ..الله صعب ..
رغد : لا تتوترين .. وتعرفين ..
نجلاء : خلااص .. خلص الوقت ..
رنا : لا توهم ..
العنود : ايه عشانها اختك .. عطيتيها وقت ..
رنا : لا والله ..
رغد : ههههههههههههه .. لقيتهاااا ..
ريم : هههههههههههههه .. ايوووووووه عاشت ..
رغد : هونها .. يله هونها وتهون .. خل الندامه ودموع العيون ..
رنا : حرف النون ..
نجلاء : لاااااااااااااااااااااااااا .. ما اعرف شي ابدا ..
العنود : ههههههههههههههههههه .. يعني علقنا ..
نجلاء : الظاهر ..
العنود : حاولي ..
نجلاء : ههههههههههههههههههه .. جاني تصحر .. ما عندي شي ..
العنود تصرخ : لاااااااااااا نجيل حاولي ..
ريم: رنا .. احسبي ..
رنا : لا حرام ..
رغد : لا والله احسبي ..
رنا : حرام عطوهم فرصه ..
نجلاء : هههههههههههههه .. ايه عطونا فرصه ..
ريم تصرخ : لاااااااااااااا ... غش والله غش ..
رغد : رنا .. احسبي ..
رنا : 1 ........................... 2 ..
ريم : والله غش .. احسبي بسرعه ...
رنا : 3 ..................
العنود : نجيل .. مو معقوله ما فيه اغاني ..
نجلاء : والله ما جا في بالي شي ..
ريم من الحماس صرخت بصوت عالي .. : غــــــــــــــــــــــش .. والله غش ..

وعند الشباب ..
مشاري : ههههههههههههه .. وش عندهم كن السنتهم طالت ..
فيصل : هههههههههههه .. اكيد يلعبون ..
فواز : بروح اشوف وش عندهم ..
مشعل : وش عليك منهم خلهم . يستانسون ..
فواز : لا .. لا .. بروح ..
ورح فواز عند البنات ..
فواز: خيييير .. وش هالصراخ ..
العنود : وش دخلك ..
فواز : من ذي اللي صرخت ..
العنود : وانت وش عليك ..
فواز : اكيد ام لسانين ..
وعطاهم ظهره عشان يرجع لمكانه ..
ريم من بين اسنانها .. : روح يا شيخ اقلب وجهك ..
فواز .. اللي سمع ريم وش قالت : انا بروح .. بقلب وجهي بس مهوب عشانك .. انا بقلب وجهي عشان ما اقابل وجهك ..
وراح وهو يضحك بس من جواا منقهر .. من السانها الطويل .. ان ما خليتك يا ريم تندمين ما اكون فواز ..
مشعل : فواز وين هدول ما شفتها .. ما لها حس ..
فواز : نايمه على رجل وحده من ذا البني ..
جلس على الارض جنب مشاري ومتربعين .. لانهم .. مزينين لهم جلسه على الارض .. وجايبين مخاد وحاطينها .. يعني الوضع عندهم .. تمام .. كانوا جالسين يلعبون بنت السبيت ... ومنسجمين على الاخر ..
فواز هو منسجم يلعب : زيديني عشقا .. زيديني .. يا احلى نوبات جنوني زيديني ..
مشاري وهو بعد منسجم باللعب قام يغني مع فواز : كل عام وانتي حبيبتي .. اقولها لكي على طريقتي .. رافضا كل العبارات الكلاسيكيه التي يرددها الرجال على مسامع النساء .... كل عام وانتي حبيبتي ..
مشعل : هههههههههههه .. انت ابي افهم منهو اللي لاعب عليك .. قايل لك ان صوتك حلوو.. ترا الرجال لو يسمعك بيعتزل الفن نهائيا ..
فواز ومشاري بصوت واحد : هااااا حبيبي مو على بعضك احسك .. هااا حبيبي لخاطري لا تاذي نفسك .. منو زعلك انت .. ( وياشرون على مشعل وصوتهم عالي لدرجه فضيعه ) .. مني تزعل لك والله زعل الدنيا كلها ولا مكروه يمسك ..
مشعل .. يتحمد ربه عليهم ..
فيصل : هههههههههههه .. وشفيهم ذولي ..
مشعل : خلك منهم .. مجانين الحمد لله رب العالمين ..
مشاري : الظاهر انا اللي بنطلك في مستشفى شهاار (مستشفى المجانين )
فواز : مشوري حبيبي ما عليك منه .. ( ويرمي الورقه اللي كانت معه على الارض ) يله كلها يا ابو الشباب
مشعل اسرع وربط فرامل ..
فواز صقع في الكرسي اللي قدمه ..
ومشاري طاح على جنبه ..
والبنات ورا كل وحده طاحت على الثانيه وصراخ وحالتهم حاله ..
نجلاء : العنوووود قوميني ..
العنود : لحظه رجلي علقت تحت الكرسي ..
ريم وهي في الارض : العنود وخري رجلك ابي اقووم ..
العنود : والله علقت .. الخيط حق الكوتش علق ...
هههههههههههههههه .. تكفون فكوووه ..
رنا : انا ما اقدر .. لو اتحرك قامت هدول ..
رغد : لحظه .. لحظه ... ( وطمنت راسها عشان تفك الخيط بس لقت ان الخيط تحت رجل نجلاء )
هههههههههههههههههه ..
العنود : ناقصتك انا .. اقولك رجلي عالقه ..
ريم : رغد بسرعه ابي اقووووووم ..
رغد : هههههههههه .. الخيط تحت رجل نجلاء ..
نجلاء : هههههههههههههههه .. (ورفعت رجلها ) ... ههههههههههههههه ..
العنود وخرت رجلها .. وريم قامت ..
والشباب طبعا .. فواز مشاري قلبوا الدنيا .. فوق راس مشعل ..
فواز : خيييييير .. ان شاء .. وش شايفنا لعبه عندك ..
مشاري : فريره حنا ..
مشعل : هههههههههههههه .. عشان تعرفون طوالت اللسان وين توديكم ..
فواز : بنطول لسانا واعلى ما في خيلك اركبه ..
مشعل : طيب ..
ورجع ضرب على الفرامل بس هالمره اقوووى ..
فواز كان واقف .. طااااح على وجه ..
والبنات نفس المره اللي قبل بس هالمره كلهم طاحوا على الارض ..
ريم تصرخ : مــــشــــعـــل..
نجلاء : حرام عليكم .. وخروا عني .. كتمتوني ..
بس محد من البنات قام ..
نجلاء : وخروا .. ابي اتنفس ...
بس محد سمعها ..
نجلاء كل ماله صوتها يروح ..
نجلاء بصوت ما يسمعه الا هي : ابي اتنفس ..
فيصل يلتفت على البنات وفواز ومشاري ..
فيصل : خلاص قوموا ..
فواز ومشاري ما قاموا .. اعجبهم الوضع ..
والبنات قاموا وحده ورا الثانيه وما بقى غير نجلاء ..
اللي ظلت في مكانها ..
ريم : هههههههههههههههه .. نجلاء .. خلاص قومي ..
رنا : لحظه .. لحظه .. ( وقربت عند نجلاء وهزتها ) نجلاء ... نجلاء ..
العنود تصرخ : نــــــــجـــــلاء ..
فيصل يلتفت على صوت العنود : وش فيها ..
العنود والعبره خانقتها : مدري .. بس ما تتحرك ..
فيصل جا علطول .. ووراه جا مشاري ..
البنات وخروا عن فيصل ..
فيصل جلس في الارض ورفع نجلاء ورفع النقاب عن وجهها ..
فيصل : نجلاء .. نجلاء ..
وظل يخبط في وجهها ..
فيصل : نجلاء .. نجلاء .. نــــجــــلاء ..
مشاري : ما معكمم بصله ..
فيصل وهو معصب : فاضين لك ..
مشاري : عشان تقوووم ..
فيصل ورجع يخبط على وجه نجلاء : نــــجـــلاء .. ( ويصرخ ) تحركوا .. احد يعطيني .. مويه .. عطر ..
بس كلهم جمدوا من صرخته ..
فيصل يصرخ مره ثانيه : بسرعه ..
رنا على طول تدارك الوضع وفتحت شنطتها وطلعت عطر .. وعطته فيصل ..
فيصل بخ من العطر على يده وحطها عند خشم نجلاء ..
فيصل : نجلاء .. نجلاء ..
نجلاء بدت تفتح يعونها .. بس مهيب حاسه بشي من اللي حولها ..
العنود وهي متمسكه في ريم وتصيح : نجلاء .. نجلاء قومي تكفين ..
مشاري : خلاص ما له داعي الصياح البنت قامت ..
وبعدين هي بس اغمى عليها ..
العنود : لا خايفه ..
مشاري : ما فيه داعي تخافين .. شوفيها فتحت عيونها ..
فيصل : ابي مويه عطوني مويه ..
عطت رغد فيصل مويه كانت جنبها ..
خذا فيصل المويه ورش على وجه نجلاء .. وشربها ..
فيصل : نجلاء .. تسمعيني ..
نجلاء : ايه ..
فيصل : طيب يله خليني اساعدك عشان تجلسين على الكرسي ..
مسكها فيصل وساعدها عشان تقوم .. وجلسها في كرسي بس بعيد شوي عن البنات .. وجلس جنبها ..
فيصل : هااااه وشلونك الحين ..
نجلاء : احسن .. بس احس راسي يعورني ..
فيصل : تبين بندول ..
نجلاء : ايه ..
فيصل : خلاااص بنوقف عند المحطه الجااايه ..
نجلاء : لا انا معي في شنطتي ..
فيصل يرفع راسه وينادي العنود : العنود عطيني شنطة نجلاء ..
جابت العنود شنطة نجلاء ... بس المويه كانت مخلصه ..
فيصل : مشعل وقف عند المحطه الجايه ..
مشعل : طيب ..
نجلاء : ابي انوم ..
فيصل : نومي .. بس كلي البندول اول ..
نجلاء : لا خلاص ما ابي بندول ابي بس انوم ..
فيصل : طيب انتي ما كله شي ..
نجلاء : لا ..
فيصل : من الصبح ما كلتي شي ..
نجلاء : قبل شوي كلت شبس ..
فيصل : والشبس ذا عيشه .. تسمينه اكل ..
نجلاء : طيب وش اسوي الحين في الباص ما معنا الا شبس ..
فيصل : مع امي ساندويتشات .. الحين لين وقفنا عند المحطه جبت لك منها ..
نجلاء : لا ما ابي ..
فيصل : ما فيه مابي ..
نجلاء : والله ما لي نفس ..
فيصل : بتاكلين غصب .
نجلاء : فيصل الله يخليك والله مالي نفس ..
فيصل : عشاني نجلاء . كلي لو نص ...
نجلاء : طيب بس نص ..
وقف مشعل عند المحطه ..
نزل فيصل ..
مشعل وهو في مكانه .. : هدول تبين الحمام ..
هديل : ايه بابا ..
مشعل : طيب تعالي اوديك ..
هديل : لا..
مشعل : ليش ..
هديل : ابي اميمه رنا ..
مشعل : عيب .. هدول .. انا اوديك ..
هديل : لا ..
مشعل وهو يقرب من البنات ..
مشعل : لا هدول .. يله ننزل ..
هديل : ما بي ..
رنا : عادي .. مشعل اروح معها ..
مشعل : ...........
رنا وقفت : يله هدول ..
مشعل : لا رنا ماله داعي انا اوديها ..
رنا : لا .. لا خلاص ..
مشا مشعل ورنا وهديل وراه ..
نزلوا .. وراحوا عند دورة مياه النساء ..
دخلوا رنا وهديل لدورة المياه ومشعل واقف
مشعل ينتظر .. رن جواله .. طلعه من جيبه ..
وظل يناظر الرقم وهو مطير عيونه .. معقوله .. غدير .. يا الله لو تدرين قد ايش مشتاق لك ..
مشعل : الووو ..
غدير : هلا ..
مشعل : اهلين ..
غدير : اخبارك مشعل ..
مشعل : تمام .. انتي وش اخبارك ..
غدير : الحمد لله ..
مشعل : لين الحين في الرياض ..
غدير : ايه .. بس بعد شوي طيارتي .. انا في المطار ..
طلعت رنا .. بس شافت مشعل يكلم ورجعت ..
بس من مكانها .. تسمع كل شي .. بس اكيد من دون قصد ..
مشعل : ومن اللي حجز لك ..
غدير : هااااه ..
مشعل شك في الوضع : اقول من اللي حجز لك ..
غدير : عبد العزيز ولد عمي ..
مشعل بسخريه : هههههههههه .. اوه عبدالعزيز .. ماغير .. من وين طلع ..
غدير : ما لك دخل ..
مشعل : لا لي دخل ..
غدير : انت الحين منت زوجي ..
مشعل : بس لي الحق اعرف هو من متى في الرياض ...
غدير : قلت لك ما لك دخل ..
مشعل وهو معصب : اجل ليش مكلمه حظرتك ..
غدير : مكلمه .. ابي بنتي ابي .. اكلم بنتي ..
مشعل : ههههههههههههههههه .. زين والله اللي ذكرتي ان عندك بنت ..
غدير : انا ذاكره .. بس انت اللي حرمتاني منها ..
مشعل : انا ما حرمتك .. انا قلت لك تبين الطلاق بنتي تكون معي .. وانتي وافقتي ..
غدير : ليش يعني كنت تبيني اعيش معك .. هالحياة اللي ما لها طعم ..
مشعل : الحين صارت ما لها طعم .. تصدقين .. والله اني نادم على عمري اللي ضاع معك .. نادم على كل لحظه قضيتها معك .. نادم على كل كلمة حب قلتها لك ..
غدير : عن الكلام اللي ما له داعي .. وعطني اكلم بنتي ..
مشعل : ما لك بنت عندي ..
غدير : مشعل عطني بنتي ..
مشعل : هديل مهيب عندي الحين .. حنا في طريق سفر وهديل نايمه في السياره ..
غدير : طيب مع السلامه .. بكلم بعدين ..
مشعل : مع السلامه ..
طلعت رنا وهديل .. رنا من القهر اللي فيها .. كانت بالياله تمشي .. تحس انها مربطه ما تقدر ترفع ارجولها عن الارض ..
مشعل لاحظ هالشي : رنا فيك شي ..
رنا وتسال بعد .. تسال وش فيني .. فيني نار تحرقني .. ابي احد يطفيها يا مشعل والله مليت من هلعذاب .. ليش حظي كذا .. ليش .. ليش ..
مشعل : رنا وش فيك ..
رنا : لا ما فيني شي .. بس راسي شوي يعورني ..
مشعل : خلاص اذا رحنا لسياره خذي من نجلاء بندول .. ..


((( يتبع )))