مثل الزمن يا صاحبي صرت خوان..
لو للزمن محبوب عيا يخونه
كنت الغدر والكذب في صورة انسان..
حتى شعورك تعجز انك تصونه
مثلك يعيش الحب من غير وجدان..
تقرا ملامح كذبته في عيونه
الطبع يغلب لو تطبعت ويبان..
دايم راعي الزيف تفشل ظنونه
هجرك وصل ومواصلك صار هجران..
سرقت من ليلك معاني سكونه
العاشق اللي حمله حبك احزان..
والله حرام انك تحرك شجونه
الفرق شاسع بين سالي وولهان..
بين القلوب القاسيه والحنونه
ومثل الزمن يا صاحبي صرت خوان..
لو للزمن محبوب عيا يخونه