قالو ترى
قالو ترى مالك امل في قربها لو يوم
ابعد وجنب دربها..هذا هو المقسوم
قلت اتركوني واسكتوا ..خلو العتب واللوم
قدني غرقت في بحرها ..ولاعاد يفيد العوم
قالو ترى في حبها ويل ..واسى ..واهموم
قلت ان قتلني حبها ..حسبي تقول مرحوم
قالوا انسى ذكرها..منتب بها ملزوم
قلت ابشروا ياعذلين ..بنسى لذيذ النوم
قالوا بتلقى غيرها ..واترك هواها اليوم
قلت العفو ياحاسيدين ..مابدل القمر بنجوم
قالوالغيرك حبها ..قلت الجواب مفهوم
دام انهى متنهيه..وشلون اصير محروم
بقضي الليالي انتظر ..صابر على المقسوم
متعلق بطرف الامل ..يمكن يجيني نوم
قالوا ترى مالك امل ..في حبها لو يوم
ابعد وجنب دربها ..وهذا هو المقسوم