[$$$عز$$$]

*·~-.¸¸,.-~*بسم اللــــــــه الرحمن الرحيم *·~-.¸¸,.-~*

أخوانـــــي أعضاء منتدى حلا

إهداء:



إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال

وأن خيرهما الذي يبدأ بالسلام



قصيدة ثمينة ومؤثرة للشاعرة /ليلى سعد عباس الحربي

تقول فيها:



الناس واجد مير ما مثل الاخوان$$$$ ما مثل اخوك اللي يحبك ويغليك

ما مثل اخوك اللي صدوق ومعوان$$$$تفديه بالغالـي وبالـروح يفديـك

يشكي لك جروحه وهمه والاحزان$$$$ولا ضاقت الدنيا بهمك يواسيـك

لو كان لك ربعٍ ونـاسٍ وجيـران $$$$ ما مثل اخوك اللي عن الناس يغنيك

أخوك هو عزك ولو كان ما كـان $$$$ يبيع كل الناس لأجلك ويشريـك

أنا أشهد أنه لك على الصدر نيشان$$$$ تاجٍ على راسك وستـر يغطيـك

وانا اشهد انه مـا يثاقـل بميـزان $$$$ مثل الذهب والماس مافيه تشكيك

وانا اشهد إنه ما يقـدر بالاثمـان $$$$عن العدو حصـن ودرع يوقيـك

إياك لا تفتـح طريـق لشيطـان $$$$ بينك وبينه جعـل ربـي ينجيـك

ولا تستمع لاجاك علان وفـلان $$$$ يا كثر ما تسمع من اللي يعاديـك

ولا تجعل لغيرك على العقل سلطان $$$$ ترى كثير اللي بشـوره يدهويـك

ترى الدهر دوار يا سرع الأزمـان$$$$ يومٍ تواريـه الثـرى أو يواريـك

تقول يا ليت الذي كـان ماكـان $$$$ يا ليتني بالقبر جنبـك واخاويـك

يا ليتك تعود واضمك بالاحضـان $$$$أضمك لصدري واقبـل أياديـك

يا ليتك تعود ترى القلـب ندمـان $$$$ وده يسوق المعذرة ثـم يراضيـك

مير البلا يا ليت مـاردت إنسـان $$$$ ويا ليت ما تمحي ظلام بما ضيـك

تماكن الدنيا وواصـل بالاحسـان $$$$ قبل الندم يطويك والهـم يبريـك

ونهاية المشوار ما غيـر الاكفـان$$$$ ويبقى مع السارين ذكرك وطاريك

وسلامتكم...

صح لسانهـــــا واللــــــــــــه

تقبلوا تحيــــــــــات

أخـــــوكمـ