[!! نجديه !!]

المشاركة الأصلية كتبت بواسطة البجادي

يعني عشان إن طفارى مساكين=ولا عشان إن مانحب الخساره
تصد عني وتاخذك العناوين=وتقول منت بـ لولو ولا أنت محاره
يعني لازم نكون من أصحاب الملايين=ونواكب لعيونك برمجه الحضاره
يابنت أنا بدوي مهما تقولين=ولا أرضى بكلمة (ن) على غواره
عزة نفسي ماتقبل هرج النساوين=ولا أماشي لابس قلاده وسواره
طبعي كذا ماتبع اللي مقفين=ولا أسري بدرب (ن) ماعرف مشواره
مليت من كثر شوقي مليت بعدين=بعدين الى متى يامطول أنتظاره
دايم أتغلا و أتغلا من سنين=وقول باكر راح تجيني البشاره
وثرك ضايع في ليالي المجانين=وتحسب الغدر ميزه وشطاره
جرحي وعرف دواه ما يحتاج مداوين =وأنت وشرواك على الدنيا خساره

البجادي

بجاااااااااااااااااااااااااااااااااااادي
والله العظيم ما قدرة أختار بيت مميز في القصيده
كل بيت أحلى و أجمل من اللي بعده
وبعدين وش قد أنا فرحانه حيل أني أشارك في قصائدك
شاعري وشاعر المنتدى و يا رمز من رموز حلا
قصيدتك أعجبتني حيل
وأنا وحده من جمهورك اللي للحين ما سجلو في المنتدى
صحيح أنا ما أفهم في الشعر شي من ناحية وزن وكسر ومدري أيش
بس أنت تكتب بحساس وعفويه وبراءه ما شفتها في أنسان قبلك
ولا أظن بيجي أحد بعدك في مستوى كتاباتك
صح لسانك يا شاعري الحساس على القصيده
مع حبي