[السندباد]

اسمحولي اقدملكم هالمشاركة الحلوة..
بس باللهجة الاردنية


احنا...الاردنيين
اذا صار عنَا عُرس بنزمر
و إذا نجح لنا حدا بالتوجيهي بنزمر
قبل ما تفتح الإشارة الضوئية (بثانية).. بنزمر
و بعد ما تفتح الإشارة كمان بنزمر
على الدوّار... وعلى الكوربه علنزله و علطلعة كله بنزمر
إذا طوّل علينا الشرطي وهو موقفنا على الدوّار مشان نذكره.. بنزمر
أما إذا حدا كسر (لف) علينا!!! - بالغلط أو بالقصد -فأكيد بنزمر
ولو حدا ثاني قدامنا ماشي بطيء - بكزدر - كمان بنزمر
أما اللي بتوقف سيارته قدامنا (عطلانه) فمش مشكلتنا بنزمر
إذا طالعين من شارع فرعي لرئيسي - بالليل أو بالنهار بنزمر
سَواق باص المدرسة إذا تأخر حدا من الطلاب الصبح بكييييير بزمر
و فلان إذا جاي ياخد صاحبه بدل ما ينزل يناديه..... بزمر
إذا عجبتنا بنت بالشارع بنزمر
وإذا شفنا أبو فلان بالشارع و حبـيـنا نقول مرحبا....بنزمر
لو قرر واحد منّا يخفف ليمرر أحد المشاة!!!! كل اللي وراه بزمر
إذا فاز حد معجبين فيه أو فيها بسوبر ستار أو ستار أكاديمي ف بنطلع نزمر
وطبعا إذا فاز المنتخب بنزمر

لا أظن أنها ظاهرة أليس كذلك؟؟؟!!!!
و لكن المفارقة هي...
أنه إذا ارتفعت الأسعار (الوقود مثلاً) و اذا ارتفعت
الضرائب...إذا إنخطفوا الشباب في العراق!!! و إذا زادت
رواتب الكبار وبقيت على حالها رواتب الصغار...إذا زاد
معدل البطالة مع وفود الكثير من العمالة .... إذا حصل
كل هذا و أكثر.... العجيييييييب يا إخوان إنه فجأة
........................ ما بطلعلنا اي صوت !!!!


ترا ياجماعة هالحكي في منه