18-01-2005, 05:51 AM
|
#1
|
(حلا نشِـط )
|
رقّصي كل الجروح
ماهي بغلطة غياب الشمس ظلمات الليالي
ولا ذنب الطفل قلبٍ قد تولع في غرامـه
الربيع اللي حضن ورداته بكبـر وتعالـي
ما ارهبه طعنات صيفٍ قاسيٍ صبح انتقامه
دامها/(كذا/ وكذيا)/ اقبلـي/ يالله تعالـي
لا يهمونك /مادام الوصل/ نوخ لي مقامه
اطعني ليل الجفا داخل صميمـه لاتبالـي
اسحبي جنون امنياتي بني بقلبـي خيامـه
رقّصي كل الجروح اللي قست اول وتالي
داعبيها لين تغفى وتهتني بأجمـل منامـه
اغرسي فوق الجروح الغافيه ورد اختيالي
بين هذا/ وبين هذا اتركي بصمه وعلامـه
اسكني داخل عيوني ولملمي كل مابقالـي
لملمي ذاك الشتات واحضني قلبي بهيامـه
انثريني في غياهب ليلتك وقـت اشتعالـي
واجمعيني لاتسلل خيط صبحك بالسلامـه
اغمريني في حنانك لاوصل وقت ارتحالي
ازرعي داخل كياني من لياليـك ابتسامـه
صامت بحضرة جمالك لين بعدك قد بدالي
رحت اردد مابديته من كسا قلبي ظلامـه
ابحر برحلة غيابك بس بعـدك ماطرالـي
ينتهي كل الكلام ويبقى لصمتـي كلامـه
ماهي بغلطات شمس الحب طعنات الليالي
ولا ذنب الطفل قلبٍ راح تكسيه الملامـه
العيد حامد
|
|
|
|