[بنوتة ابوها]

ابو ناصر: ياحليلك يامرة اخوي باقي على محاتاتك
ابو محمد: يوه ياخوي واكثر من اول
ناصر : وشدعوه ياخالتي لاتحاتين مافي الا الخير انشالله وعبد الله انشالله بخير
محمد: انا بروح اشوف صالح وام صالح
نوره: عطني دليلتليفوناتي
نوره : وشتبي فيه
محمد:عبد الله طالع من الظهر وللحين مارجع باخذ رقم واحد من معارفه بكلمه
نوره: بس تو الوقت ماتاخر الساعه توه 8
محمد: امي قلقانه وانا خايف عليها عشان كذا بحاول اكلمه عشان يجي انتي تعرفينها تعبانه ومابيها تقعد تقلق
نوره : امسك هذا دليل تلفوناتك انا بشوف ذا المزعج ولدك
محمد: هتيها مالامزعج غيرك بشويش يايوليك لو صرختي عليه
نوره: بسم الله علي لاتخاف شايفني بايعه عمري لو بغيت اصرخ عليه بصرخ فبيت اهلي اصرخ على ولدكم عندكم عشان انطرد مره وحده
محمد: وشدعوه ياعمري ماعاش من يطردك ولا يقولك شي كم نوره عندي انتي راس المال
نوره بدلع وحيا: تسلم ياعمري الله يخليك
محمد: الو السلام عليكم
سيف: وعليكم السلام
محمد: سيف انا محمد اخو عبد الله
سيف: هلا وغلا كيف حالك محمد
محمد: بخيير انت وشلونك
سيف : بخير
محمد: اسف لازعاجك بس حبيت اسال شفت عبد الله اليوم
سيف ايه قبل ساعه نلزني البيت وارح يجيب هديه لاختك
محمد: اها يعني بخير
سيف : ايه بخيير
محمد: طيب ليش مايرد على جواله
سيف: والله مدري يمكن مخليه على الصامت ونسى يشيله او تاركه بمحل
محمد: يمكن عموما اخوي سيف اسف لازعاجك تامرني شي
سيف : لا في ازعاج ولاشي مايانر عليك عدو
محمد: فمان الله
سيف : فمان الكريم
نوره: ها شافه
محمد: ايه الحمد الله قال انه طالع من عنده من فتره واكيد الحين بالطرييق
نوره : روح طامن خالتي تلقاها على اعصابها انا اعرف محاتها
محمد: ايه والله صدقتي
محمد: يمه
ام محمد: هلا
محمد: ترا عبد الله بخير وتوني مكلم صديقه يقول انه طالع من عندي بيطلع يجيب غرض وبيجي البيت
ام محمد: طيب ليش مايرد على جواله
محمد: يمكن حاطه على الصامت
ابو ناصر: يلا اجل انا استاذن
ابو محمد: وين ياخوك تعشى معنى
ابوناصر : لا ماقلنا لام ناصر خلها مره ثانيه
ابومحمد: طيب انت ياناصصر مالك عذر
ناصر معليش انا بدي الوالد خلها مره ثانيه ياعمي
ابومحمد: يعني مافي فايده اجل يوم الخميس انشالله العشى عندنا
ام محمد: ايه وقول لام ناصر والعيال
ابو ناصر: انشالله خلاص الخميس باذن الله
محمد: بطلع اشوف نوره وصلوح عن اذنكم
ابو وام محمد: اذنك كعك ياولدي
ام محمد: ياصالح ابي اكلمك بموضوع
ابو محمد: تكلمي خير انشالله
ام محمد: خير بس عبد الله اليوم كلمني ويقول مابقى شي على تخرجه وبعدين بيشتغل معك بالشركه ويبي يكمل نص دينه
ابو محمد: هذي الساعه المباركه زين عقبال ماشوف اخته مشاعل عروسه ومافي احد براسه
ام محمد: لا ماقلي شي بس انا براسي وحده وهي بخاطري من زمان
ابومحمد: مين
ام محمد : بنت زوج اختك نوره
ابومحمد: سهى ماشالله ونعم بهالبنت ايه زين ماخترتي البنت يتيمه وتربية اختي نوره وانتي تعرفين نوره ماشالله
ام محمد: اجل موافق
ابومحمد: ايه موافق مايبيلها كلام الولد ولدنا والبنت بنتنا الله يوفقهم انشالله ويكتب الي فيه الخير لهم
ام محمد: اجل اكلم نوره اختك بكره
ابومحمد: كلميها على البركه انشالله
عبد الله: السلام عليكم
ابومحمد: هذا الطيب عند ذكره
عبد الله وهو يحب فوق راس ابوه: وشكنتوا تقولون
ابو محمد: كانت الوالده تقولي انك تبي تكمل نص دينك وتتزوج وماشالله اختراتلك زين البنات
عبد الله وهي رايح يحب فوق راس امه وهي تبعد عنه: افا الوالده زعلانه وشفيك يام محمد
ام محمد: الساعه كم الحين وانت قايل الساعه كم بتكون فيه
عبد الله: يمه ساكحيني والله راح الوقت مع العيال مانتبهت وتني انتبهت لجوالي كنت حاطه صامت لاننا كنا نشوف فلم وحطيته صامت واول ماشفت الوقت طلعت نزلت واحد من العيال وجبت هديه لمشاعل السموحه يالغاليه
ام محمد: زين هالمره بس
عبد الله :تسلمين ياالغاليه يااحلى ام بالدنيا مشاعل وينهي
ابو محمد: يارجك ياولد ماودك تعرف منهي البنت ولا شي ولا تبي تتزوج وبس
عبدالله وهو منحرج من ابوه : الا بس حاولت بالوالده عييت تعلمني قالت بعد مايوافق ابوك ويوم قلتلها انا الي بتزوج مو ابوي عصبت علي طلعت الوالده تحبك وتغار عليك
ام محمد وهي مستحيه: عبد الله ورى ماتنثبر ياوليدي ولا تروح تعطي اختك هديتها
عيد الله: ساحليلك يمه استحيتي بروح اعطي مشاعل هديته بس لحظه مين البنت الي بتخطبونها لي
ابومحمد: بنت زوج عمتك نوره
عبد الله: مين
ام محمد: سهى
عبد الله : اها سهى ماذكر شكلها زين
ابومحمد: ايه لانها مو دايم تجي مع معمتك واذا جت لرياض تروح تسلم على امها
عبد الله: الي تشوفونه انا بروح لمشاعل
عبد الله : مشاعل افتحي انا عبد الله
مشاعل تمسح دموعها : هلا معليش كنت نايمه
عبد الله: نوم العوافي مشمش كل سنه وانتي طييه احترت وش اجيبلك بس انشالله تعجبك
مشاعل وعيونها كلها فرح: ياعمري ياعبدالله ليش تعبت نفسك تكفيني كلمة كل سنه وانتي طيبه
عبد الله: المفروض نسويلك حفله وش كبره
مشاعل: وشحفلته تبي تعلم الناس اني كبرت خلهم لايعرفون عمري
عبد الله: اقول اسكتي الي يشوفك يقول 24 سنه وخلاص ماعاد يتغير هالعمر لمدة 6سنوات
مشاعل وهي تضحك على اخوها : نشوف زوجتك بكره اذا وصلت 24 نسالها كم عمرك
عبد الله: ماقلتلك ادخلي ادخلي حتى ماقلالتي تفضل لا مع الباب تكلمني
مشاعل: وشدراني انك تبي تدخل تفضل
عبد الله: امي بتخطبلي
مشاعل : وشو وشو وشو عيد اخاف اني احلم
عبد الله: امي بتخطبلي
مشاعل: بلله ومين وليش ومتى
عبد الله : حلوه ليش عشان اصور جنبها وشو الي ليش عشان اتزوج ياغبيه
مشاعل: مو القصد بي يعني متى وليش ماقلتلوي
عبد الله: توه اليوم قلتلها والوالده قالت البنت جاهزه وسالت الوالد وتوهم يقولون بيكلمونهم بكره
مشاعل: مين مين
عبد الله : من قايلك افتحي الهديه اول وقولي رايك بعدين اقول
مشاعل" طيب وهذاني فتحته ياااااااااااااااااااي عبد الله مرره حلوه مره حلوه كيف جت الفكره على بالك
عبد الله: عشان تعرفني مو بس انتي الي فنانه

مشاعل وهي تحضن اخوها : شكار ياياحلى اخو بالدنيا
محمد: لا ياشيخههو احلى اخو بالدنيا وانا صفر على الشمال
مشاعل: وشدعوه الله لايخليني عنكم كلكم ياحسن اخوان بالدنيا
محمد: رقعي رقعي
مشاعل بدلع: محمممممد
محمد: طيب طيب يلا انا بروح لنوره حبيبتي تدلعني وانتي اقعدي دلعي اخوك
مشاعل: عبد الله منهي ماقلتلي
عبد الله: بنت زوج عمتي نوره سهى
مشاعل: والله سهى
عبد الله : ليش تعرفينه
مشاعل: ايييه اعرفه مشاالله البنت جمال واخلاق وادب صدق امي عرفت تختارلك
عبدالله: حكيني عنها قوليلي اي شي
مشاعل: وش اقول يعني الي اعرفه البنت مره طيووووووبه وحلوه واخلاقه عاليه ماعرف وشاقول
عبد الله: اها الله يكتب الي فيه الخيير
مشاعل: امين الله يوفقك ويسعدك انشالله
عبد الله: عقبال مانفرح فيك مابقى الا انتي
مشاعل بدت الدموع تتجمع تذكرت انها كانت بتكون زوجة بدر يوم من الايان اها يابدر ليش ظلمتني ليش
عبد الله: هذا نصيب كل بنت وانتي تعرفين هالشي وبعدين ناصر خطبك كثير واوبي ماقالك الا مره وحده وانتي رفضتي وبعدها ماعاد قال وناصر رجال محترم وطيب واخلاق وبار باهله ويكفي انه شاريك ويحبك