[بنوتة ابوها]

ريما: مرحبااااااحبيبي
بدر: هلا
ريما: كيفك عيوني
بدر: الحمد الله بس بدون حبيبي
ريما: انشالله على وعدنا اليوم
بدر: ايه تصدقين اني مشتاقلها مره
ريما: اوكي اشتاقلها لين تشبع لو هي تحبك كان ماتركتك كل هالمده
بدر: لاتنسين اني كنت قافل جوالي لاني كنت بمصر ولاقلتلها
ريما: بدر لاتقهد تتعذرلها بكيفها لو تحبك حب فوق الخيال زي ماتقول بتجيك بس ليتك تفتح وتشوف من يحبك المهم انا بروح البس
بدر: اوكي اخليك باي
ريما باي
وجا بكره وكلمت مشااعل ولقت جواله مقفل
المهم تجهزت لانها بتطلع مع صديقات هيفا يتغدونن وكان اليوم عيد ميلاد مشاعل ومسوينها مفاجأه لها طبعا هيفا : الو مشاعل
مشاعل: هلا
هيفا: يلا انا تحت يلا بسرعه
مشاعل: زين زين جايه
دقت مشاعل على بدر هالمره مارد عليها ارسلتله مسج حبيبي انا رجعتلك رجعت وكلي حب وكلي شوق لك ياعمري مره مشتاااااااااااااقتلك لما تفضى كلمني ياقلبي
هيفا: كلهذا تلبسين عبايه
مشاعل: معليش معليش
مشاعل: وين بروح
هيفا : الحين بتعرفين
مشاعل: زين كيف فهد
هيفا : ماععليه
مشاعل/ الاتعالي مين بيجي اليوم من صديقاتك
هيفا: مالك شغل
مشاعل: يوه وشفيك انتي كلشي بعدين ومالك شغل
هيفا : بيجون كل البناات وليتك تسكتين لاني قاعدع افكر
مشاعل: احلى تفكرين ليش اي شركه من شركاتك الي تبين المناقصه ترسي عليها
هيفا: وشتقولين انتي
مشاعل : مدري عنك انتي
هيفا: طيب اسمعي بنروح لسبازيو الي بالمملكه ارتحتي
مشاعل: مو مره
هيفا : وشو بعد
مشاعل: مين بيجي
هيفا : الي قلتلك
لما دخلوا تفاجأت مشاعل بصديقتها واحتفالهم بعيد ميلادها كانت مبسووطه بس كانت تتمنى احد يباركلها كانت تتمنى بدر بعد ماقعدوا وانبسطوا جوا بيطلعوون
هيفا : ها انشالله انبسطتي بالمفاجاه الحلوه
مشاعل وهي تحضن اختها : احلى مفاجاه تسلمييين ياحلى اخت بالدنيا
هيفا : شوشو وشاريك نرقى فوق للبرج
مشاعل: يلا وش ورانا
هيفا : يلا
وصلوا لفوق دخلو مشاعل جمدت فمحلها وشحب لونها
هيفا : مشاعل وشفيك ماتوقعتك تخافين من الاماكن المرتفعه
مشاعل ترد على اختها بدمعة عينها
هيفا وهي تناظر بالمكاان الي اختها تناظر فيه: مشاعل وشفيك اكلتي الرجال وزوجته بعيونك
مشاعل برضو ترد بدمعه ولاحركه
هيفا : معقوله كل هذا من مكان عالي خلاص امشي ننزل ماتوقعتك خوافه لهدرجه حبيبتي يلا ننزل
هيفا تجهل موقف مشاعل تجهل ان الرجال والحرمه الي اكلتهم بعيونها هذا بدر حبيبها الي ضحت بكل شي عشانه الي خانت اهلها عشانه الي حبته بكل مشاعرها واحاسيسها الي كانت تتقبل زلاته واخطااه وتسامح وتسامح لين ماداس عليها داس على مشاعرها بخياانه ؟
هيفا بصوت عالي ويرتجف: مشاعل مشاعل احد يساعدني جيبولي مويه
جوها المسؤولين وجابوا كرسي لمشاعل وقعدوها وجاوبا مويه وبدى يرجع اللون لوجههها
ريما: بدر وشفيك وشالسالفه تعرف هذي وشفيك كذا منقلب
بدر: ولا شي
ريما : اوف وشفيك وشسوتلك هذي

بدر: ماتعرفين تسكتين شوي
هيفا: مشاعل وشلونك ردي علي
مشاعل: كويسه
هيفا : طيب يلا يلا خلينا نروح
مشاعل: يلا
مشاعل وهي تتقدم لناحية بدر: اشكرك على هدية عيد ميلادي وتاكد عمري ماراح انسى هديتك لانها انحفرت بقلبي وبيقعد جرحها ينزف عشانه كان يحب ويخلص
هيفا فاتحه فمها ماتعرف وشالسالفه ومشاعل بكل خطوه تمشيها كانت تحس انها نهايتها لانها انجرحت من الي تحبه بس كان نفسها تسمعه يبررلها عشان تسامح لانها تحبه بس كرامتها تصرخ وجرحها ينززف بغزاره والعذر ماراح يداوي الجرح وحاولت انها تتماسك ماتبي تنهار قدام بدر قدامه هو بالذات لانها مااحترم مشاعرها ودعس عليها ولكن بكل خطوة كان مجهود كبيير ينبذل وقدرت تصمد لين السياارة
هيفا : ممكن افهم وش السالفه
مشاعل:..............
هيفا بعصبيه: مشاعل رديي ممكن افهم وش السالفه
مشاعل: هيفا انتي تحبيني
هيفا: وش هالسؤال مني رايقه لخفة دمك
مشاعل: جاوبيني
هيفا : اكيد اختي
مشاعل: اجل ارجووك لاتساليين ارجوووك لاتضغطيين علي
هيفا: وش الي ارجوك ابي افهم شوفي شكلك ولونك وشتبين اقول لامي وابوي قوليلي
مشاعل: لاتقولين شي
هيفا: وشكلك
مشاعل بصياح وعصبيه: عادي بقول تعبانه وفيني النوم ولاتنسين اني جايه امس من سفر يعني عندي عذر
هيفا بصوت عالي: لا بتقولينلي ولا الموقف الي صار بيوصل لابوي
مشاعل وهي تصيح بهستيريا : مابي مابي مابي اقول شي ارحميني الحين مابي اقول شي خلاص اتركيني بحالي ماب ياتكلم الحين منتي شايفه اعصابي تعابنه اتركي اللقافه عنك شوي لين ارتاح واقولك الي تبين
هيفا: طيب خلاص خلاص لاتقولين شي لا الحين ولا بعدين بس هدي حالك
هيفا: مجيب روح لبيتي
مشاعل: لا برجع البيت
هيفا: روحي هدي حالك عندي واشربيلك شي بعدين ارجعي للبيت ولاتخافين ماراح اقولك قولي ولاشي
مشاعل : زين
هيفا: الو هلا يمه
ام محمد: هلا وينكم وشفيكم تاخرتوا
هيفا : يمهه معليش مشاعل بترجع معي للبيت عشان ابي اوريها اشياء شاريتهم
ام محمد: بس اختك توها جايه من سفر واكيد بترتاح
هيفا: يمه ترتاح عندي

ام محمد : الي تشوففينه يانبتي
هيفا: تسلمين يمه
هيفا : ادخلي يامشاعل
مشاعل: تسلمين هيفا بس بيجي يوم اقولك بس اعذريني احلين
هيفا: مو مشكله حبيبتي بس اهم شي لاتوقفين حياتك لشي مايستاهل او احد مايستاهل
مشاعل نزلت راسها لانها عرفت ان اختها عرفت
هيفا : وهذي الغرفه ارتاحي وروقي وانا بقول لشغاله تجيبلك عصير ليمون يهدي اعصابك وصليلك ركعيتن وانشالله تهدين
مشاعل راحت للغرفه وصلت وهدت وبدت تفكر وينعاد شريط الذكريات من اول يوم عرفت فيه بدر لين اليوم
مشاعل: يالله وش كثر عطيت وضحيت هلاانسان وشكثر حبيته وكيف كافأني كيف داس على مشاعري لكن لايابدر انا مو مشاعل الي تعرفها هيفا صادقه ليش اوقف حياتي عشانه ليش احزن واتالم وهو ماهمه المي وحزني لا انا برجع مشاعل االاوليه وماراح اخلي شي ياثير فيني وبلقى الي يستاهلني انت خسرت يابدر وانا يمكن خسرت بس هذي تجربه عشان اخذ منها درس وبهالوقت يدق تلفون مشاعل والمتصل بدر

..........

عبد الله: يمه يمه
ام محمد: وشفيك
عبد الله : وين مشاعل
ام محمد: اليوم عيد ميلادها وطالعه مع هيفا
عبد الله: اشوى ذكرتيني بروح اجيبلها شي
ام محمد: وين بتلقى محل فاتح الحين
عبد الله : بروح اتغدى مع العيال بعدين اجيبلها شي
ام محمدد: بتتاخر
عبد الله : لا يمه بالكثير 5 وانا عندك
ام محمد: زين لاتتاخر ترى عمك وناصر بيجونا اليوم
عبد الله : يمه بغيتك بموضوع
ام محمد: امر يولدي وشبغيت
عبد الله: يمه انا مابقالي الا هالترم واتخرج وانشالله الوظيفه وجاهزه وودي اكمل نص ديني
ام محمد والدنيا مو سايعتها من الفرح : وشقلت وشقلت عيد ماسمعتك
عبد الله : ابي اكمل نص ديني يعني ابيك تدورينلي عروسه زينه ابي اتزوج
ام محمد: تزغرط من الفرحه : الف مبروك الف مبرووك ياولدي البنت جاهزه
عبد الله: وشجاهزه امداك يمه
ام محمد: والله البنت بخاطري من زمان بس كنت استناك تفتح الموضوع معي
عبد الله : زين يمه بس ماسالتيني مواصفاتي وشي يمكن ماتصير فيها
ام محمد: لا انا اعرفك زين ياوليدي البنت مناسبتلك مرره وهي الي بتسعدك
عبد الله: طيب منهي يمه
ام محمد: ماراح اقولك اشاور ابوك اول بعدين اقولك
عبد الله وهو يضحك على امه : ليش يمه انا ولا ابوي الي بيتزوج
ام محمد: فال الله ولا فالك انت الي بتتزوج
عبد الله: احلى احلى الوالده تغااار
ام محمد : وهي تضرب كتف ولدها : هذا الغالي وبعدين انت تفاول على لمنك انت ووجهك
عبد الله وهو فاقع ضحك: اوف اوف عصبت الوالده لالا لاتعصبين اخاف تهونين مالتخطبينلي شاوري الي تبين حتى لو بغيتي ولد الجيران شاوريه بس دوريلي عروسه زينه
ام محمد: البنت الي فبالي ماراح تلاقي مثلها جمال وطول وجسم ودلال ودلع وادب واخلاق وطيبه وحنان ماشالله بنت ولا كل البنات
عبد الله : يمه منهي تكفيين شوقتيني اعرف مين
ام محمد: مافيه لييييييين اشاور ابوك واذا وافق قلتلك ورجنا خطبناها لك
عبد الله : زين يمه الي تشوفين