[محمد سعد]

المشاركة الأصلية كتبت بواسطة 7ELEM nour

لوّين راجع !!!قلّي؟؟؟؟
راجع....
راجع بعد كل هالسنين تبكي حنينك
وكان السبب , حرقة قلب... و هالطفل ع ايدك
شو تغيّرت عليّ كلماتك
زادت الاااااااه بأهاتي
تركت الدني كرمالك
و حبك غيّر حياتي
وزرعت بقلبي احلام , عمري ما نسيتا
وصرخت طفل جوعان , ما قدرت نهيتا.

وبالحلم...
شو حلمت بحضن يدفيني
وقلب كبير يحميني
من شوقي لعطش الأيام
و حكي الناس والملام
لكن... ما شفت غير حضنك
وقلبي الحنون بشوق , عم يحضنك
ولما صحيت , من صحوة الأيام
شفت حالي بغربة ظلم من الأوهام.

وبالأمس...
كنت متل المجنون , تجن بغرامي
وبلحظة ضعف مني , ملكت كياني
خمّرت ع كيفك , حبوب العنقود
ورسمت ع جسمي , خريطة وعود
وسكبت من حزن عمري , اصعب كاس
سقيتني الحزن منو , وشربت انت الماس
لكن طلعت خاين !!!! وما عندك وفا
نسيت اسمي!!! ونسيت ايام الدفى

بس... شو زنب هالطفل المسكين
الحامله همو انا , صرلي سنين
ما شاف صوره , لوجه بيو الحقير
العايش بالجاه والغنى ... و هو عايش فقير
ياكل , و يشبع من دموع عيوني
الدابت ع البعد , و يتّمت جفوني
وجايّ اليوم ...ومن بعد كل هالسنين
تنادي بأسمي , وتقلّي !!!! رجعي يا كل الحنين.

و كيف؟؟؟
كيف بدي ارجع , والقلب مجروح؟
عم ينزف دمّو بألم , والجرح مفتوح؟
لا.. لا تحط ايدك ع جرحي , بطلب السماح....
ولا تزرف دموع الندم.... بكلامك المباح...
وهات...هات اعطيني هالطفل المسكين
قبل ما تحس بزنبك , و ياخدك الحنين
ولا تفتكر, انك شفت بحنبني نور حلمك المعهود
انا بحنيني ...محيت اسمك من كل الوجود
7ELEM noureee
اذكروني كل ما شفتوا حروف اسمي...نور

بحق ذاك الطفل الذي ما بكى الا طهرا
بحق دموعه الحرى ونور وجهه المضيء
بحق آهات اللحظة التي انجبته
ولذة الاحساس التي جعلته من علقة جنين
اغفري لأبيه الطفل لحظات شرود
امنحيه فرصةيعيد النظر للطفل الرجل
عساه يستفيق،عساه يهتدي للمصير
كلنا خطاؤون وخير الخطائين التوابون