[OــعــwـــوL]

هاااااااااااااااي قاااااااااااايز قااااااااااايزات (يمديكم على اللغة )
كان يامكان في قديم الزمان عاد انتوا كملوا الباقي نسيت المهم ندخلكم بالسالفة عررررض كان يوما ممطرا حقا والغيوم متلاصقة ببعضها البعض كانها خمس لاعبين مسويين حائط فاول.
<<<<<< ياكثر فلسفتك كمل
انشالله بس لاتعصب قررت اني اخذلي لفة على الكورنيش بالموتر وبينما انا جالس الف لف بالددسن اقصد الكامري (على بالي عدلتها على قولة المثل جا يبي يكحلها عماها ) الا الاقي تلكم الفتاة الي جالسة تسبح بوسط البحر على بالها على بالها في بحيرة فكتوريا لا وتاشرلي بعد وتسلم علي من بعيد , طبعا رد السلام واجب واشوفها تسلم مرتن ثانية وارد عليها السلام وثالثة عاد انا عصبت مو كانها زودتها شوي شوي ماانتبه الا البنت تصرخ باعلى صوتها النجدة انقذوني واجيكم مسرع على بالي ابطمر بالبحر الا ويصادفني على بداية البحر قرش معاه صحن وسكين وشوكة يقولي كان فيك خير قرب؟ لان بيني وبينك عندي عزيمة والبنت ماتكفينا ياليت تتكرم وتجي معاها طبعا انا سمعت عزيمة قلت قدام على بالي عندهم خيمة تحت وشاي وقهوة وعلوم رجاجيل واروح عند البنت واقولها السالفة الا ماحسيت بذاك الكف الي جاني على خشتي خلاني اتذكر جدول الضرب حق ثالث ابتدائي قالت لي هذا يبي ياكلنا خلنا نهرب, رديت عليها انا مو مشكلة بس اهم شي في عزيمة ومفطحات من قدنا
<<<<<<<<<< صدق انك غبي كمل محد انتبه
المهم جلست انا وياها نتناقش في المشكلة والقرش لابسلي طاقية شخال والزقارة بفمه وياشرلي بالساعة الي بيده قصده ان المعازيم جوا ولازم نروح لهم وانا اقوله صبرك خلني اقنعها مااحس الا بدبل كيك على وجهي تقول ماجد عبدالله متحمس ويبي يسجل قووول دبل نطلني على الشاطئ (اش دعوة فلم هندي خخخخخ ) وتسبح هي الثانية وتجي على الشاطئ والقرش الغبي نسانا جاله اتصال من خويته ودخل معاها جوا وجلست البنت تشكرني على اني خاطرت بحياتي عشان اساعدها هي تشكر فيني وانا جالس اكتب الرقم على ورقة صغيرة ابغى ارقمها وامدلها تلكم الورقة اقولها هذا رقمي لو احتجتي اي خدمة رقم مميز شي انا حاضر.
<<<<<<<< مسوي فيها حب مساعدة الناس
قالت لي مشكور انا مااخذ ارقام ووجهها محمر من العصبية شكلها تشرب عصير فمتوا كل يوم شوي وفي هذه الاثناء وبعز القايلة يطمر علينا عسكري ويقولي البنت الي معاك مخطوفة صارلها يويمن واكيد انت الي خاطفها ويعطيني فوقها مخالفة وقوف خاطئ لعنبوه ماينسى هذا وقت مخالفات واجيكم انا البطل اشقها واقوله ثكلتك امك الحق وراي اذا فيك خير واسحب البنت واركبها الكامري وهو يشغل السفتي ومافي الا طردي وراي طبعا الطبلون على 240 والبنت تصارخ لا لا ماابغى اموت واجيكم افتح الدرج الي جنب السواق واعطيها مصاصة ام نص ريال عشان تسكت وفعلا جلست تاكل بالمصاصة هي وسنونها تقول سواطير كانها عمرها ماشافت حلاوة وتنام فجأة واواجه قدامي ثلاث دوريات مقفلين الطريق وموجهين الاسلحة علي مافي الا نطلة يمين وثمن نطلة يسار واخليها تعقد ويطمر الموتر على الشارع الثاني الا العسكري فك شبرين على العقدة ياشرلي يقولي علمني بالله كيف سويتها .ومافي الا قوة دعس والسيارات بوجهي عاكس الطريق طبعا تعرفون طارة مافي الا تحويس من بينهم الدوريات الي وراي الي خشله بعمود لمبة والي طمرله بسيارة البلدية مسكين وادخلكم على طريق ابد مسويين حاجزين يعني خلو العيد عيدين مافي امل انحش عاد انا وقتها كان عندي ريد بول بالسيارة قريت عليه ريد بول يعطيك جوانح واقوم بكل ما اوتيت من سرعة اصب هالريد بول بخزان البنزين فجأة تطلع جوانح للكامري ياشيخ صارت دلع وتطير السيارة من فوقهم وانا اطلع راسي لهم من الدريشة والعب بالساني عليهم .
شوي الا اسمع صوت ياللي تطير انا ابو البنت رجعلي بنتي رجعلي بنتي؟ طبعا بدافع القيم الانسانية الي فيني هبطت بالسيارة على كوكب الارض وتطلع البنت من الموتر ويجي ابوها يركض ويصفق على وجهه لانه حذيانه مو ايطالي ام 15 ريال تعرفون تزلق مع المطر
<<<<<<<<<< ترا غثيتنا كمل
ويحضن بنته تقول فلم مصري بالنهاية واجيكم انا دموعي تصب اربع اربع على هالمشهد واقول في قلبي لو انا كان كفوف من ابوي
ويجي ابوها يشكرني اني انقذت بنته من الاختطاف بعد مافهمته بنته اني مالي دخل بالاختطاف ويتجمعون العساكر والعالم حولي يعني صرت مشهور
ويقرر ابو البنت انه يزوجني بنته وهي توافق وانا اوافق مع خشتي وبليلة العرس صار الي مايتوقع فجأة يطمر علي ابوي ويفصخ الزنوبة وتمحيط فيني قدام العالم وهو يصرخ ويقولي تتزواج من وراي وبدون علمي والعالم تطلع من الصالة والعروس تاخذلها تكسي وتحط رجلها والطقاقات طمروا من فوق المسرح هم وطيرانهم واجيكم انا ابكي وابوي يبكي ونحضن بعض وتطلع شاشة سودة مكتوب عليها النهاية لازم تكون نهاية المسلسل حزينة


مع احلا تحيه معسوله
من معسول