احبك حب ماله حدود وأحبك لو تعاندني
وازيدك من المحبة زود لين تلين وتحظني
وبوصل لو وضعت سدود في وجهي توقفني
وبكسر بيدي كل قيود عن وصولك تقيدني
ولو توقف ملا وحسود في دربي تحذرني
ولو اتحدي جيش أسود عن قربك تخوفني
فحربك منتصر بعود فشل جيشك يحطمني
عقبها بلزمك بعهود عهد فيه أنت تحكمني
أعيش فرحتي وسعود وعن أحزاني تأخذني
حبك لي هو المقصود وبعدك هم يجرحني
دخيلك يا رقيق العود دخيلك لا تعذبني
بنظرة عين أنا مصيود وعيني عنك تسألني
وين اللي خدوده ورود أريد بقربه يفرحني
جمال الكون مب موجود جماله صدق يأسرني
جمالك صدق مفقود حبيبي حن وارحمني
تذكر قلبي لك مردود وصوبك ياي متعني
