[النننننننائف]

دخيلك ياحبيبي .. من عذاب البعد والاشواق
انا ماعادني متحملٍ بعدك .. ومشتاقك
تعال اقبل مثل..مايقبل المشتاق للمشتاق
تعال احيا الوصال..ولايحييته يذبح افراقك
عليك الله وامانه .. من كلام العاذل الفرّاق
ليامنّه نوا يقتل حبيبك .. يقتل اشواقك
دخيلك ياحبيبي..والله ان البعد ماينطاق
تعال اقبل علي..في شمسك . وغيمك . وبراقك
يقولون العرب.. طعم المفارق مرّ ماينذاق
وانا اقول..انت ماترضى علي من شيمة أخلاقك
ترا كل الحبايب.. بينهم صارت زعل واخناق
ترا منت الوحيد اللي بهالدنيا على ساقك
ولكنّي أحبّك .. ياجميل الخلق والاخلاق
احبّك ايه .. دام ان الغلا مستوطن اعماقك
انا احبّك .. وحَبّك في ضلوعي قلبي الخفّاق
عساني حبّك .. ومضنون عينك .. نبض خفّاقك
ايوالله بالمحبّه..قلبي اللي في هواك انساق
مثل سوق الهبوب العاتيه ليت الهوا ساقك
عليك ارجي وصالك .. بعد رجوا الواحد الخلاّق
إلاهٍ حضني في حبّك .. اللي مابعد شاقك
عسا لامن سمعت آخر قصيده واسمها ( الاشواق )
تجيني تعتذر وتقول (انا حرّمته أفراقك) ؟
كتبت آخر قصيدة حب يالغالي .. من الاعماق
وابيك تحطّها ذكرى جميله بأجمل اوراقك