[دموع فلسطين]

(الجوهرة كانت عارفة الاجابة..بس ما تقبلتها من ريم بالذات..)
(يسكتون شوي وكل وحدة تبي تبدا بالكلام..)
الجوهرة: طيب الحين انتي موافقة على سؤاله ؟!
ريم:لا..انا ما قلت اني موافقة ولا قلت اني رافضة..بس يالجوهرة وش اللي يمنعني دام هالشي مو غلط..
الجوهرة: اللي يمنع ان بداية هالشي غلط واذا البداية غلط الباقي كله غلط..
ريم: انا اعترف ان البداية غلط..لكن مو معناته اني عرفته من الشات..او من اي مكان ثاني يخليه انسان ناقص..انا عرفته زين..وهو عرفني..
الجوهرة: امممم ريم والله مدري..
ريم:.........
الجوهرة:ريم انا طول ما كنتي تتكلمين عن يوسف ما كنت اشوف انه ينخاف عليك منه..يعني كل كلامك عنه كان يدل على اخلاقه..بس بعد اللي سواه شكيت بالموضوع..
ريم: والله انا مثلك يا الجوهرة..بس هو فهمني قصده واعتذر من غلطه واعترف انه غلطان..
الجوهرة:اممم اوكي اجل لا تعطينه الفرصة وتتساهلين على طول..خليك قوية معاه..لو هو يحبك من جد راح يوفي بوعده..ولو مثل غيره من الاولاد راح يسوي تصرف مثل الاول..
ريم: ان شاء الله يا الجوهرة..
(تبتسم ريم للجوهرة..ويكملون سواليفهم عادي..)
(وتبدا اجازة بين الترمين..وتمر بسرعة..ريم ويوسف كانت سواليفهم مع بعض تقريبا شبه يومية..كلامهم مع بعض كان عادي..سواليف ووناسة وبحدود..هالسواليف ما تمنع حركات يوسف..بس ريم كانت متقبلة هالحركات..لان الاحترام كان اهم شي بينهم..)
(ويوم من الايام ولاول مرة اعترفت ريم بحبها ليوسف..كان يوسف قاعد على الكمبيوتر..ولا لقى ريم..قعد يدور على اغنية يرسلها لها..فكر وتذكر انه ريم تحب اغنية لراشد الماجد..مرررة تحبها..>>>> يســــألوني..)
(ارسل لها الاغنية على الايميل..وبعد فترة دخلت ريم..قعدوا يسولفون..نسى يوسف يقول لريم عن الايميل..تحمس يوسف بالسواليف وكان يسولف لريم عن طلعته اليوم مع لمى..وعن المواقف اللي صارت..كانت ريم تسمع سواليف يوسف..وشافت منه ايميل..فتحت الايميل..شافت الاغنية واللينك:
يوسف:وسالفته وقعدت تسمع الاغنية..يوسف كان متحمس ولا انتبه لسكوت ريم..ريم تقاطع سكوت يوسف..)
ريم: يوسف..
يوسف: هلا !!!!
ريم:احبـــــــــك..
يوسف:...........
يوسف: وش قلتي !!
ريم: لوول والله مدري شلون قلتها !! بس ما راح اعيدها..
يوسف: انتي اكيييييد ريم !
ريم: اممم والله اشك..
يوسف: ريم والله مو مصدق..انتي تحبيني انا ؟!
ريم: ايه انت..
يوسف: ريم لحظة لحظة ابي استوعب..
ريم: لووول
ريم: خلاص يوسف لا تحرجني..كمل السالفة..
يوسف:سالفة !! اي سالفة هذي اللي بقولها بعد كلامك..ريم كلامك ما بعده شي..
ريم:.........
يوسف: هههه طيب خلاص بكمل السالفة..بس اهم شي عرفت شعورك تجاهي..
ريم:.......
يوسف: اممم والله مدري وش كنت اقول..نسيتيني نفسي..
ريم:كنت تتكلم عن روحتك مع لمى..
يوسف: ههه لا هذي السالفة قديمة بس انتي مو مركزة..
ريم: لووول كنت اقرا الايميل..مرة حلوة الاغنية شكرا..
يوسف: العفو عيوني..وحافظ احلى مقطع تحبينه..
يوسف: يسالوني وانتي اكبر من سوالفهم جميع وانتي اجمل ما خلق ربي بهالكون الوسيع..
ريم: واني اتلاشى بدون عيونك الخجلى..اضيع..اضيع..
يوسف: ياهووووه على اضيع..
ريم: لووووول
يوسف:........
ريم:..........
يوسف: ريم عندي سؤال محيرني من زمان..يعني من ذيك السالفة اللي صارت.بس ما تجرات اسالك بس الحين كلمتك لي خلتني ما اخاف من اي شي..
ريم: تفضل..اسال..
يوسف: ريم..انتي كيف عرفتيني بمحل الهدايا...
يوسف: يعني ما فيه اي تصرف سويفه يوضح على اني يوسف..
ريم: لووول..يوسف بقولك السالفة بس اخاف ما تصدقني..
يوسف:الا بصدق اي شي تقولينه..
ريم: امممم اوكي بقولك السالفة..
ريم:شفتك بلندن..
يوسف: لندن !! كيف ومتى ؟؟