04-11-2005, 10:37 PM
|
#1
|
|
(حلا نشِـط )
|
قصه حقيقيه حدثت بالكويت
السلام عليكم ورحمة الله ...
هذي اول مشاركه لي واول قصه صارت حق واحد من الشباب..
هذا قصة واحد من الشباب الله وهبه بجمال طبيعي
وعندهم شغالة مراهقة
ويوم من الايام حبته شغالتهم حب غير طبييعي
صارت تخدمه بيدينها وبرجلينها
والولد هذا لاحظ معاملة الشغالة له وكنها تبي منه شي
المهم
بيوم من الايام الولد صار مريض <==< من كثر الأندومي
ودوه اهله للمستشفى فحوصات وكذا وقالوا لازم ( يترقد )
لما سمعت الشغالة ان الولد بيترقد بالمستشفى تجننت
وجالها انهيار عصبي
وكل يوم تقول لاهل الولد ابي اروح معكم الزيارة وكل يوم يصرفونها
والمشكلة الاهل مايدرون ان الشغالة تحب ولدهم
المهم الشغالة هذه جازفت بحياتها في سبيل انها تشوف حبيبها الولد
ولبست الشغالة عباتها ! (بعد تلبس عباية)
لالا مالبست عباتها هاهاهاي
وطلعت بالشارع العام وخذت عبري وراحت المستشفى
وصلت الشغالة للمستشفى وافترت بالمستشفى الين ماافتر راسها
ومن طابق لطابق تفتر على الغرف كلها
الا شوي شافت الولد وهو نايم بغرفته وهادئ (يحليله راقد )
المهم الشغاله لما حست انها ماتقدر تشوفه بعد كذا
قررت انها تذبح الولد وتنتحر بعد كذا
وش سوت الشغاله الهبله ؟
راحت اقرب محطة بنزين وعبت جركل بنزين
ورجعت للمستشفى الا الولد للحين نايم
المهم
الشغالة فكت المغذي وحطت البنزين بدال ( مكان ) المغذي !
(يؤيؤيؤيؤ يالهوتي يامصبتي ياخرابي)
وفي اللحظة هذه قام الولد فجأة يناظر ويبحلق عيونه بالشغالة
الا وشم ريحة بنزين وشاف الشغالة قد قضت من تبديل البنزين بالمغذي
الولد لحظتها قام يصارخ على الشغالة والشغالة ( حطت رجلها ) وهربت
الا الولد فز ( قام ) يركض وراها يلاحقها
فيلم بوليسي مو قصة حب
الا وفجأة الولد مادري وش صارله ووقف بمكانه وماقدر يلحق الشغالة
بس ليش وقف ؟؟
خلص البنزين
ههههههههههههههههههههههههههههههههههههههههههه
أنشاء الله اعجبكم القصة......
شرايكم هذا علشان تفرفشون وتكملون القراءه بس حلوه ههههههه
مع تحياتي
..حزينه^وحيده..
|
|
|
|
|
|