[بنوتة ابوها]

مرت الايام وسافرت مشاعل وقعدت تقريبا شهرين وهي هناك وهي قاعده مره بالقهوه مر بدر من القهوه وانتبه لمشااعل لكن ماعرفها لانها نحفت كثيير وتغيرت وملامح الحزن مرتسمه بوجهها وبدر يعرف حبيبتي نشيطه وبشوشه دايما ورجعتله الذكريات اول ماتعرف عليها وكيف كان يكلمها واول مهر شافها واول مره كلمها وراح بين ذكرياته وحس انه وده يطمن عليها فكر يرسلها ايميل وبعدين خاف ان زوجها يقرى الايميل ويسببلها مشاكل وقعد يفكر كيف يعرف اخبراها تذكر ان مابقي على رجته لاهل الا 4 ايام وقتها بيحاول يتقصى اخبارها
ومر اسبوع ورجع بدر والكل فرح برجعته وفيوم كانوا اصحابه عنده وهو يبي ينفرد بفيصل باي وسيله على اسا هو اعز اصحابه وعارف قصته مع مشااعل
فيصل: بدر وشفييك شكلك متضايق
بدر: تدري وانا هناك مره مريت بقهوه شفت وحده تشببببببببه مشااعل مره نسخه منها بس البنت هذيك كانت انحف وماتمشي وغير كذا كانت حزيينه مو زي طبع مشاعل فيصل وشخبارها ماتعرف عنها شي
فيصل تغير لون وجهه: .......
بدر حس ان في شي : فيصل قولي وش صاار تعرف شي عن مشااعل
فيصل قرر انه يقول لصديقه: زوج مشاعل توفى
بدر مصدووم: اييييييييش كيف مات ومتى وليش ماقلتلي
فيصل : اهدى بدر وشفيك يمكن من 7 شهور تقريبا
بدربعصبيه : ليش ماقلتلي ليش
فيصل: مالقيت وقت مناسب بعدين انا ماعرف وش الي صار لهم بس الي اعرف انه مات بحادث بس ماعرف شي غيره
بدر مايدري وش يسوي يفرح عشان حبيبته يمكن ترجعله ولا يحزن عشان الي صارلها بس يبي يوصلها ويعرف وش صار فيها ولاهو عارف وهي مغيره رقمها يعني حتى رقم مافي ولا في الا ايميلها بس برضوا هي بترد او لاوضاع بين افكاره وتذكر سفانه : ايه سفانه مافي الا هي
فيصل: وش سفانته وشفيك
بدر: سفانه صديقة مشاعل وريما
فيصل: يؤيؤ كيف
بدر: اصبر خلني بدور رقمها عساني القاه بس
فيصل : انشالله تلقاه
بدر: الا اذكر اني خزنته عندي
فيصل : يلا انشالله تلقاه
بدروالدنيا مو ساعيته من الففرح لانه لقى الرقم: لقيته فيصل لقيته لقيته
فيصل: طيب يلا دق عليها
بدريدق ويدق ماترد سفانه ويرجع يدق مره ومرتين ووثلاثه واخيرا ردت سفانه
بدر: اللو
سفانه: يمن
بدر: سفانه
سفانه: اي نعم مين معي
بدر والدموع بعينه: انا بدر سفانه بدر عرفتيني
سفانه انصدمت من يوم سمعت الاسم: بدر؟
بدر: ايه سفانه عرفتيني
سفانه: .......
بدر: سفانه بلييز ردي علي ترا ماعاد فيني اعصااب عرفتيني
سفانه: ايه ايه هلا
بدر: هلابك كيفك
سفانه : بخير
بدر: سفانه وشصار بمشاعل ووينها الحين وععطيني رقمها
سفانه:..............
بدر: سفانه وشفيك الله يخليك ردي علي لاتسكتين قوليلي وش صار بمشاااعل
سفانه: صراحه يابدر مدري وشاقول
بدر: فيها شي قوليلي فيها شي وينهي
سفانه: مافيها شي هدي حالك وانا اقولك كل شي
بدر: يلا قولي هديت بس تكلمي انتي
سفانه:انت عارف ان مشاعل كانت راجعه من المستشفى هي وناصر بعد ماعرفوا انها حامل وصارلهم حاددث
بدر: يقاطعها اعرف ناصر مات بس مشاعل صار فيها شي وينهي
سفانه: يابدر هدي حالك الحين اقولك كلشي
بدر: طيب طيب قولي
سفانه: ووطبعا هي تاثرت كثثير وانت عارف لانها مريضه وتعابنه من الاساس فنزلوا الجنين وطولت وهي بغيبوبه والحين هي ماتمشي وقعدت 4 شهور منقطعه عن الناس بعدين سافرت تتعالج
بدر مصدوم والدموع تنزل: كيف ماتمشي وانقطعت عن العالم هي السبب ليش تختار ناصر وتتركني وينها الحين
سفانه تقاطعه: لا يابدر هي ماتركتك تراك ظالمها بي هي ماحبت اني اقولك عشان ماتحمل نفسك ذنب او اي شي مشاعل كانت لك وطول عمرها لك والكلام الي قالته ريما عنها كذب بكذب وترا مشاعل لاكانت تفكر بناصر ولا شي وترها وافقت على ناصر بعد مانجرحت منك وبعد ضعفك واستسلامك لريما وترها ماغلطت عليك ولا سوتلك شي ولا كانت تحب ناصر وهي قاعده الحين تلوم نفسها انها ماقدرت تحب ناصر بالقدر الي كان يستاهله انها حرمته من الحب والساعده والولد وكلها لان قلبها كان لك ماتعرف قديش تعذبت مشااعل وباقي تتعذب حرام يابدر لاتظلمها الفروض تروح تصحح غلط وغلطها وترجعون الحب الي كان بينكم
بدر: هي باقي تحبني باقي تبيني يعني
سفانه: انا مادري بس الباقي عليك اذا انت باقي تبيها اولا
بدر: وشلون مابيها وانا تركت الناس كلهم عشانها تركت اهلي وديرتي عشان مابي اسوي ايشي يضرها
هي وينها الحين
سفانه : راحت لندن تتعالج
بدر: ايش تقوليين هي تغيرت عن اول
سفانه: كيف تغيرت
بدر: يعني نحفت شي زي كذا
سفانه: اها ايه مره نحففت وادعيلها يابدر انا تقدر ترجع تمشي
بدر ودموعه بدت تنزل بالددموع: سفانه شفتها شفتها بلندن والله شفتها كنت اقول يالله تشبه مشاعل بس ماشتمشي وانحف ووجهها حزين ومشاعل دايم مبتسمه ياربي شفها كيف ماعرفتها ليش ماقلتلوي ليش محد عملني من اول والله شفتها والله
سفانه: بدر اشفيك اهدا اهدا الحيين وتعوذ من بلييس وانا بحاول اجيبلك رقمها بلندن اوكي
بدر: اوكي
سفانه: تامر شي
بدر: سلامتك
بدر: والله يافيصل شفتها بموت من القهر شفت حبيبتي قدام عيوني ولاعرفتها ياربي وش هالقهر ااه
فيصل/ بدر خلاص اهدا قهرك ماراح يرجعك للندن
بدر: انا برجع بروح لندن
فيصل: اهدا يابدر وبعدين لورجعت وشبتسوي بتقول مشااعل انا احبك ارجعيلي لاتنسى انك جرحتها هذا اولا وثانيا الحين هي ماراح تتقبلك بسهوله لاتنسى توها ماكملت كم شهر من موت زوجها فكر بمنطق وبعقلك شوي لاتمشي ورا عاطفتك
بدر: كلامك صح خصوصا ان سفانه قالت ان نفسيتها تعبانه بس ودي اكون جنبها اواسيها
فيصل: بعد نفسيتها تعبانه وتبي تروحلها اركد وفكر بعقلك
بدر: افكر وش اسوي حبيبتي صارت ماتمشي حبيبتي قاعده تتالم انت ماشفت ملامح الالم والحزن بوجها من شدة الملامح الحزينه ماتوقعت انها هي من شدة تعبها صارت نحفت وتغيرت لازم اكون جنبها
فيصل: طيب جرب ارسلها اييمل وشوف هي بترد اولا
بدر: سفانه بتجيب رقمها بلندن
فيصل: لا يبدر لاتستعجل ارسلها ايميل واثنين وثلاثه وخل التلفون اخر شي تلجاله
بدر: مو قادر اصبر يافيصل حس فيني حس بالنار الي فيني
فيصل: هونها وانا اخوك هونها اقوم الحين اجيبلك الجهاز وادخل النت وارسلها اييمل ووشوف وشترد عليك
بدر: باقي بصبر لين ترد
فيصل: احسن من انك تخسر كل فرصك مره وحده
بدر: طيب يلا روح جيب الجهاز
فيصل: اوكي ثواني بس
مر اسبوع من يوم مارسل بدر الايميل وارسل بعدها 3 ايميلات مشاعل لسا ماشفات ولا واحد فيهم بس اليوم وهي بالعالج الطبيعي قدرت توقف كم ثانيه على رجلينها بس طاحت وكان هذا مؤشر ايجابي على بداية لاجها وبدتت تتحسن نفسيتها شوي وتصير احسن من اول وهي بالقهوه مع ابوها انبته ان بالقهوه نت
مشاعل: يبه بروح اشيك ايميلي لي كم اسبوع ماشيكت
ابو محمد: روحي بس لاتطولين عشان بنروح لدكتور
مشاعل: زين مو مطوله
فتحت مشاعل ايميلها ايمل من اختها وصديقاتها ومن القروب الي هي مشتركه تفاجات وانصدمت بايميل بدرر بعد كل هالمده قرت اول ايميل وبدر كان يعزيها ويتمنالها الشفا ويتمنى ترد عليه طبعا بدر ماقدر يكتب شي من الي بخاطره بسبب فيصل
لكن الايملات الثانيه كتب بدر الي بخاطره
مشاعل انا مادري وشاكتب ولا من وين ابدى بس الي ابيك تعرفينه اني باقي على حبك واني والله شاهد علي ماكنت قاصد اجرحك او اخونك لاني ماقلت لريما احبك قلتها لك انتي وكنت صادق معك انتي وانتي عارفه اني انا ماكنت ابي حب واني كلمت بنات كثثير قبلك بس انا ماكنت ابي حب لين جييتي انتي وخلتيني احبك
صدقيني كنت ابيك لي ولي بلحالي وكنت مابي احد يشارك معي لكن بسبب غلطة وسوء تصرف مني ضيعتك وهدمت احلامي بيدي ودمرت حياتي وخليتك تكونين لانسان ثاني غيري يقدر يشوفك ويكلمك ويوشف بسمتك وضحكتك يقدر يلمسك لكن انا حرمت نفسي من هذا كله يوم زوجاك اليوم الي صرتي لغيري كان اخر يوم بحياتي صدقيني حياتي انتهت ماقدرت اصبر بنفس المكان سافرت تركرت امي وابوي واخواني واهلي وناسي واصحابي وكل شي تركته ورى ضهري وسافتر سافرت عشان اعيش بلحالي عشان يمكن اقدر ارجع بدر كان نفسي انساك لكني ماقدرت كنت بكل يوم اشتاققلك اكثر من الي قبله حتى الي يدرسون معي الاجانب عرفوك من كثر ماحكي عنك كنت كل يوم اقول بكره بيخف الحب مع البعد لكن كانت تزيد مار الشوق والحب ووله مشاعل ورجعت بعد الهمده الطويله بس عشان اشوف اهلي وبس وارجع بعدين لغربتي بس اول شي كنت افكر فيه لما قربت رجعتي هو انتي ايه كنت ابي اعرف اخبارك كنت ابي اعرف انتي مبسوطه ولالا يمكني انسان يبي يجيب الهم لنفسه بس صدقيني هذا الي كان بنيتي ويوم قالولي ان زوجك توفى ماعرف افرح لاني الحياة يمكن ترجعلي ولا ازعل لزعلك ماعرف كيف كان شعوري بفرح وحزن عشانك بس ماكذب يمكن فرحت اكثر لاني اول مادريت ركضت ادور رقم سفانه واعرف منها كل الي صارل بالتفصييل وعرفت مشاعل انا كنت ابي اجي عشان اكون قريب منك عشان اكون الصدر الدافي لك مشاعل انا احبك وابيك ارجوك ردي على ايميلي ولاتتركيني كذا مشاعل انا مستعيد ابيع الدنيا عشانك بس ارجووك تسامحيني ونفتح صفحه جديده ارجوك لا تتركنيني كذا............... وبقية الايميل
مشاعل بدت تدمع عيونها وهي تقرى الاليملات الباقي وتسمع الاغاني الي اهداها
مشاعل قاعده بحيره ماتعرف ترد ولالا انتبهت لصوت ابوها ومسحت دموعها
ابومحمد: يلا تاخرنا
مشاعل: انشالله
ابومحمد: وشفيك يابنتي كنك باكيه
مشاعل: لا يبه بس اشتقت لامي واخواني
ابو محمد: انشالله كلها كم شهر وحنا راجعين وبتمليين منهم اخاف تقولين يبه ارجع سفرني
مشاعل: لا وشدعوه يبه احد يمل من اهله
خلصت مشااعل من موعدها وهي بسريها قاعده تفكر فبدر تفكر ترد ولا ماترد
ااه يابدر ارد وش اقولك ولا وش اسوي خلاص حياتي انتهت بالوقت الي مفروض حياتك تبتدي حتى لو نسيت ناصر ورجعلتك كيف بتقبل فيني كيف اهلك بيقبلون فيني وانا مامشي ماعرف وش اسوي بين نارين وكلهم اشد من بعض
لورضيت فيك بتحمل اشايء انا مو قدها ولو قلتلك روح برضوا بتحمل اشياء مو قدها بس ناصر ماقدر افكر بغيره كيف قاعده افكر وانا تربته مابعد جفت لالا يامشاعل فكري زين فكري بالانسان الي ضحى عشانك المصيبه كلهم ضحوا عشاني ياربي وش الي يصير فيني كيف يصير فيني كذا كيف وشاسوي ياربي ساعدني ونامت وهي بين افكارها بدون ماتوصل لحل
ومر شهر ومشاعل قاعده تتحسن ونفسيتها تتحسن وبدر ظل مستمر يرسلها ايميلات بدون توقف