[بنوتة ابوها]

يامشاعل فكري بكلامي زين ترا بدر مايستاهل الي جاه بدر غلط بس تحمل نتايج غلطه اكثر بكثير من غلطه لاتنهين حياته قبل وقتها وانتي حره الحين انا بقفل وبخلييك وانتي فكري وبعدين انا بكلمك وشوف ردك
مشاعل وهي تبكي: اوكي
مشاعل قعدت تبكي وتبكي ماتبي تعذب بدر يكفي عذبت ناصر وبالنهايه ماعطيته الي يستاهله ليش اعذب بدر بدر غلط بس اخذ جزاه وناصر ماات بس ياربي وش اسويوقعدت تفكر وتفكر مشاعل لين ماوصلت لقرارها بعد 4 ساعات يدق تلفون بدر
طبعا التلفون عند فيصل مامداه كلمه بس يوم شاف رقم دولي ركض للبدر
فيصل: بدر بدر كلم كلم مدري رد رد
بدر: مابي مابي
فيصل: رد رقم من برا
بدر: اكيد واحد من العيال
فيصل : ليش ماترد
بدر: مابي اكلم احد انا ماشي
فيصل:وين وين وانا اخوك ماشي
بدر:قلت محد بيزعجني وانت ازعجتني مابي اكلم ولا اشوف احد
فيصل: خلاص انا بطلع واخليك اسف اني ازعجتك
فيصل كلم مشاعل وقالها عن حالة بدر وقالها تدق عليه بعد 10 دقايق وتستمر تدق لين يرد اذا هي تبي او براحتها
وبهالوقت فيصل خزن رقم مشااعل بجوال بدر عشان لودقت يطلع مشااعل ودخل عليه وحط الجوال قدامه وحطله عصير ليمون وطله بدون اي كلمه
ومرت العشر دقايق دقت مشااعل محد رد وترددت ورجعت دقت مره ثانيه بدر جا بيسكر التلفون ولا يقرى مشااعل تنح وشو مشاعل مايدري وش يسوي يرد بس خايف تجرحني زياده وقفلت مشاعل وقعد يفكر بدر يرد او لا بس الشوق الي بقلبه لسماع صوتها كان اكبر ورجع دق على الرقم الي جاه باسمها بس استغرب انه رفم من برا بدى يشك ان فيصل مسوي شي جا بيقطع المكاله بس مشاعل كانت اسرع منه وردة
مشاعل: الو
بدر مصدوم مو مصدق انه يسمع صوت حبيبته: .....
مشاعل: الوو
بدروصوت مبين فيه البكى :الو
مشاعل:......
بدر تجرا: مشاعل
مشاعل بصوت ياله ينسمع: ايه
بدروهو يبكي: مشاعل مشتاااااااااااااااااااااااااااااااااااااااقلك والله مشتااااااقلك

مشاعل: تبكي
بدر وهو يبكي بشدة: مشاعل ادري اني جرحتك وغلط بحقك والله اني كرت نفسي تمنيت اني اموت ولا تشوفيني بهذيك النظره مشاعل انا اخذت جزاي اكبر من غلطي مشاعل ارجوك سامحيني مشاعل انا خسرتك مره بس مابي اخسرك مشاعل انا مت بعد مارحتي عني حياتي صارت سوده بدون الون بدون صوتك وبسمتك الي انام واصحى عليها مشااعل لاتخليني اخسرك واعرف اني ماراح اشوف النوره ابد ارجوك مشااعل لاتقوليني لاعاد ترسل ولا تدق مشاعل ابيك ارجوك مشاعل مستعد الحين والله الحين اجيك بس لاتروحين عني مشااعل انا جرحتك واستاهل كل الي جاني بس اعرف قلبك كبيير ويسامح وتقدرني تغمريني بعطفك وتسامحيني جربيني واذا سويتلك شي ولا زعلتك اتركيني ارجوك
مشااعل وهي تبكيي بصوت عالي: خلاص بدر خلاص
بدر: لاتقولين خلاص مشاعل ابيك مشاعل انا ابيك لي ابيك لاتبعديني عنك لاتقتليني مشاعل لو بتروحين عني انا ماعاد ابي اعيش ماعاد ابي شي من الدنيا غيرك
مشاعل تذكرت ناصر وتذكرت كيف حرمته من كل شي وماتبي تكرر الغلط بس فيه شي يمنعها ماتدري وشو: بدر انت عارف اني مامشي ولو مشيت بصير عرجه
بدر: ماهمني يامشاعل ماهمني انا عارف ولافكرت بهالشي الي ابيه انتي وبس ابيك مشاعل ارجوك لاتقتليني ارجووك انا ماعاد ابي اعيش اذا ماراح تكونين لي
مشاعل: خلاص يابدر ارجوك ابي اقفل
بدر: لالا لاتقفلين ماصدقت اسمع صوتك
مشاعل: بدر ارجوك بقفل ارتاح
بدر: مشاعل لاتروحين عني
مشاعل: ماراح اروح ماراح اروح
بدر والدنيا مو سايعته: مشاعل منجدك ماراح تتركيني
مشاعل برتدد: ايه
بدر: احبك مشاعل احبك مشاعل انتي رجعتيلي الحياه رجعتليي الدنيا انا ماقدر اصبر انا بحجز على اول طياره وجايك لازم اكون معك وعندك وبكلم اببوك
مشاعل: لالالالالالالالا لاتحجز ولاتجي ولاتكلم ابوي الحين لا بدر الوقت مايسمح ارجوك
بدر: الي تبين بس اهم شي تكونين لي وعندي وماتتركيني
مشاعل: انشالله خلاص انا لازم اقفل ولاتدق ارسل اول عشان اذا اقدر او لا
بدر: انشالله بس لاتطوليين
بدرباعلى صوته : فييصل فيييصل
فيصل جا يركض يحسب ان صديقه فيه شي: وش فيه
بدر وهو يركض لصديقه ويخمه : شكرا شكرا ياخي احبك شكرا شكرا
فيصل: وشفيك عسى مانجنيت وش احبك
بدر: انت رجعتلي حياتي ودنيتي رجعتلي كل شي
فيصل وفهم وش قصده: وش سويتلك
بدر: مشاعل دقت مشاعل رجعتلي
فيصل ماتصور بهالسرعه وحضن صديقه: تستاهل وانا اخوك بس هلامره حكم عقلك بكل تصرف ولاتغلط
بدر: وانا اقدر اغلط
ومر 3 شهور وبدر ومشااعل يكلمون بعضهم يوميا بعد العتاب طبعا ورجع حبهم للحياة مره ثانيه وبدر بدى يشتغل ويكون نفسه وقال لامه انه يبي يتزوج وحده شافها بلندن ومعجبته ومايبي الا هي وامه فرحتله وقالت خلص اول ماتبي بس قولي وانا اكلم امهاوطبعا بدر مافتح الموضوع لسا مع مشاعل
ومشااعل تحسنت وصارت تمشي الحمد الله بس انها تعجر ونفسيتها كثيير تحسنت وبدت ترجع قريب من طبيعتها والييوم توصل مشاعل وكل فرحااان لدرجه ان الك طلعلها بالمطار اهلها وصديقاتها وطبعا بدر بس بدر كان بعييد عشان لحد ينبهله راح عشان يملي عيونه من حبيبته الي كمل اكثر من سنه ماشفاها حبيبته الي خسرها مره لكن بيحافظ عليها بعديين
ومر اسبووع على وصول مشااعل وتحدد زواج عبد الله
مشاعل وهي قاعد يدق تلفون البييت
مشاعل: اللو
المتصل: السلام عليكم
مشاعل: وعليكم السلام
المتصل: مشااعل
مشاعل: ايه نعم من معي
المتصل : انا فهد
مشاعل وتحس الدنيا تلف فيها: هلا
فهد: كيفك انشالله بخير
مشاعل: الحمد الله
فهد: انا بدخل بالموضوع على طوول ومابي اطول عليك
مشاعل: خيرر في شي
فهد: انا برجعك لشي قديم ويمكن يضايقك
مشاعل: فهد خير يافهد في شي
فهد: تذكرين طبعا يوم الحادث
مشاعل وبدت ترجف: ايه
فهد: ناصر الله يرحمه مادخل بغيبوبه على طول انا كلمته وهو وصاني باشياء
مشاعل وهي تحس بخوف ماتدري ليه:وشقالك
فهد: ناصر طلب مني انك ماتوقفين حياتك ولاتشيلين نفسك هم او تتضايقين وتحسيين انك انتي السبب بشي هذا مقدر ومكتوب ولاويبيك تعيشين حيانك عادي وتنسينه لانه مرحله وانتهت ويبيك ترجعين مشاعل الاولي الي الكل يعرفها ويبيك تتزوجين وتفرحين وتجيبين عيال وهذا وصيته اذا تبينه يكون مرتاح وراضي انك ماتحزنين ولا توقفين حياتك ولا تتحملين نفسك مسؤلية اي شي مشاعل هذا الشي الي يبيه ناصر وانا تاخرت صح بس موبيدي ارجوك مشاعل نفذي وصية ناصر وخليه يرتاح بقبره وتراه قرت رضاه بتنفيذك للوصيه وانتي تعرفين اجر رضى الزوج على زوجته
مشاعل : قعدت تبكيي
فهد: انا غلطت اني تاخرت وادري حملتي نفسك اشياء واسباب كثيره ووقفتي حياتك بس سامحيني لاني تاخرت بس انا قلتلك الوصيه وانتي حره وترى ررضى ناصر مقترن بتنفيذك بالوصيه لاتنسيين واخر شي قاله انه عاش احلى يام حياته معك عشا احلى ايام الي ماتوقع انه يعيشها وقال تكفيها الايام الي عاشها معك
مشاعل: اوكي وصلت الوصيه
قعدت تفكر مشااعل بلي صار وكيف هي سوت عكس الوصيه لكن احترام لك ياناصر بنفذ وصيتك وبسوي الي يرضييك مع اني ماقدر امنع احساس الذنب الي فيني
مر يومين على هذي المكالمه وتقدم بدر رسمي لابو مشااعل وام بدر وافقت قبل ماتشوق مشاعل طبعا
وصارت الخطبه رسمي واليوم ام بدر راحت تشوف مشاعل ويتفقون على كلشي عشان الملكه والزواج
ولكن الصدمه كانت اكببر لما ام بدر شافت ان مشاعل عرجا وماطولت ام بدر ولاتكلمت باي شي ومشاعل حست بنظرات ام بدر الانتقاديه
بدر سرحان يفكر بامه لما تشوف جمال مشاعل كيف بتنبسط فكر يدق على مشااعل بس سمع صوت امه وحط التلفون بجيبه ونزل
ام بدر بعصبيه: بدددر بدر وينك بدرر
بدر وهو جري لامه : وشفيك يمه عسى ماشر
ام بدر: ماشر الا الشر بعينه انا تخليني اروح اشوف عرجا انا ولدي يخطب عرجا انت خبل انت وين عقلك فيه
بدر وهو يحالو يهدي امه: يمه حبيبتي العرج مو عيب هذا اولا وثانيا هي ماكانت عرجا هي صالها حاادث وتتعالج هي الحين وبعدين بترجع زي اول
ام بدر وهي تقاطعه: لا وارمله بعد بلعنا انها ارمله لكن عرجا اسمعني يابدر الحين تلكم ابوها وتعتذ ر فاهم
بدر: يمه ارجوك حرام عليك يمه انا احبها ابيها يمه ابيها واذا ماتزوجتها ماراح اتزوج غيرها
ام بدر: جعلك ماتزوجت ولكن ماتاخذلي عرجا وتفشلني قدام خلق الله
بدر: يمه يهمك الناس ولاتهمك سعادة ولدك
ام بدر: اذا ولدي مايعرف مصلحة نفسه انا اعلمه اسمعني يابدر الكلام منتهى اذا تبيها خذها لكن لانام امك ولا انت ولدي ولاتطب هالبيت وجمع مهرك وسو بيتك وافرشه بنفسك واطلع من بيتي بهاللحظه ورحلها وقلبي غضبان عليك ليوم الديين
طبعا الجوال بجيب بدر وللاسف انه انضغط وسمعت مشاعل كل الكلام وتالمت لقساوة ام بدر لكن مشاعل كان قلبها كبيير وحبها لبدر كان اكبر
راحت مشاعل لابوها
مشاعل: يبه ممكن اكلمك
ابومحمد: ايه تعالي حبيبتي
مشاعل: يبه انا مو موافقه على زواجي من بدر
ابومحمد: ليش الولد كويس ومن بيت كويس وش الي غير رايك
مشاعل: ماعرف يبه بس احس اني مو قادره اني اتزوج او اشيل مسؤليه حاليها ودي ارتاح من الي صارلي ارجوك يبه كلمهم الحيين وقلهم ان مافي نصييب ارجوك يبه الحين
ابومحمد" طيب ليش تبكيين
مشاعل: كلم الحين وانا خلاص ماعاد ابكي
ابومحمد: زين يابوك خلاص روحي ارتحاي وانا اكلم ابو بدر الحين
مشاعل: يبه الحين يعني الحين
ابومحمد: اوكي والله الحيين بكلمهم
مشااعل:شكرا يبه
ابومحمد: السلام عليكم
ابوبدر: وعليكم السلام
ابومحمد:كيف الحال
ابوبدر: هلا وعليكم السلام
ابومحمد دخل بالموضوع على طول: معليش يا ابو بدر تعرف الزواج قسمه ونصيب والظاهر ان مافي نصيب وانشالله تلقى لولدك البنت الصالحه الي تسعده
ابوبدر: خير انشالله ماحصل الا الخيير وعلى قولتك قسمه ونصييب
ابومحمد: فمان الله
ابوبدر: بحفظ الله
ابو بدر راح لام بدر ولبدر وقالهم الي صار
بدر انصدم وحس ان الدنيا قفلت بوجهه
بدر يتدق ويدق ويدق ويدق على مشااعل ومشاعل ماترد ماتبي ترد
وتجرات بعد يومين ترد
مشاعل: الو
بدر: هلا