تجيني طيف ياعمري على جنحان شوقي لك
أخاف أرمش من عيوني وأبعثر جية وصالك
حبيبي لاتجيني قول وين أنت وأنا أجيلك
أبيك تقول وين أنت وعلى عيوني أنا اسعى لك
وربي فوق روس الشوك لخلي القلب يمشيلك
وأخلي ظلالي يسبقني قبل يحضني منزالك
ثواني بس أبي أتهندم من عيونك وأبي أهديلك
في عينك ضحكةٍ حتى تكحل عين عذالك
،،،،
الا يا زمن كافي ابي ارتاح أنا تعبان
ابي لحظة فرح يمكن تنور عمري الباقي
ابي حزنك يواسيني ويرحم من غدى هلكان
أنا جرحي سلب فرحي وكوى خدى بدمعاتي
دخيلك يا عيون الحزن أنا مالي سواك انسان
ابي ذاك الامل يرجع ويلمع في سمواتي