11-10-2005, 05:14 AM
|
#1
|
(حلا فعّال)
|
من تكون أسما وساره والعنود
مرحـبــــــــــــــــــــــــــــــــــا
هذه القصيده اعجبتني فنقلتها لتطلعو عليها
العهود إللي على قلبي عهود
عهد مني ماتهون محبتك
احتويتي كل انثى بالوجود
ماتشوف عيوني إلا صورتك
تشهد افراحي وضيقاتي شهود
كيف غيرتي حياتي بطيبتك
كيف طوقتي نهاري بالورود
وكيف نورتي سماي بنجمتك
من تكون أسما وساره والعنود
ضاعت الأسما بطاري سيرتك
ماحسبت الحظ في مثلك يجود
لين ضميتي خفوقي براحتك
الليالي في غيابك سود سود
كل ضحكاتي تموت بغيبتك
وان حضرتي فزت عروق ٍ ركود
ورشفت قاع الحنايا مزنتك
وان تنفستي تضوع دهن عود
وسولفت كل العطور بريحتك
وان رضيتي مالت غصون الوعود
وطاااارت أسراب الحمام لطلتك
أدري اني في محبتك امحسود
ياكثر ناس ٍ تمنّت بسمتك
وادري إنك عن هوى غيري شرود
واني أغلى من تشوفه نظرتك
الغلا مابيننا ماااله حدود
جعلني فدوة رضاك وضحكتك
ودامنا حيين لك مني عهود
ونذر مني ماااتهون محبتك
وسلاااااااااااااااااااامتكم
|
|
|
|