الفصل الثالث
نجلاء: مشعل تكلم وش فيك لا تحاول تخبي ترا تتعب يامشعل (وذكرت نفسها انها للحين مخبيه وهي شوي وتنفجر)
مشعل : آآآآآآآه ا نجلاء وش اقول وش اخلي ابدا من ابوي اللي مطنشني ولا كاني معه بالبيت ...والا هديل الا احس انها ناقصه ومو مثل أي بنت ...والا غدير الا مدري وينها فيه ولافكرة ولو مره انها تسال عن بنتها .
نجلاء تقطع قلبها (يآآآآآآآآآآآآه يا مشعل واحد شاب بعمرك يحمل كل هالهم والله ما الومك لو شيب راسك )
نجلاء بنظره مواسات: مشعل هديل بعيوننا وامي وين راحت وانا وين رحت وعبير وانت والكل ماراح يقصر معاها ....ترا اذا جبت هالسيره ازعل
مشعل : ايه بس انتو ما شفتوها وهي تقول لي "" بابا وين ماما من زمان ما جتنا "" تقطع قلبي يوم قالتها وقتها ما قدرت ارد عليها بشي لكن كل اللي قدرت اقوله انها مسافره ... يانجلاء هديل مثل أي بنت تبي ام وهذا من حقها ...وامها ما فكرت حتى ترفع سماعة التلفون تقول وش اخبار بنتي ...
نجلاء "ياربي يا مشعل الله يكون في عونك"
نجلاء: مشعل لا تزعلنا ترا حالك ما يسر لا عدو ولا رفيق يعني انت اذا بوزت وسرحت على بالك بتحل المشكله ؟؟؟
اذا كنت تفكر كذا فللاسف انت غلطان ..ايه غلطان .. عمر المشاكل ما كانت تنحل بهالطرق .... شوف هديل لا تشيل همها
وغدير هي اختارت طريقها ...اما ابوي خله علي انا انا اللي بتفاهم معااه واوعد .....اوعدك اني ما اطلع من البيت الا وانتم سمن على عسل ( وابتسمت )
مشعل : مشكووووره نجلاء والله احس لو اني ما تكلمت كان انفجرت ..
نجلاء : شدعوه مشعل ترا ازعل ؟؟؟
مشعل : اوه اوه عاد اذا زعلتي خلاااص انا غسلت يدي منك ما اراضيك الحمد لله عندك رجل
نجلاء تذكره فيصل "بلاك ما تدري وش يسوي من ورانا " :اقول اعقل
مشعل : هاااه؟؟
نجلاء تبي تتهرب من الموقف : الا مشعل ممكن اسال سؤال ؟؟؟
مشعل : اكيييييييد
نجلاء : اللي عرفتك عنك انك تزوجت من غدير عن قصه حب لكن ليش تطلقت ..؟؟
تنهد مشعل : آآآه تدري يا نجلاء اني ما ادري؟
نجلاء مستغربه : ما تدري؟؟
مشعل: هههه ايه ما ادري
نجلاء: اجل شلوون ؟؟ كذا اشتهيت تطلقها وطلقتها ؟
مشعل : لالا انا لو الود ودي كان عشت عمري كله معاها
نجلاء : طيب ممكن تقول لي سالفه طلاقكم ؟؟
مشعل : الله يسلمك اللي اعرفه انها كانت تزن على راسي.. متى بتعلم اهلك بزواجنا ....وانا كنت خايف من ردة فعل.. اهلي خصوصا ان ابوي عدوه اللدود اهو ابو غدير... وبنفس اليوم اللي قلت لامي فيه اني تزوجت وعندي بنت ...رجعت لها وكنت مبسووط على اساس انها بتفرح معااي..... لكن انا انصدمت انها هجمت في وجهي وقالت ان حياتي معاك انتهت ...واني ابي الطلاق.. انا حسبت انها تمزح ...لكن للاسف اهي كانت جاده وشرطت عليها اذا نبي الطلاق تتنازل عن هديل ...وهي كانها مبشره ببشاره ما عارضت ابد وكانها تنتظر هالشرط.......... آآآآآآآآآآآآآآآه ومن عقبها وهي لا اتصلت ولا سالت عن بنتها وانا ما ادري عن سبب الطلاق
نجلاء فعلا تاثرت بقصه اخوها : معقوله كل هذا صاير وانت ساكت ما فكرت تصارح احد ؟ ولا تشكي لاحد ....ليه يا مشعل ليييه؟؟
مشعل : خليها على الله وهذي الامور الحمد لله عدت على خير بس الللي مو مخليني ارتاح ابوي ...ابوي يانجلاء انا ادري اني زعلته واللي سويته مو قليل....... شلون بيسامحني .... شلووون
نجلاء : خلاص يا مشعل انت انسى سالفه ابوي وخله علي انا
مشعل : نجلاء والله مدري وش اقول لك انتي اللي سويتيه لي محد فكر يسوي لي ايااه محد ؟؟؟
نجلاء : انا تسميني احد ؟؟ ...انا (ا خ ت ك ) ركبها وتعرفني
مشعل : هههه ادري انك اختي واحلى اخت بعد يالله ننزل قبل لا يشكون وش جالسين نسوي
نجلاء تبي تغير الجو : ايييييييه اقدر اسميها طرده مؤدبه
مشعل : ههههههه ما عاش من يطردك
نجلاء : اييه الله لنا يالله يالله قدامي الحين ابوي بيجي وابيك تكون موجود
مشعل : آآآآآآآه الله يعدي الامر على خير ..والله اني خايف انه ما يرضى؟
نجلاء : هئئئئئ يعني تشك بقدراتي ؟؟
مشعل : في هاذي معك حق ههههههه
ونزلوا من ةغرفه مشعل متجهين للصاله اللي كانت فيها ام راشد وراشد وعبير وعبودي (ولد راشد)
نجلاء ومشعل : السلااام عليكم
الكل:وعليكم السلااااام
ام راشد : وين كنتم ؟
مشعل : كنت اوري نجلاء هديل لانها توها تشوفها
ام راشد: هاه وش رايك فيها؟
نجلاء : يااي هببببببببببببببببببببببببل ما شاء االلله طالعه على عمتها
مشعل : الصدق يعني لو تطلع على عمتها فيابختها
نجلاء : اكييد يا بختها هههه
عبير : اقول عبودي رح العب مع هديل لا تلعب هنا
عبود:ماما انا ما احب هديل
مشعل :وشوووو؟؟؟
عبود خاف من عمه وانحاش
مشعل : ههههههههههههههههههههههه
راشد: حرام عليك روعت ولدي
راشد : ياخي خله يبدي رايه وش عليك منه
مشعل :اييه وخله يجيني يخطب ورديته لا تقول ليييييييش؟؟ اذكرك ترا
راشد : اييييييييييييييييه يالله حياة خير يمديه يحبها
مشعل : لا لا احلف بنتي لعبه بيدين ولدك يوم يحبها ويوم يكرهها
راشد: ايه وش وراه كا البنات يتمنونه
مشعل : لا عاد هاذي كبيره بالمره يعني البنات يلاحقون ولدك كثر منها يعني ما شفت زود جمال والا اخلاق الا طايح في بنتي طق من جت
راشد : ههههههههه بعدي بولدي
مشعل : لااه هذا اللي طلع منك
نجلاء كانت تسولف مع عبير لكن ما كانت تسمع زين بسبب مشعل وراشد
نجلاء:/ يووووه فكونا ترا راسي اوجعني خلني اسمع البنت
مشعل : ايووه خلاص وصلت نجلاء ممكن سؤال؟ما راح ياخذ من وقتك الثمين شي
نجلاء: نعم
مشعل : من احلى عبود والا هدوول
نجلاء: كلهم شيوون ارتحتو
ولفت تكمل سوالفها مع عبير
مشعل : تصدق حل وسط يرضي الطرفين
راشد: يرضيك انت لكن انا لا للحين اقولها ولدي احلى من بنتك
مشعل:الشرهه على اللي يضيع وقته على شي ما يحتاج نقاش اصلا وشوي ودخل او راشد
ابو راشد : السلام عليكم
نجلااء نطت :بــــابــــا
ابو راشد :هلا والله باللي تزوجت ونست ابوها
نجلاء : انا انسااااااك؟؟؟ افا بس افا
ابو راشد جلس على الكنبه اللي جنب نجلاء وجلس يسولف معاها
ابو راشد : هاه وش لونك مع فيصل
نجلاء : الحمد لله تمام
ابو راشد :والله اني عارف اني ماراح الاقي واحد مثله
نجلاء "بعد انت مخدوع فيه؟"
ابو راشد: هاه وش لون ايطاليا؟؟
نجلاء:حلووووه بس لو اني معاكم تكون احلى
ابو راشد :هالحين رجلك معك وتبينا؟ اصلا لو نجيك كان شتينا مع الطياره
نجلاء:هههههه لا شدعوه بابا..
جلسوا يتقهوون وطبعا ابو راشد متجاهل وجود مشعل معاه ونجلاء لاحظت هالشي
بعد فتره طلعوا راشد وعبير غرفتهم عشان يستعدون للغدا اللي بينحط بعد نص ساعه وام راشد راحت تشوف الغدا
نجلاء لقتها فرصه انها تكلم ابوها بوجود مشعل
نجلاء : بابا؟؟
مشعل رفع راسه بروعه حس انها بتتكلم الحين وكان وده يتراجع ما يبي ابوه يرده وهذا اللي كان غالب على الامر
ابو راشد : عيون ابوها
نجلاء: ممكن اطلب طلب؟
ابو راشد : عيوني لك امري تدللي
نجلاء : اهو مو طلب اهو رجااء واتمنى انك ما تردني لان لو رديتني انا بزعل هالمره
ابو راشد : ما عاش من يزعل نجولتي وانا راسي يشم الهوا
مشعل يحس انه جسمه حاار وجبينه بدى يصب عرق
نجلاء بتردد : يبى كل اللي ابيه منك انك تسامح مشعل
ابو راشد رفع راسه لنجلاء بنظرت استغراب وفيها نوع من الغضب
مشعل يوم شاف ابوه كذا خلاااص تحطمت كل آماله
نجلاء ما يأست : ايه يبه مشعل ....يبه مشعل ما ينوم لا ليل ولا نهار ولا ياكل ولا يتهني بطعم الراحه كل همه انك تسامحه
اهو عارف غلطته وحاس فيها وعمره ما تندم على شي كثر الحين .. يبه مشعل عنده بنت ولا عارف اذا انت تبيها في بيتك والا لا
وانت عمرك ما حسسته ان هديل حفيدتك مثل عيال راشد
يبه هديل لها حق عندك ومشعل له حق اهو غلط واعترف بغلطته وانت المفروض تسامحه ............. يبه اذا لي معزه بقلبك واذا مشعل له معزه بقلبك سامحه
ابو راشد ما توقع انه هذا الموضوع اللي كانت بتفاتحه نجلاء تفاجئ بعد انها تقول اذا انت تبي هديل في بيتك او لا
معقوله انهم يفكرون اني ما ابي حفيدتي معقوله مشعل تعبان لهالدرجه ؟؟ لهالدرجه انا اناني ولا فكرت بولدي ولدي (انا نطقها ولدي ويني وين ولدي اللي اهملت وطنشته ياااه يا مشعل
مشعل انصدم ما توقع ان نجلاء بتقول هالكلام انصدم من جد وحس بمفعول اللي قالته في ابوه على انه كان منزل راسه للاض وما كان قادر يحط عينه بعين ابوه
ورفع راسه مشعل وتفاجئ
كان ابو راشد يبتسم لمشعل ...مشعل ما صدق راح لابوه وباسه على راسه
مشعل : سامحني يبه والله ادري ان اللي سويته غلط في غلط و ....
قاطعه ابو راشد : خلااص يا مشعل اللي راح راح واللحين رح ناد لي هديل ابي اسلم عليها
نجلاء الارض مو سايعتها لاول مره تحس انها سوت شي
ومو أي شي
نجلاء: مشكوور يبه ما ادري وش كنت باسوي لوما سامحته
ابو راشد : انا اللي مدري وش كنت باسوي لو ظليت على هالحال على بالك انا كنت مبسوط
نجلاء: ااه اخيرا صفت القلوب
ابو راشد : الحمد لله على كل حال
وشوي دخل عليهم مشعل وشايل بيده هديل وميت وناسه
مشعل : وهاذي هديل جت
هديل: بابا من هاذا
مشعل : هذا ابوي وانتي تسمينه جدي
هديل : جدي؟؟
ابو راشد شاف برائه هديل ويقول في نفسه " يااه ليش حرمت نفسي من بنت ولدي وحرمتها من جدها "
مشعل : هدول حبيبي روحي بوسي راس جدي
هديل راحت لعنده وابوراشد نزل راسه وباسته
وابو راشد بعد رجع وباس راسها وخدودها وده يقطعها
ابو راشد : الله يخليها لك
مشعل : ولا يخلينا منك
نجلاء: خلاااص سويتوها فلم هندي
هديل : عميمه ؟؟
نجلا بتنجن منها : قلب عميمه انتي.
هديل : وسو فلم حندي (وشو فلم هندي)
كلهم ضحكوا على برائتها
نجلاء : حبيبت عميمه انتي فلم هندي يعني تعرفين الرجال اللي واقف عند الباب ؟(تقصد حارس البيت)
هديل : اييه اللي يحوف (يخوف)
نجلاء : اييه هذا هندي
هديل : انا اا احب حندي(انا ما احب هندي)
نجلاء : انا احب فلم هندي حلوووو
ام راشد : يالله يا عياال الغدا جاهز
واكتملوا على الطاوله والابتسامه شاقه حلوقهم
وهذي اول مره مشعل ياكل براحه
وليد : يا اخي والله لك فقده .. 3 اسابيع يا الظالم ..
فيصل : هههههههه .. اوه ثلاث اسابيع كلها اسبوعين ..
وليد : ثلاثه ولا اثنين ما تفرق ..
فيصل : لا يحبيبي تفرق 7 ايام ..
وليد : خلك الحين من هالحكي وقلي هاه وشلون الزواج ..
فيصل يتنهد ...
وليد : اوه .. اوه ... شكل الحاله مستعصيه ..
فيصل : آه .. يا وليد بس آه ..
وليد : ما ارتحت صح ..
فيصل : والله يا وليد ما ادري وش اقولك ..
وليد : قول .. قول طلع اللي في قلبك ..
فيصل : والله يا وليد الظليمه شينه .. البنت طيبه وحبوبه .. بس التفاهم معها صعب .. صعب ..
وليد : وشلون يعني ..
فيصل : ما ادري .. ما ادري .. احس فيه شي مو طبيعي ..
وليد : يا اخي تراك وجعت راسي ... وشلون شي مو طبيعي ..
فيصل : ما ادري .. طول الوقت تصيح .. كل ما اقولها شي تصيح ..
وليد : ههههههه .. يا اخي يمكن تتدلع عليك ...
فيصل : لا ..لا ..لا .. لا احسه مو دلع احسه شي كبير .. كبير ..
وليد : كبير يعني ايش ..
فيصل : ما ادري بس انا بدت الافكار تجيبني وتوديني ..
وليد : طيب وش هالافكار ..
فيصل : احس انها مغصوبه علي ..
وليد : طيب اسالها ..
فيصل : ما اقدر ..
وليد : ليش ..
فيصل : ما ادري .. اخاف يكون ايه ..
وليد : وليش ما يكون لا ..
فيصل : ما ادري .. ما ادري ..
وليد : اجل وش تدري عنه انت .. كل ما قلت لك شي .. قلت لي مدري ..
فيصل : ادري عن شي واحد ..
وليد : وشوووووو ..
فيصل : ان لها معزه عندي ..
وليد : الله .. الله .. اشوف بدينا نحب ..
فيصل : انا ما قلت حبيتها ..
وليد وهو يقلد صوت فيصل : لها معزه في قلبي ..
فيصل : ههههههههههههه .. الله يقطعك ..
وليد : المهم .. انا بقولك انت توك في البدايه حاول تنجح زواجك ... خاصه وانت زي ما تقول بــــديـــــت ..ههههههههه
فيصل : والله انا احاول وكل اللي بيدي قاعد اسويه .. بس الصبر له حدود .. وانا واحد عصبي.. وما عندي تفاهم ..
وليد : ههههههههههههههههه عارف تعلمن فيك ..
فيصل : الحين انا اشكيلك وانت تضحك ..
وليد : يا اخوي الرفه عنك ..
فيصل : مشكوووووور .. هههههههههههههه
اقول .. ما قلت لي وش سويتوا في دبي ..
وليد : قل وش ما سويتوا ..
فيصل : يله قل .. قل حمستني . .
وقال وليد لفيصل عن هبال دبي .. وطول الوقت فيصل ميت ضحك ..
فيصل : وانتم طا وعتوه ودخلتوا فلم هندي ..
وليد : وياليتنا ما طاوعناه ... فشلنا ..
فيصل : هههههههههههههه .. عارفه اخوي تعلمني عنه ..
وليد : تخيل في نص الفلم يقوم ويصرخ .. على بالي انه متحمس ..
فيصل : ههههههههههههههههههههههه ..والله هذا فواز نكته ...
وليد : لا ويوم جات نهاية الفلم .. سوا نفسه يصيح على النهايه .. وقام يصرخ مره ثانيه ..
فيصل : هههههههههههههههههه خلاص انا ما عاد اقدر بطني يعوني من الضحك ..هههههههههههههههههههههههههههههههه ..
وليد : هههههههههههه ما اصدق انك انت فيصل اللي قبل شوي ..
ويرن جوال فيصل ..
فيصل وعيونه تدمع من الضحك : ههههههههههههه الوووووو ..
نجلاء : الو ..
فيصل : هههههه ... هلا والله ..
نجلاء والله شكلك مبسوط يا فيصل وتضحك بعد يا اخي حرام عليك قدر مشاعري ..
نجلاء : هلا بك .. معليش فيصل غلطانه ابي ادق على مشعل دقيت عليك ..
فيصل يضحك على شكل وليد اللي مستخف وجالس يسوي حركات غبيه
فيصل : ههههههههه .. اوكي .. طيب مع السلامه ..
نجلاء : فيصل ..
فيصل : هلا ..
نجلاء : اذا خلصت ضحك وحبيت تجي .. دق علي عشان اتجهز ..
فيصل : طيب ان شاء الله مع السلامه ..
نجلاء : ومع السلامه ..
وبعد ما سكرت نجلاء السماعه من فيصل ..
نجلاء : يا ربيه انا وش خلاني اتصل عليه .. كل هذي لقافه .. اعرف هو وش قاعد يسوي .. . احسن خلي لقافتك يا نجيل تنفعك .. بس هو بعد ولا كان اللي مكلمه زوجته .. بس جالس يضحك ويكلمني من طرف خشمه .. بس معه حق هو ليش يهتم لي وهو ما يحبني .. ويحب غيري ومغصوب علي .. طيب على الاقل يحترمني ويقدر مشاعري ..
وتدخل عبير عليها ..
عبير : هاه وش فيك جالسه لحالك ..
نجلاء : هاه .. لا بس كنت اكلم فيصل ..
عبير : هههههه .. طيب وشلونك مع الزواج ..
نجلاء : تمام ..
عبير : وفيصل كيفه معك ..
نجلاء تبتسم : والله ما ادري وش اقولك يا عبير ... فيصل موصلني للسماء .. ويهتم فيني .. ودايما يقولي كلام حلوو .. وما تطاقينا ولا مره .. ويحبني يا عبير فيصل يحبني ولا يحب احد غيري يحبني انا وبس ..
ووقفت نجلاء عن الكلام ودمعت اعيونها ..
عبير : طيب وليش هالدموع من كلامك تو انك مستانسه . .
نجلاء : مره مستانسه .. وهذي دموع الفرح .. يا عبير دموع الفرح ..
وقعدت تصيح
عبير : خلاص ما صار ذا فرح ..
نجلاء تمسح ادموعها
عبير : بروح اشوف عبودي وين راح وبجي ..
نجلاء تبتسم ..
طلعت عبير من هنا ونجلاء قفلت الباب من هنا ز. ورمت نفسها على السرير .. كانت محتاجه تجلس مع نفسها .. جلست تفكر في فيصل .. وفي علاقتها معه .. افكار كثير في بالها ما تقدر خلاص ....
قامت وراحت لزاويه في الغرفه زاويه تحبها .. وجلست تفكر في كلامها لعبير وخاصه الكلمه الاخيره .. يحبني يا عبير فيصل يحبني ولا يحب احد غيري يحبني انا وبس .. استرجعتها ورددتها بس كانت تقول ما يحبني يا عبير فيصل ما يحبني يحب وحده غيري غيري ما يحبني وترددها وهي تصيح كانت محتاجه لانها تصيح بدون ما تحس انه فيه احد يراقبها .. كانت جالسه على الارض ودافنه راسها بين رجولها ..كانت تقول .. انا وش سويت في دنياي عشان يصير معي كذا ليش ليش ابي اعيش مثل كل الناس احب وانحب .. ابي احس اني صدق متزوجه .. بدون ما يخوني زوجي وحنا ما كملنا شهر مع بعض .. معقوله ..معقوله فيصل يسوي فيني كذا وانا بنت عمه .. ابي اقوله .. ابي اقوله كل شي .. يمكن يكون كذب .. بس لا اخاف يصير صدق .. والله ما اتحمل .. والله ما اتحمل .. والله ما اتحمل اكثر من كذا .. انا ليش مكتوب على الشقا وانا في بدايه حياتي معه .. معه .. هو ولد عمي .. اللي انا وافقت عليه برضاي ومحد غصبيني عليه ..
ويرن جوالها مره ومرتين وثلاث وفي المره الرابعه انتبهت وراحت ترد على الجوال ..
نجلاء بصوت مخنوق ومتقطع من الصياح : الــ... الو ..
فيصل : وينك عن الجوال ساعه وانا ادق ..
نجلاء : طيب هذاني رديت وش تبي ..
فيصل : وش فيه صوتك ..
نجلاء : ما فيه شي ..
فيصل : طيب .. اطلعي انا عند الباب ..
خذت نجلاء الاغراض اللي تبيها من غرفتها ونزلت تحت وسلمت على اهلها وطلعت ..
فيصل : سنه .. . صارلي عشر دقايق مكلم عليك ..
نجلاء : وش اسوي سلمت على اهلي وطلعت ..
فيصل وهو يبتسم : نجلاء وش رايك نتمشى قبل ما نرجع للبيت ..
نجلاء ببرود : انا تعبانه وفيني النوم ..
فيصل : وانتي كل ما اقول لك شي .. تقولي لي فيني النوم ..
نجلاء : وش اسوي لك انت اللي تختار اوقات ما ادري شلون ..
فيصل : تصدقين يانجلاء اكتشفت انك ابدا منتي رومنسيه ..
نجلاء بسخريه : مخليه الرومانسيه لك ..
فيصل الصراحه شي ينرفز انا ما اقدر استحمل اكثر من كذا كلمه ثانيه وبنفجر ..
نجلاء : اقول فيصل .. عساك استانست مع وليد ..
فيصل وهو يتذكر وليد : هههههههههه وليد .. ايه والله مره استانست معه ..ههههههههههههه ..
نجلاء : اشوفك تضحك .. لهدرجه ..
فيصل : واكثر بعد ..
نجلاء بسخريه واضحه جدا : ايه اشوى .. انك استانست .. تصدق كنت خايفه انك ما تستانس ..
فيصل : نجلاء ..
تلتفت نجلاء بدون ما تتكلم .. يعني قل وش تبي ..
فيصل : انتي فيك شي ..
نجلاء : ليش انت شايف شي ..
فيصل : لا بس احسك متغيره ..
نجلاء : لا يمكن تتخيل هذا انا نجلاء .. ما تغيرت ..
فيصل ياربيه وش فيها ذي .. الصراحه شي يقهر .. عاملتها بالقسوه ما فاد .. وان عاملتها بلين ما فاد وش اسوي
فيصل : ايه صح يمكن انــــــــــــــا اتخيل ..
وصلوا للبيت ونزلوا لقوا ابو فهد وام فهد والعنود جالسين ..
فيصل ونجلاء : السلام عليكم ..
الكل : وعليكم السلام ..
جلس فيصل ونجلاء جلست بدون ما تفصخ عبايتها تخاف فواز يدخل في أي وقت ..
ام فهد : هاه نجلاء وشلون اهلك ..
نجلاء : الحمد لله بخير ويسلمون عليكم ..
ام فهد : الله يسلمهم ..
العنود وهي تلتفت على ابوها : اقول يبه ..
ابو فهد : عيونه ..
العنود : انت ترى ما عطيتني نجاحتي ..
ابوفهد : انا قلت لك اطلبي وانتي ما طلبتي ..
العنود : طيب وش رايك بطلب الحين ..
فيصل : وانتي ما تصدقين ..
ابو فهد : الله يستر من طلبها ..
فواز من برى : يا ولد ..
تغطت نجلاء ودخل فواز ..
فواز : مرحباااااااا ..
الكل : مرحبتين ..
العنود : اوهوووووو .. الحين وشلوووون الواحد يطلب .. عقب ما جاء ذا ..
فواز : نعم وش قلتي كني سمعت شي ..
العنود : لا لا بد سلامتك ..
وتهمس لنجلاء : وش يفكني الحين من السانها زز
نجلاء والعنود: هههههههههههههه ..
فواز : وش عندكم تضحكون ... اذني تصفر ..
العنود: لا لا ما فيه شي ..
ابو فهد : بتقولين وش تبين ولا اروح انوم ..
العنود : لا خلاص بقول ..
فواز : هاه وش عندك ..
العنود : اوهوووو يعني ما راح تخليني اكمل ..
ابو فهد : اسكت خلها تقول وش عندها .. بروح ابوم ..
فواز : ان شاء الله .. خلنا نسمع الدرر.. يله قولي ..
العنود : اكيد درر .. انت اصبر وتشوف ..
ابو فهد : وبعدين بتقولين والا لا ..
العنود : لا لا خلاص والله بقول ..
فيصل : اخلصي تراني تحمست ..
العنود : يبه ورا ما نروح كلنا ونصيف في فلتنا اللي على البحر في الشرقيه ..
ابوفهد : الله .. الله .. يعني اللي تبين .. سفر ..
العنود : ايه يبه تكفى ..
ابو فهد وهو يلتفت على ام فهد : هاه وش رايك ..
ام فهد : والله كيفكم ..
ابو فهد للعنود : ومن تبين يروح ..
العنود : كلنا ..
فيصل : يعني كلنا مين ..
العنود : يعني حنا وخالتي .. وعمي عبد الله ( ابو راشد ) وخالتي ام عبير وبناتها ريم ورنا ..
فواز في نفسه .. لا مو معقول ريم ما غير .. اذا رحنا يعني بتسافر معنا .. الله .. لازم نسافر .. لازم .. ابي اشوفها ..
فواز : ايه يبه تكفى خلنا نروح ونوسع صدرنا ..
العنود : يبه يله ..
ابوفهد : خلاص اللي تشوفون بشاور اخوي .. ( ويلتفت على ام فهد ) وانتي قولي لختك ..
ام فهد : ان شاء الله ..
فيصل يوقف ويناظر نجلاء عشان تقوم : يله تصبحون على خير . .
قامت نجلاء : تصبحون على خير ..
الكل : وانتم من اهل الخير ..
رقوا نجلاء وفيصل ..ونجلاء الابتسامه شاقه وجهها ..
فيصل : هاه اشوفك مستانسه ..
نجلاء وهي تبتسم : اكــــــــيــــــد .. بنسافر مع بعض وما تبيني استانس ..
فيصل : ههههههههههههههههههه .. ومن قالك اصلا اٍنا بنروح معهم ..
نجلاء تغير وجهها : لا عاد ..
فيصل : ايه ما راح نروح معهم ..
نجلاء : لا لا قول الصدق ..
فيصل : وش يحدني العب عليك ..
نجلاء : يعني ما راح نروح معهم ..
فيصل : ايه ما راح نروح معهم ..
نجلاء : ليش عاد ..
فيصل : بس كذا .. مزاج .
نجلاء : حرام عليك .. والله توني فرحانه اقول بنروح نغير جو .. معهم ..
فيصل : وش تغيرين جو وانتي توك جايه من ايطاليا ..
نجلاء : لا الجمعه غير .. يعني ريم ورنا والعنود .. الصراحه فله .. حرام عليك ..
فيصل : وش معنى العنود مو رغد ..
نجلاء : عادي وبكل بساطه .. لان العنود اقرب لي من رغد ..
فيصل : اهااااااااااا ..
نجلاء : يله فيصل حرام عليك .. تكفى خلنا نروح معهم ..
فيصل : قلت لا .. يعني لا ..
نجلاء : ليش عاد ..
فيصل .: بس ..
نجلاء : تكفى .. تكفى طلبتك ..
فيصل : ........
نجلاء : الله يخليك .. يله ..
فيصل : ..........
نجلاء : حرام عليك والله ما تسوى علي .. ذا المذله ..
فيصل : الحين اذا طابتي من زوجك .. تصير مذله ..
نجلاء : والله اذا من الصبح وانا اطلبه .. وهو سافهني .. اكيد بتصير مذله ..
فيصل : اهااااااا ..
نجلاء : يله عاد .. والله ما صارت ..
فيصل : ...........
نجلاء عصبت : اوهووووووووو ..
وراحت وقعدت على السرير ..
فيصل راح وراها : نجلاء ..
نجلاء : ........
فيصل : نجلاء ..
نجلاء : ........
فيصل يعلي صوته : نــــــجـــــــــــــلاء ..
نجلاء بدون ما تناظره : نعم ..
فيصل : يله خلاص ..
نجلاء : خلاص ايش ..
فيصل : خلاص قومي ..
نجلاء : منيب ..
فيصل : يله قومي خلاص بنروح معهم ..
نجلاء ترفع عيونها وتناظره : ايه العب علي ..
فيصل : والله صدق ..
نجلاء تبتسم : قل والله ..
فيصل : والله ..
نجلاء : يعني خلاص بنروح معهم ..
فيصل : ايه خلاص بنروح معهم ..
قامت نجلاء وطمرت ( نقزت ) : يس .. اخيرا حرام عليك والله خفت ما نروح ..
فيصل : انا من الاساس كنت ناوي انا نروح .. بس يوم شفتك فرحانه .. قلت خلني العب باعصابك ..
نجلاء : لا والله .. لعبه عندك انا ..
فيصل : وش اسوي بك اذا انتي مخفه ..
نجلاء : انا اللي مخفه .. والا انت اللي الكذب يمشي في دمك ..
فيصل : ههههههههههههه .. انـــــــــــــا .. حرام عليك .. والله قليل اكذب .. في الضروره ..
نجلاء وهي تفتح الدولاب : ايه مره ..
فيصل : هههههههههههههههههههههه .. اوووه صورتي عندك .. مره زفت ..
نجلاء : هذا اللي تدري عنه ..
فيصل على باله نجلاء تمزح : يؤ يؤ يؤ لهدرجه ..
ههههههههههههه ..
نجلاء : واكثر بعد .. على قولتهم .. ما خفي كان اعظم ..
فيصل : ههههههههههههههه حرام عليك .. بديت اكره نفسي ..
خذت نجلاء ملابسها وراحت للحمام وغيرت وطلعت ورقدت على السرير وتلحفت ..
فيصل : لا تقولين انك بتنومين ..
نجلاء : انت وش تشوف ..
فيصل : اعوذ بالله دجاجه ..
نجلاء : معليش دجاجتين بعد .. بس خلني انوم ..
فيصل : هههههههههههههههههه .. نومي .. بس الصراحه انتي انسانه غريبه ..
نجلاء : وليش عاد ..
فيصل : ههههههههه .. مدري عنك ..
نجلاء : طيب يله تصبح على خير ..
فيصل : وانتي من اهل الخير
الجزء الخامس عشر
الفصل الثاني
فواز وهو حده معصب : عـــــــنــــــــيـــــــــد
العنود الله يستر يا رب : نعم ..
فواز : العنود .. بسرعه وين جواز سفري ..
العنود يا ربيه ذا السكني وش دراه : انا وش يدريني ..
فواز : لا والله .. يعني ما تدرين ..
العنود : اقول اخلص ..
فواز : انا منيب العب معك .. وينه ..
العنود تسوي نفساها زعلانه : يعني انت الحين يقالك مفتعل هالسالفه عشان تغايرني .. خلاص اوكي.. غايرتني .. ممكن تتفضل تخليني انام ..
فواز : العنود عاد بلا مزح .. انا عارف انه معك ..
العنود : وش الشي اللي اكد لك انه معي ..
فواز : هاااااه .. اجل ليش دخلتي غرفتي ..
العنود : والله خير تعمل شر تلقى ..لا يا حبيبي انا ما دخلت اخذ جوازك .. ان داخله اقومك .. عشااان تقعد معنا .. بس انت منتاب كفو .. احد يقومك ..
فواز : طيب اجل ليش رقيتي قبل شوي ..
العنود : يعني ما تعرف ليش رقيت ..
فواز : لا ..
العنود : لانك واحد اناني .. ما تفكر الا في نفسك .. همك نفسك وبس .. ما تقول خواتي يبون يروحون معنا .. بس على طول انا والشباب ..ودي ولو مره تقول العنود تبين شي .. ناقصك شي ..همك نفسك ..وبس
فواز : يؤ يؤ يؤ يؤ كل هذا في قلبك .. خلااااااااص ولا يهمك .. بحرين منيب رايح ..
العنود : صدق ..
فواز : ايه صدق ..
العنود : الا صدق جواز سفرك ضايع .. والا جاي تغايرني ..
فواز : لا صدق ..
العنود : طيب وينه ..
فواز : مدري .. بس اكيد ضاع ولا في السياره .. بس كيفه خلاص هماني منيب رايح وشلوله ادوره ..
العنود : ..........
فواز : يله انا طالع .. بس مره ثانيه لا تشيلين في قلب .. على اشاء سخيفه ما تسوى ..
وطلع ..
العنود تصرخ : يــــــــــــــــــــــــــــــــس .. والله بتروح للبحرين يعني بتروح ... والله ما اخليها في نفسك ...
العنود اتصلت على نجلاء:نجووووول وينك ؟
نجلاء : انا في السياره
العنود : نجحت والله نجحت
نجلاء : في ايش؟
العنود : فواز جاني يتهمني اني اخذت الجواز لكن فني في التمثيل انقذني
نجلاء : برافوووووووووووووووووو
العنود : فيصل معك ؟
نجلاء : وش رايك ؟؟
العنود : خلاص اجل يله باااي
نجلاء :اوكي بااااي
فيصل : من هاذي ؟؟
نجلاء : العنود
فيصل : وش عندك انتي واياها اليوم ؟
نجلاء : ابد سوالف بنات
فيصل : وسوالف البنات في كل وقت ؟
نجلاء : لا بس هي تذكرني بشي المهم (تبي تضيع السالفه) انت بتنزل تسلم على امي؟
فيصل: ايه
نجلاء : اوكي باتصل على امي عشان يكون عندها خبر
اتصلت نجلاء بالبيت ورده عليها هديل
نجلاء : الوو
هديل :الوو
نجلاء : هدووول حبيبتي شلونك
هديل : طيبه من انتي؟؟
نجلاء : انا عميمه نجلاء
هديل : عميمه ؟؟ تعالي عندنا
نجلاء : حبيبتي انتي طيب بجيكم الحيييييييين وين ماما منيره ؟
هديل : هنا
وعطتها التلفون
ام راشد : الوو
نجلاء : هلا ماما شلونك ؟؟
ام راشد : هلا والله بخير الله يسلمك
نجلاء : انا وفيصل جايين في الطريق وفيصل يبي يسلم عليك
ام راشد : الله يحييه
نجلاء: يالله اجل مع السلامه
ام راشد : مع السلامه
مشعل : يمه من ذي ؟
ام راشد : ذي نجلاء
مشعل : وش تبي؟
ام راشد : تقول فيصل بيجي يسلم علي قم يا ولدي افتح المجلس ولع النور وانا بقول للشغاله تزهب القهوه ..
مشاري : هااااااه وش صار على السفره ان شاء الله صملوا ..
ام راشد : ايه صملوا ..
راشد : يمه قلتي لخالتي ..
ام راشد : ايه قلت لها .. بس ما ادري .. كن ما ودها ..
عبير : ايه .. امي عيت تقول صعبه وش يودينا ..
مشعل : لا والله وليش صعبه ..
عبير : تقول لا عيب .. نقط وجهنا ..
ام راشد : والله ان ابوفهد عادهم بالاسم ..
عبير : والله مدري ..
مشاري : شوفوا ترا اذا ما راحت ريم منيب رايح ..
ام راشد : لا ما عليك خل ام عبير علي ..
وشوي ودخلت عليهم نجلاء وفيصل
فيصل راح للمجلس ونجلاء دخلت تسلم على اهلها
نجلاء : السلااااااااااام عليكم
الكل : وعليكم السلام
ام راشد : هلا والله نجلاء وش لونك ؟
نجلاء: بخير ماما ....ماما ترا فيصل في المجلس ينتظرك
ام راشد : راشد.. مشعل...مشاري...روحوا للمجلس وانا بجي الحين..
مشعل وراشد : ان شاء الله ..
مشاري : ان شاء الله ... بس نجيل انتي بتروحين مع فيصل الحين والا بالليل ؟؟
نجلاء: لا برجع بالليل عندك مانع ؟؟؟
مشاري: لا ابد بس ودي افتك منك لكن الظاهر ما فيه فكه منك ابد... يالله انا بروح عند بعلك....
نجلاء : هههههههههههههه بعلي ؟؟
مشاري راح هو ومشعل وراشد وام راشد عند فيصل ونجلاء وعبير جالسين في الصاله
نجلاء : اجل وين هدول؟؟
عبير : والله مدري لكن اخر علمي فيهم كانو يلعبون في غرفه الالعاب
نجلاء : ياحليلها وش اخبارها مع عبود ؟؟
عبير : والله انهم كل يوم طقاق
نجلاء : افاا ليييييييييييش؟
عبير : عبود يحب يطفشها لان الاضواء مسلطه عليها وهو محد يناظره
نجلاء: مسكييييييين عبود طيب انتي عوضيه وقولي لامي لاتبين غلا هديل قدامه
عبير : لا لا لا مو قصدي كذا انه خالتي تفضل هديل على عبود ؟ لا انا قصدي انه يعني هديل ماكانت فيه وكان دلوع امه وابوه وجدته وجده لكن الحين جت اللي تشاركه غلاه
نجلاء : الله يعين هاه ان شاء الله مستعدين للسفره ؟؟
عبير : والله ان شاء الله الا ما تدرين كم بنجلس؟؟
نجلاء : والله حسب علمي واللي سمعته من عمي انه بنجلس اسبوعين واذا زياده مو مشكله
عبير : يااااااااااي وناسه اخيرا بنفتك من الروتين اليومي وتغيير
نجلاء : عاد والاحسن انها جمعه يعني جد فلــــــــه
عبير : ايه والله وناسه
شوي ودخلو عليهم مشاري ومشعل وام راشد : السلام عليكم
نجلاء وعبير : وعليكم السلام
مشاري : هاه نجيل شلونك؟
نجلاء : انت ما تعرف الذوق؟؟؟ يعني عانيه وجايه لكم تقول نجيل الشرهه موب عليك الشرهه علي انا اللي معطيتك وجه(وبوزت كنها زعلانه)
مشاري: ههههههه كل ذا علشاني قلت نجيل ولا يهمك نجول وفكينا تراك شينه وانتي معصبه
وابتسمت نجلاء
مشاري: يـــــــــع ياشينك واتي مبتسمه تروعين
مشعل : مشيري بس خلها في حالها
نجلاء: بعد عمري يا ميشوو انت الوحيد اللي ماخذ حقي ....
مشاري : ميشوو...ههههههههههههههههه .. والله ما تعرفين ادلعين ..
نجلاء : اعوذ بالله انا ما ادري انت من وين جايب هالغيره .. كل ذا عشاني دلعته وانت لا ..
ورن التليفون .. وقامت نجلاء ترد..
نجلاء : الو..
ريم : الوووووو..
نجلاء : هلاااااا والله وغلا ..
ريم : هلا فيك .. وش اخبارك ..
نجلاء : الحمد لله انا بخير .. وانتي
ريم : الحمد لله ..
نجلاء : هااااااااااه .. مستعده للسفر ..
ريم من غير نفس : لااا..
نجلاء : ليش ..
ريم : امي عيت ..
نجلاء : لا عاد ..
ريم : والله ..
نجلاء : طيب ليش ..
ريم : تقول حنا وش يودينا .. هم بيروحون مع عمهم ..
نجلاء : والله يا ريم عمي عادكم بالاسم ..
ريم : طيب وش اسوي .. والله حرام نفسي في الروحه ..
نجلاء : طيب وين خالتي عطيني اياها ..
ريم : تصلي..
مشاري يسحب السماعه من نجلاء ..
نجلاء : وجع خلني احكي ..
مشاري : اقول وخري ..
ريم : يا ربيه اخلصوا .. احد منكم يرد علي ..
مشاري : الووو..
ريم : هلا ..
مشاري : ريم افتحي الباب انا ونجلاء في الطريق ..
ريم : نعم ..
مشاري : ايه بنجي نقنع خالتي ..
ريم فرحانه : قل والله ..
مشاري : والله العظيم ..
ريم : طيب .. طيب .. يله مع السلامه ..
مشاري : مع السلامه ..
نجلاء : مشاري صدق والله بنروح بيت خالتي ..
مشاري : ايه بس يله بسرعه لا نتاخر ..
مشعل : وين بتروحون ..
نجلاء : بنروح بيت خالتي ..
مشعل : ليش ..
مشاري : بنروح نقنع خالتي ..
نجلاء : تروح معنا .؟؟
مشعل : ليش لا ..
مشاري : طيب يله ..
مشعل : نجول ممكن اطلب منك طلب ..
نجلاء : امر ..
مشعل : معليش تلبسين هدول .. باخذها معنا .. لانها تحب رنا وريم . ..
نجلاء : ان شاء الله من عيوني كم مشعل عندي انا ..
مشاري : يــــــلـه طيب بسرعه لا نتاخر..
نجلاء : لا بلبسها بسرعه ... بكلم على فيصل .. اعلمه ..
مشاري : وليش تكلمين عليه ..
نجلاء : يعني تبيني اطلع من دون ما اقوله ..
مشعل : يا حبني لك يا ليت كل البنات زيك ..
مشاري : لقول اخلصي .. معك عشر دقايق .. اذا ما خلصتي .. رحت ..
نجلاء : طيب ..
ورقت فوق ولبست هديل .. وخذت جوالها وكلمت على فيصل ..
نجلاء : الووو ..
فيصل : هلا والله ..
نجلاء : هلا فيك ..
فيصل : امداك تشتاقين لي ..
نجلاء : هههههههههه .. شفت عاد .. فيصل ..
فيصل : هلا ..
نجلاء : بروح مع مشاري ومشعل وهدول لبيت خالتي ..
فيصل : وش طرى ..
نجلاء : لا بس خالتي رافضه تروح للشرقيه .. وانا عن ريم ورنا .. ما اقدر استغني ..
فيصل : وليش خالتك رافضه ..
نجلاء : تقول وش يودينا ..
فيصل : خلاص طيب روحي ..
نجلاء : مشكور .. طيب يله مع السلامه ..لا يروحون عني ..
فيصل : ههههههه مع السلامه ..
فواز : اقول فيصل ..
فيصل : نعم ..
فواز : من اللي مهوب رايح ..
فيصل : خالت نجلاء وبناتها ..
فواز : لا عاد ..
فيصل : وانت وش دخلت ..
فواز: هاااااااااه .. لا..لا بس العنود تبيهم يروحون ..
فيصل : الحين صارت العنود تهمك ..
فواز : ياربيه .. والله انك انسان تافه .. على كل شي ادقق ..
فيصل : الحين انا تافه ... والله ان وراك مصيبه .. ولا تقول ما قال فيصل ..
فواز ياربيه عليه ذا .. وش اسوي فيه دايما كاشفني ...
فواز : مصيبه مره وحده حرام عليك ..
فيصل : اقول اتركني من خرابيطك .. وقلي وش صار على البحرين ..
فواز : لا كنسلناها . ...
فيصل : ليييييش ؟؟
فواز : ما لقيت جواز سفري ...
فيصل : هووو وين راح ..
فواز : مدري .. اقول قم .. معجبك ذا المكان اللي انت مجلسنا فيه ..
نجلاء : يله خالتي تكفين ..
ريم : يله يمه ..
ام عبير : لا ... هوووووو منتوب صاحين وش يودينا ..
مشاري : خالتي وش وش يوديكم .. والله عااادي ..
نجلاء .: يله خالـــــــــــــتــــــــــــي ..
مشعل : يله خالتي عشاااااااان هدول ... شوفي جايه مخصوص .. عشان تطلبك .. صح هدول ..
هديل وهي ما تدري وش السالفه : صح ..
مشاري : يله خالتي ...
ام عبير : يا ربيه .. والله مدري ..
ريم : يمه تكفين .. وش نقعد هنا نسوي .. خلينا نروح نوسع صدورنا .. يله يمه الله يخليك ..
نجلاء : تكفين .. يله طلبتك .. لا ترديني ..
ام عبير : ..............
مشاري : يله ..
ام عبير : ........ ...
الكل : يــــــله ..
ام عبير : .........طيب وامري لله ..
ريم : يــــــــــــــــــــــــــس .. (وراحت تحب راسها ) ... مشكووووووره يا احلى ام في الدنيا ..
نجلاء : هههههههههههههههههههههه .. اخيرا..
مشاري : الحين يا خالتي يومك بتوافقين .. كان وافقتي من اول .. مخليتنا نعنا من بيتنا ... فوتي علي طلعه مع فواز .. كنت ناوي اطلعها ..
ريم : وانت ما تمل من فواز ليل ونهار مقابله ..
مشاري : وهو فيه احد يمل من فواز ..
ريم في نفسها والله ما الومك الله يلوم اللي يلومك .. من شاف هباله ما مل منه ..
ورن جوال مشاري ..
مشاري : جبنا سيرة القط جانا ينط ..
الكل: هههههههههههههههه ..
مشاري : الوووووووو..
فواز : هلا والله ..
مشاري وهو يحط على السبيكر : هلا والله ومرحبا ..
فواز : وينك يا اخي استناك .. مجلسني مع فيصل ثقيل الدم .. ما عنده الا تحقيق بس ..
فيصل من جنب فواز : الحين انا ثقيل دم .. وانا جالس ومستحملك عشان ما تجلس لحالك .
مشاري : انا عند خالتي .. وبعدين فيصل داري اني عند خالتي ..
فواز : انا داري انك عند خالتك .. هااااه وش صار بتروح ..
ريم وهي جالسه جنب مشاري وتسمع كل المكالمه .. وفي نفسها .. يا لقفه ذا وش دخله رحنا ولا ما رحنا ..
مشاري : ايه ابشرك .. خلاااااااااص بتروح ..
فواز : هيييييييييييييييا .. ( يا ربيه وش سويت انا ) اخيرا ما بغت توافق ..
مشاري : انا ابي افهم ليش هالفرحه .. والله لو انها خالتك ..
فواز ياربيه وش هالورطه : يا ربيه وش فيكم علي يعني ما افرح .. كل ما فرحت قالي واحد وش فيك .. وش عندك .. يااااااا اخي انا فرحان ابي الكل يروح ما ابي احد يقعد .. فهمت الحين ..
مشاري : اعوذ بالله كلتني ما صار سؤال .. يا اخي جاوب على قد السؤال ..
فواز : خلص طيب جاوبت وقضيت ..
مشاري : الا هاااااه وش صار على روحت البحرين ..
نجلاء شهقت ..
فواز : من ذا اللي شهق ..
مشاري : ذي نجلاء ..
فواز : يا الله جتنا سالفة العنود .. خلااااااااااااص مناب رايحين .. ارتاحي يا نجلاء ..
مشاري : على كيفك مناب رايحين .. هذا وانت صاجنا ..
فواز : لا حراااااام .. حرام نروح وهم لا ..
مشاري : ما شاء الله ومن متى ذا الطيبه .. اللي انا اعرفه ان النذاله تمشي في دمك ..
فواز : حرااااام عليك اصلا انا من يومي طيب ..
مشاري : اقول اخلص .. ترا بنروح يعني بنروح ..
فواز : منيب رايح انا .. رح انت لحالك ..
مشاري : عن المصاله .. لا تشمت العذال فينا ..
فواز : ومنهم ..
مشاري : مشعل وخالتي ونجلاء وبنت خالتي ..
فواز : يؤ يؤ يؤ .. كل ذولي يسمعونا .. كان قلت لي من اول اعدل اسلوبي .. .. هلا والله بابو هديل .. انت فيذا ..
مشعل : هلا فيك ..
فواز : هااااه وش اخبارك .. وش علومك ..
مشعل : الحمد لله بخير ..
فواز : اقول ورى ما تجي انت وياااااااااه تقعون معنا .. خلاص خالتكم وانقنعتوها .. امشو ..
مشاري : .. منيب جاي لين تقولي خلااااص بنروح للبحرين ..وبعدين مشعل بيروح عنده شغل وحنا نروح معه
فواز : ياااااااااااخي وش اقولك .... اوووووووووووف ... جواااااااااااااااااااااااااااازي ضايع. فهمت الحين ..
مشاري : هههههههههههههههههههههههه .. طيب يا اخي قل من الاول .. بس صدق وين راح تونا راجعين من دبي ..
فواز : والله ما ادري .. المهم ترا اذا ما جيتوا .. يا ويلكم .. ترانا نستناكم .. ومع السلامه فاتورتي بتطق ..
مشاري : مع السلامه ..
مشعل : طيب يله مشاري خلنا نروح .. حرااام من الصبح وهم ينتظرونا ..
مشاري : يله ..
نجلاء : لحظه .. لحظه .. رجعوني للبيـت ..
ريم : خير ان شاء الله .. ما فيه روحه ..
نجلاء : لا ما اقدر عندي شغل ..
مشاري : والله على ما اظن فيه سواق .. اذا بغيتي ترجعين دقي عليه .. يله مشعل ..
مشعل : هدول .. يله نروح للبيت ..
مشاري : الحين انا معيي على نجلاء .. تجي تقول يله يا هدول اوديك البيت ..
هديل : اصلا انا ما ابي اروح ..
مشعل : هههههههه .. تسمع هااه علمت بنتي طوالت اللسان .. (ويلتفت على هديل ) ليش منتيب اصلا رايحه ..
هديل : اسان انا بقاد مع اميمه نجلاء .. واميمه ريم .. وابي اسوف اميمه رنا ..
( عشان انا بقعد مع عميمه نجلاء .. وعميمه ريم .. وابي اشوف عميمه رنا ).
مشعل : الا صدق وين رنا ..
ريم : هاااااه .. رنا .. ايه .. رنا فووق ..
مشاري : طيب وليش مرتبكه ..
ريم : هههههههههه .. انا .. تتخيل ..
مشعل : اقول يله وبلا كثرة حكي .. وامش يله نروح ..
مشاري : طيب ..يله مع السلامه ..
نجلاء وريم : مع السلامه ..
وطلعوا مشعل ومشاري من هنا .. ونزلت رنا من هنا ..
رنا : السلاااااااام ..
نجلاء طمرت على طول وراحت لها ...
رنا : اهلييييييييين .. والله لك فقده ..
نجلاء : وانتي اكثر والله ..
رنا : والله وانا فوق جالسه اسمع حواركم .. واقول يارب تقعد ..
نجلاء : ههههههه .. طيب ليش ما نزلتي ..
رنا : هااااااه .. لا بس ابي اخوانك يا خذون راحتهم ..
وهنا جت هدول تركض ..
رنا : هلا هدول .. وش لونك ..
هديل : انا طيبه .
ريم : اقول نجلاء وش الشغل اللي عندك .. في بيت اهلك ..
نجلاء : اسمعي الحين انتم جوازاتكم معكم ..
ريم : ايه .. بس ليش ..
نجلاء : شوفي انا والعنود قررنا .. اننا ناخذ الجوازات معنا .. وبعدين هناك نحطهم .. امام الامر الواقع ..
ريم : لا تقولين لي ان جواز فواز اللي ضايع .. انتم ما خذينه .. حراااااااام عليكم ..
نجلاء : ايه ..
رنا : ليش يعني .. عشان البحرين ..
نجلاء : ايه
رنا : اهاااااااااااا ..
ريم : والله فله ...
نجلاء : شفتوا عشان كذا انا لازم ارووووووح للبيت عشان اخذ جواز سفر مشاري ..
ريم : ايه صح لا تاخذين جواز مشعل .. عشان ما ننكشف ..
رنا : ليش مشعل مهوب رايح ..
ريم : الا بس انا سمعت مشاري يقول لفواز .. ان مشعل بيروح للبحرين عنده شغل ... ولو خذت نجلاء الجواز حقه بننكشف ...
نجلاء : خلاص انا بدق على السواق يجي يا خذني انا وهديل وعشان ناخذ جواز مشاري .. وانتم لا تنسون جوازاتكم .. خلاااااص ... ايه صح ترا السفر يوم الخميس ..
ريم :قولي والله.. يعني بعد ثلاث ايام ...
فواز : اقووووووول شباب وش رايكم نروووووووح في باص ...
فيصل : ههههههههههههههههههههههه .. تخيل اشكالنا .. في بااااص .. ههههههههههههههههههه ..
مشاري : والله بتصير فله خلنا نروح بس ..
مشعل : هههههههههههههه .. لا بالله منتوب صاحين ..
فواز : كيفكم .. انا والله ما اروح الا في باص .. والله عنااااااااااااد ..
مشاري : وانا بعد .. بس انت اللي بتسوقه ...
فواز : لا والله انت اللي بتسوقه ..
فيصل :ههههههههههههههههههههه ..
مشعل : خلو العناد ينفعكم ..
فواز: تدري عاد يا مشعل انت اللي بتسوقه ..
مشعل : لا والله ..
مشاري : ايه .. يله عاد مشعل والله فله ..
فواز : ونشوف من .. من البنات .. بيروحون معنا ..
مشاري : يا اخي وش نبي بالبنات ..
فواز : اجل باص وش كبره .. ما فيه الا انا وياك ومشعل ..
مشعل : ههههههههههههههههههه .. ومن قالكم اني بسوق بكم ..
فيصل : ههههههههههههههههههههه .. لزقوك معهم ..
فواز : مشعل عاد عن المصاله..
مشاري : والله فله .. مشعل عاد ...
مشعل : وليش ما تسوقونه انتم ..
فواز : فاضين نسوق نبي نوسع صدورنا في الباص ..
مشعل : لا والله انتم توسعون صدوركم وانا اسوق .
مشاري : حرام عليك .. اخلص ..
مشعل : لااا..
فواز : يله عاد عن النذاله ..
مشعل : لاااا ..
فيصل : حرام عليك سق بهم ..
مشعل : والله وليش مهوب انت اللي تسوق ..
فيصل : والله عاد هم اطلبوك ما اطلبوني ..
مشعل : اسوق بهم بس بشرط ...
فواز ومشاري : وشوووووووووو ..
مشعل : ان فيصل يركب معنا ..
فيصل : لا .. لا .. اجل مهوب لازم تسوق بهم ..
مشعل : اجل خلاااا ص منيب سايق ..
فواز : فيييييييييييصل ..
فيصل : نعم ..
فواز : عن النذاله ..
فيصل: قلت لا ..
مشاري : وانت بعدين .. لازم فيصل .. حنا ما ننفع ..
مشعل : لا .. اذا فيصل ما ركب معنا .. ما رحت ..
مشاري : يا الله .. وبعدين ..
فواز : والله يا فيصل .. اقلب عليك نجلاء والعنود ..
فيصل : لا لا .. تكفى وش يفكنى من لسانهم ..
مشاري : اجل وااافق ..
فيصل : لااااااااااااااااااا..
مشعل تحمس : يــــله ..
فيصل : اوووه انت بعد ..
مشعل : والله تحمست .. تخيلت الجو ..
مشاري : يله .. عاد ..
فيصل : ............
فواز : السكوووووووووت علامة الرضاء ..
فيصل : لااااااااااااااا ..
مشاري : اوووهوووووووو ..
فواز : يله فيصل .. ما صارت روحه ..
فيصل : اروح بس بشروط ..
مشاري : اوووه شروط بعد مهوب شرط ..
فيصل : اولا .. ما اسوق ..
الكل : موافقين..
فيصل : ثانيا .. مهوب اذا رحنا هناك تقولون بنتمشى في الباص .. ترا هناك منيب راكب باص ..
فواز : اجل وش بتركب ..
فيصل : بشحن سيارتي ..
مشعل : كلنا نشحن سياراتنا والباص بس لطريق ..
خلااااااااااااااص ..
الكل : خلاااااااااااااص ..
يوم الاربعاء العصر
العنود: يـــــــــــلـــــــــه نجيل .. بسرعه ..
نجلاء : الحين انتي وش طايره عليه .. كلهاا سوق ..
العنود : يا بردي يا ناس .. اقولك بكره السفر .. وشنطتي ما بعد زينتها .. وباقي لي اغراض ما بعد شريتها ..
نجلاء : يله امشي بعد .. عشان ما نتاخر .. لاننا بنمر ريم ورنا يرحون معنا ..
العنود : استني خلي رغد تنزل ..
نجلاء : لا وانا نازله قالت لي مهيب رايحه ..
العنود : وتوك تحكين .. اذا قلت بارده لا تقولين لا .. يله ..
وفي السياره بعد ما خذو ريم ورنا ..
نجلاء : اقووول بنات سمعتوا اخر الاخبار ..
العنود : لاا .
ريم : وشي اخر الاخبار نورينا ..
نجلاء : بكره بنروووح كلنا في بااااص ..
رنا : نعم .. مهبل انتم ..
ريم : وش مهبل والله فله ..
العنود : لحظه .. لحظه .. خلونا نفهم الموضوع ..
نجلاء : كل ما في الموضوع ان مشاري وفواز مشعل وفيصل بيروحون في باااص ومشعل اللي بيسوق .. وقالوو اللي يبي يروح معنا من البنات حياها الله ..
ريم : هههههههههههههههههههههههههههههه .. تخيلت شكل مشعل وهو يسوق بااااااااااااااااااااص .. والله بيطلع شكله عبيط ..
العنود : والله انا بروح معهم .. والله فله ..
ريم : والله حتى انا بروح .. وانتي يا رنا ..
نجلاء : هييه .. هييه اصلا ما شاورتكم .. قلت لفيصل .. كل البنات بيروحون ..
(( يــــــــــــــــــــــــــــتبع ))
تحياتي : الرتاج
