[NOOR ELHOODA]

لا لا يغرك ليل شعري سواده............كم وردة زانت وهى بدون ريحة

الشيب ماهو شيب رأسة وعاده..........الشيب هو شيب القلوب الجريحه

المشكلة لا صار حبك زياده............أو صرت محتاجه لكفوف شحيحه

وشلون تصبر؟ وأن صبرت ..الشهاده............الستر للعشاق مثل الفضيحه

لي صاحب من يوم أقفى براده............عجزت أن أسأل عنه وجه الفسيحه

أضحك واجامل غيبته وابتعاده............وبداخلي مليون دمعه وصيحه

الهم قناديلى وحزنى وساده............وكن السهر ذباح صاد الذبيحه

وماكني إلا عقل فاقد رشاده............مثل الخطا يمشي دروب صحيحه

يا صاحبي دنياك نقص بزياده............اشرب من دلال التجارب نصيحه

ما كل من يسأل وتطاول مراده............لو طال كل عين غفت مستريحه

والوقت لو ما لان طاوع عناده............إما يريحك شوف والا تريحه

لا لا يغرك ليل شعري بسواده............الشيب هو شيب القلوب الجريحه