]
هـلا بكم جميعاً ..
في الحقيقه أسم المنتدى كان له الأثر الكبير
اللي خلاني أسجل فيه ..
عندي لكم هالقصيده .. وهي من كلماتي ..
وأسمها مثل ماهو مبين في العنوان ..
أتمنى تنال رضاكم ..
الله يقطع حظي اللي مايجيب إلا الجـراااح
والدليل بوسط قلبي طابع(ن)ختـم الجريـح
من ردات الحظ ليته ماتعنـاا واستـراااااح
لعنبو حظ(ن)يعنـي صاحبـه ثم(ن)يطيـح
إفرحي ياروح ونسي ماحصـل ولا ورااح
والنهايـه كالبدايـة مـاتـروح إلا ذبـيـح
الشعور اليوم متغيـر ويكسـوه إنشـرااح
والهوى شرقي نسيمـه للمشاعـر يستبيـح
يالغلا تدرين قلبي لو تكلـم كـان صـاااح
ما ألومه ولله إني لو مكانـه قمـت أصيـح
من يشوفك طال عمرك قال يسعد هالصباح
الله يسعد لـي صباحـك ياحنيٌـن يامليـح
ياتباشير الهناا وعـذب تفاصيـل المـلااااح
لو بغيت أوصف جمالك مايكفيـك المديـح
زهرة(ن)ربي حباها بالحلا والزيـن فـاح
ياهنيه مـن قطفهـا والشـذى منهـا يفيـح
قربها أعذب من شعورك بالفرح يوم النجااح
يالله إني طالبك في وصلها لو هـو شحيـح
يالغلا عندي طلب واحد وعنـدي إقتـرااح
لو يجي قلبك معـا قلبـي لعلـه يستريـح
وأعذريني يالغلا جيتك وطالبـك السمـاااح
مانويت أخلف بوعدي وأنا من طبعي صريح
السبب حظي ..وحظي عارفه لافز طـااح
الله يقطع حظـي اللـي مايفـز إلا يطيـح
شعر/ ألم وعشناه(محمد العمري)