الموضوع
:
$$$ معلومه يجب ان تعرفها امر Refresh ماذا يفعل خطأ كبير جدا لا يعلمه الكثير $$$
عرض مشاركة واحدة
22-12-2007, 02:03 AM
#
1
دينا احمد
نائبة الإدارة
الملف الشخصي:
تاريخ التسجيل: Nov 2005
رقم العضوية: 16799
المشاركات: 56,501
عدد المواضيع: 2821
عدد الردود: 53680
الجنس: انثي
مزاجي اليوم:
تقييم العضو:
$$$ معلومه يجب ان تعرفها امر Refresh ماذا يفعل خطأ كبير جدا لا يعلمه الكثير $$$
الموضوع يختص بأمر Refresh
الذي كلنا يتعامل معه في اليوم الواحد
اكثر من مليون مره ولا احد يعلم ماذا يفعل هذا الامر
او يعرف ولكن يعرف بطريقة خاطئه
لو سألت احد يقوم بعمل Refresh للديسك توب
او لاي مكان بالجهاز او لماذا تدوس على زر F5 هاتكون
الاجابه غربيه جدااا يقولك اصله بيفرفش الجهاز!!!! او
بينعنش الجهاز؟؟؟!!!! او يقولك دا بيفوق الجهاز؟
وكمان بيخليه يحمل بسرعة صح ؟ ولا انا غلطانه ؟
طبعا اجابات غريبة جدا لا تستند الى اى سند علمي او
هندسي او حتي منطقي اذن ماذا يفعل هذا الامر من الناحية
العلميه والهندسية والفعليه وحتى نعرف الاجابه ونفهم جيدا
يجب ان نعود الى الوراء قليلا نرجع حوالى 12سنه
نرجع لايام وندوز 95 لو حد فاكره او اشتغل عليه اصلا
ايام وندوز 95 مكانش فيه امر Refresh اللي احنا عارفينه
اصلا ودا كان بيعمل مشاكل معانا ومن الامثله على المشاكل دي
انك لو مثلا قمت بنسخ ملف من او الى الديسك توب
على سبيل المثال ممكن بعد عملية النسخ ماتشوفش
الملف يعني النسخ تم ومع ذلك الملف او الفولدر
مش امامك فيه ايه فين الملف وكانت الطريقه الوحيده
للتغلب على المشكله دي عشان الملف يظهر انك تقفل
الصفحه الليي انت فيها وتفتحها تاني ليـــه؟
لان اي صفحه بتتفتح بيتعمل لها عمليه Load
يعني تحميل واثناء عمليه الــ Load او التحميل
بيظهر من تاني كل مكونات الصفحة بما فيها الملف
او الفولدر اللي تم نسخه وماظهرش وبالتالي بيظهر امامنا
وهو ده كان الحل الوحيد للمشكله ايام وندوز95
وكان في نوع تاني من المشاكل انك مثلا تحط
اسطوانه في الدرايف ومايظهرش اسمها او تخرجها
وتلاقي اسمها لسه موجود طب نعمل ايه ؟
كنا بنضطر برضه لقفل الصفحه وفتحها من تاني
عشان تعمل عملية الــ LOAD لمحتوياتها فبالتالي
لو في اي تغيير في المحتويات سوف تظهر على الفور
وبعدين ظهر وندوز98 ومعاه نفس المشكله لكن
مايكروسوفت حلت المشكله مع الاصدار الثاني من
وندوز98 Windows 98 Second Edition
انها زودت امر Refresh في القوائم عشان المستخدم
اللي بيعاني من ان في ملفات اوعمليات بتتم ومابيظهرش
تأثيرها نعمل لها Refresh عشان تظهر وبمعني اوضح
ان امر Refresh بيعمل عملية Reload
اعادة تحميل يعني لمحتويات الصفحة
وهو ده مربط الفرس اظن اننا دلوقت قربنا نفهم وظيفة
امر Refresh الليي كلنا بيألف في تعرفها
المشكله الاكبر ان امر Refresh امر مش خفيف
لان عملية اعادة تحميل محتويات الصفحة مش عمليه
سهله ومع ذلك تلاحظ ان معظم الناس والجهاز مهنج
او بطئ عشان بيعمل حاجه او بيفتح برنامج او بيقتح لعبه
عمال يدوس Refresh Refresh طب ليه هو الجهاز
ناقص تقل وبعدين الامر ده موجه للمنطقه اللي انت بتعمل
ليها Refresh يعني مش هايعمل حاجه مع البرنامج
اللي مهنج الجهاز يعني مثلا واحد بيفتح الوورد والبرنامج
بيفتح بالعافية تلاقيه عمال يدوس Refresh على
الديسك توب طب مال الديسك توب ومال الـ Refresh
ومال برنامج الوورد يا عم الحج وبعدين هو الجهاز ناقص
تقل عشان تتقله اكتر بأمر اعادة تحميل محتويات الصفحة
مشكله كبيرة جدا وقعنا فيها بسبب
معدومي الخبرة
من مدعي
المعرفة بأمور الكمبيوتر والناس
مظلومه مش
فاهمه وكله مشي وراهم
الرجاء من كل من قرأ هذا الموضوع
ان ينشر المعلومه حتي تعم الفائده
[foq]م / الإميــــــــــــــــــــــل[/foq]
التوقيع:
دينا احمد
مشاهدة ملفه الشخصي
البحث عن كل مشاركات دينا احمد