[الرتاج]

الجزء الخامس والعشرون ...

-25-

فيصل اللي كان نايم .. وما قام .. ولا راح للدوام ... لان محد قومه .. او بالاحرا محد درا عنه ..
طقت رغد الباب .. بس مد رد عليهاااا .. وظلت تطق الباب .. بس ما فيه امل .... وهي عارفه ان نجلاء مهيب فيه .. عشان كذا فتحت الباب ودخلت .. اول مادخلت ست بنفضه في جسمهااا من البرد . الغرفه كانت مره بارده .. وظلام فضيييع .. لدرجه انهاا بغت تطيح .. جت بتشغل اللمبه بس خافت من فيصل .. قربت منه ..
رغد : فيصل .... فيصل ..
فيصل: يووه نجلاء خليني انااام ..
رغد : قووم انا رغد مو نجلاء..
فيصل يفتح عيووونه ولقى رغد في وجهه ...اووه رغد مو نجلاء .. هذي رغد يا فيصل هذي رغد .. نجلاء اللي خذت عقلك انسااهااا .. او تناساهاااااا ..او انسى حبك لهااا لانهاا ما تستاااهل...
رغد : هييييييه يالحبيب وين وصلت ..
فيصل : وش تبين مقومتني من صباح الله ..
رغد : وييييين صباح معه ...قووم السااعه 12 ونص..
فيصل يقووم جالس: لا عااد مهوووب وقت مزح ..
رغد : والله .. قووم يله ..
فيصل : اعووذ بالله .. وانا وش منومني لين هالوقت ...
رغد : لان امي في بالهااا ان نجلاء فيه ...وفي بالهاا انك قمت من النوم ..
فيصل وهو يستوعب ان رغد هي اللي مقومته : ايه صح وانتي وشلون دخلتي ..
رغد : طقيت الباااب ومحد رد علي...وبعدين تذكرت ان العنود امس راحت لنجلاء..فا عشاان كذا دخلت ..
فيصل : آآه ..ومن اللي تحت ..
رغد : ما فيه احد بس امي وفواز ..
فيصل : ايه صح ...فواز ..قال لامي اننا امس حللنااه ...
رغد : ايه .. قال لنا ان صاار معاه فقر دم ... بس امي ما صدقته ...تقوول فقر الدم ما يسووي بوجهك كذاا ..
فيصل : ليه وش فيه وجهه ..
رغد : ما ادري .. بس وجهه اصفر ...واللي تحت عيونه اسود ...وذبلان ..ولا ياكل ولا شي ..
فيصل : ههههههههههههه . الله الله .. كل هذا لاحظته ام فهد .. والله مهيب سهله ...وبعدين ذا كله عوارض لفقر الدم ...
رغد : المهم قلي انت بتطلع الحيين .. بترووح لشي ..
فيصل : ايه ليش تساليييين ...؟؟
رغد : لا بس ابي ارووح لنوف ...وابيك توديني ..
فيصل : خلااص طيب روحي البسي .....
رغد : طيب .. بس يله قم غسل وجهك ومشط هالكشه ..
فيصل وهو يمسك شعره بيده : ههههههههههههه من طووله الحييين ....
رغد : هههههههههه طيب يله قم ...بسرعه
فيصل : اعوذ بالله . صجيتيني ....طيب . طيب .. بس انتي اطلعي ...
رغد : الا صدق ....ليش اشناطكم حقت الشرقيه هنااا
فيصل : وشلوون يعني هنااا ..
رغد : اقصد ليش يعني ما فضيتوهااا .. او بعدتوهاا عن الطريق ....
فيصل : اقووول فارقي هنااااك ...احسب عندك سالفه ...
رغد : طيب ..طيب لا تعصب ..
وطلعت وتركت فيصل بعد ما حسسته بفقدانه لنجلاء..يوووووووووه اقووول اغسل اصرف لي...
وغسل وصلى الظهر وغير ملابسه ...وجلس يدور سجاير في جيب ثوووبه لحد ما لقى وحده ..
فيصل : اووف ما فيه الا وحده .. عسااني اذكر اشتري قبل ما ارووح اشووف المباراة في بيت عمي ..







نجلاء : يمه فيصل مشغول ..
ام راشد : عاد اتصلي عليه .. شوفي يمكن خلص شغل..
نجلاء : جوالي فووق ..
ريم تهمس لنجلاء : قومي دقي عليه .. بلا اعذار ..ترا اخوانك بيلاحظون ..
نجلاء : منيب داقه .. اصلا وش ادق اقوله ...
ام راشد تقطع كلامهم .. : يله قومي دقي قبل ما يجي ابووك ...
مشاري : اصلا فيصل بيجي في الليل عشاان نشووف المباراة سوا ...
ام راشد : طيب معليش يجي الحين .. ويقعد للمباراة ...يله قومي دقي عليه ..
نجلاء : يمه جوالي فوق . والله متعيجزه ارقى ..
مشاري : مهوب عذر .. خذي جوالي..
نجلاء اووووف الله يقطع ابليسك يا شيخ ........وخذت الجوال منه ..
ودقت عليه ..
فيصل: يا هلا والله وغلا بمشاري .. اخبارك يا شيخ ..وينك ما تنشاف ..
نجلاء وهي مرتبكه ..وحاقده على مشاري اللي حاطهاا في هالموقف : انا..نجلاء..
فيصل بضيق : نجلاء ..
نجلاء بتوتر واضح : ايه نجلاء..
فيصل اضغط على نفسك .. لا تخلي حقدك ينسيك الخطه اللي رسمتهااا ...ابداء الخطه من الحين .. لا تخلي أي شي يوقف في طريقك ...
فيصل : هلا نجلاء ...اخبارك ..
نجلاء والله حركات وتسال بعد وشلوووووووني..: انا طيب ...اقول فيصل. تقوول امي تعال للغداء(وقامت وطلعت من الصاله ) لحظه ......لا تصدق نفسك ...انا بس اقوول كذاا عشااان عند اهلي .. لا تجي
فيصل حس بالاهاااااانه ..بس مستحيل يستسلم :لا انا بجي....بجي لبيت عمي .. وعيال عمي ...وبيت زوجتي اللي للاسف تغيرت ... وانا ما ادري ليش ..او وش السبب ..
نجلاء : يعني انت ما تدري ليش ..
فيصل الا ادري ..والله ادري . وانا وش معذبني الا اني ادري ..ادري عنه .. عن ذاك اللي حبيتيه .. وكلمتيه من ورااااي .. بس والله ما اسكت لك ..وعقاابك وتوبتك على يدي بتكون ..
فيصل : ليش يا نجلاء ...ليش ...انا وش قصرت معك..فيه ..
نجلاء: انت ابد ما قصرت في شي .. ابدا ابدا ..
فيصل وهو وده يذبحهاا: تتهزين يا نجلاء .. ترا مو كذا تنحل الامووور ابدا (ويقلدها )ابدا ابدا ..
نجلاء : ..............
فيصل : يعني خلينا نتفاهم .. خلينا نتكلم ...
نجلاء : عن ايش نتكلم ..
فيصل بخبث : عن السبب اللي خلاك تتطلعين ..
نجلاء ارتبكت موو عارفه وش تقووووول : اطلع .. هاااه ..لاا بس .. كذا ما فيه سبب ..
فيصل بخبث اكثر: معقوله وحده عاقله فاهمه ..بتطلع من بيت زوجهاا بدون سبب ..
نجلاء يا ربيه وش اقووول .. وش اقووول ..
فيصل : وش فيك .. ليش ساكته تكلمي ...
فيصل لحظه بعد لحظه ودقيقه بعد دقيقه يتاكد ان نجلاء لها سببها انهاا تركته .. وها السبب وهونفس السبب اللي هو يعرفه .. ان نجلااء من الاساااس مغصوووبه عليه ... وانهاا تحب غييييره .. ببس والله والله يا نجلاء ما تتهنين لحظه معااااااه .. ونشوووف ..
فيصل وهو بداء بتنفيذ خطته : طيب انتي تقوولين مافيه سبب صح ..
نجلاء لا لا لا فييه سبب .. فيييييه ... بس انا ماراح اقوولك عنه ... مستحيييييييل : ايه صح مافيه سبب..
فيصل : اجل ارجعي معي اليووم ..
نجلاء : نعم ..
فيصل وهي يبتسم بخبث : اقووول ارجعي معي..
نجلاء مستغربه وفي نفس الوقت ضايعه ما تدري وش تقووول : ارجع معك ...؟؟؟
فيصل : ايه ترجعين معي يا نجلاء ..
نجلاء : لا يا فيصل ..
فيصل : ليش لا .. ليش .. انتي تفكرين وش ممكن يقول ابووي وعمي وامي وامك .. واخوانك واخوني... والنااس ..
نجلاء: يعني انت كل همك الناااس ..
فيصل : لا ... يا نجلاء .. مافيه احد يهمني قدك .. انتي وبس ...
نجلاء: انا ...
فيصل : ايه انتي ... زوجتي.. انتي اللي كنتي ماليه حياتي .. والله احس نفسي ضايع بدونك .. والله
نجلاء يعني تبيني اصدق ... ايه روح روح بس لحبيبة قلبك ..
نجلاء : فيصل ما اقدر .. والله ما اقدر..
فيصل : يعني انتي تصديني ..
نجلاء: على الاقل عطني مهله افكر..
فيصل : طيب ..
نجلاء وكانت تتردد في بالهاا جمله وده ..(كان يقول يا قلبي والله لزقة فيني ابي ابعدهااا موو قاادر ) وظلت الجمله تتكر في بالهااا لحد ما صرخة نجلاااء.: لااااااااااا ..
فيصل وهو منصدم ما يدر لااا على اييييييش ..: وشووو .. لا على اييييش..
نجلاء: هااااه .. لا بس انت صدق تبيني ارجع ..
فيصل : اكيد صدق يعني وش بيحدني اكذب عليك ...
هنا جا مشاااري : ماااء الله عليك .. ما اشاااااااء الله
نجلاااء ارتاعت وشهقت ...
فيصل سمع شهقت نجلااء : وش فييييك ..
مشاري وهو يسحب الجوال من نجلاء.. : عطيتك وجه انتي ورجلك .. فاتورتي بتطق والسبه انتي واياااااه ..
نجلاء : اعصاابك يا اخي..
مشاري يرفع الجوال..
فيصل : حبيبتي نجلاء .. وينك .. وش فيك ...
مشاري : ههههههههههههه . حبك برص وانت وايااهااااا ..
فيصل : ههههههههههههههههه .. اوه مشااري .. اهليييين وسهلييييين اخبارك ..
مشاري : لا اهلييييييين ولا سهلييييييين .. ما تقوولي انت واياها وش ذا البربره ..
فيصل : الا صدق وش في نجلاء شهقت ..
مشاري: ههههههههههه عشاني روعتهااااا ..
فيصل : مالت عليييييييك .. وليش روعتهااا ..
مشاري: مدري عنهاا طاقتلي سوالف ...وفاتورتي بتطق.
فيصل : الحين مروع حرمتي عشاان فاتوره .. يا اخي اسددها انا ... بس ما تسووو روعه حرمتي..
مشااااري وهو يتنهد ويصرخ : ابي احب يا نااااس ... ما اقدر انا على المشاعر الرقيقه ..
فيصل : ههههههههههههههه والله منتاب صاحي..
مشاري : هااااه بتجي للغداء او لااا..
فيصل : اكيييييد بجي.. وذي فيهاا كلام ..
مشاري يلتفت على نجلاء: ايووه من قدك رجلك بيجي للغداء.. يله رووحي تكشخي وتزيني له ..
نجلاء: منيب متزينه ..
مشاري: وليه ان شااء الله ..
نجلاء: لاني حلوه بدوون ما تزين ..
مشاري: اقووول فارقي هناااااك .. لا ارجفك .. يله فارقي
نجلاء : طيب .. طيب بدون ما تتطول لسانك ..
مشاري يرجع يكلم فيصل : وانت بعد عطيتك وجه ..
فيصل: يعني وش ذي .. وش افهم منهااا .. يعني مع السلامه ..
مشاري: هههههههههههههههه .. طول عمرك ذكي..
فيصل : يبي لهاا ذكاء يعني .. يله مع السلامه .. مسافة الطريق وانا عندكم ..
مشاري: الله يحيك .. مع السلامه .
وسكر فيصل التليفون ..
آآآآه يا نجلاء...ليش ليش انا وش سويت لك عشاان تسووين فيني كذا ..عمري مابخلت عليك بشي .. كل اللي عندي عطيتك اياه ..كنت لو تبين حياتي ما ابخل عليك بها ..كتب بروحي افديك ...بس الحين بعد خيانتك لي يا نجلاء ..والله والله لاخليك تبكين بدال الدموع دم ...انتي زي ما صدمتني خيانتك بصدمك بعذابي لك ...والله لاذلك مثل ماذليت نفسي لك وانا اترجاك قبل شووي عشان ترجعين ...حسافه عليك كل لحظه عشتها معاك ...من اليوم ببداء بتنفيذ الخطه ..وان ما خليتك تنسين حبيب القلب ما اكون فيصل يا نجلاء..
وقطع عليه تفكيره احد يطق الباب عليه ..
فيصل : ادخل ..
رغد : وينك ..يالله بسرعه ...
فيصل : هالله هذانا نازل ..
ونزلوا رغد وفيصل ...ودخلوا الصاله كان فيه ام فهد والهنوف وفواز ..
فيصل : السلام عليكم ..
الكل : وعليكم السلام ..
ام فهد : وينك يا وليدي وراك نايم لي هالحزه ..
فيصل : راحت علي نومه ..وما احد قومني ..
الهنوف بسخريه : ونجلاء هذا وقت ترووح فيه لبيت اهلهااااا ..
فواز اللي انقهر : وليش واذا راحت بيت اهلها وش بيصير يعني ..
الهنوف : لا بس ما عندها احساس بالمسؤوليه ..
فيصل وهو فاهم حركاتها : ههههههههههههه .. لا انتي شكلك ما تعرفين للرومانسه .انا اللي قلت لها ترووح ..عشان نشتاق لبعض ...
الهنوف اللي انقهرت ما عرفت وشلون ترد ...
فواز وهو بعد يبي يقهر الهنوف صرخ وصفر : ايووه يا ولد ورمانسيه بعد ..لا والله حركااااااااااات ..ههههههههههههههههههه
فيصل : شفت تعلم انت بس ..
ام فهد : الله يوفقكم يا وليدي ...والله بعد ان نجلاء لها فقده ...
فواز : هوو يمه امداها البنت توها امس رايحه ..
فيصل : هههههههههههههههههههه ..اووف اووووف بدت الغيره ..
فواز : وش نسووي خلصنا منك ...جت حرمتك ...
ام فهد : الا اقوول يا فيصل صدق فواز راح وحلل..
فيصل وهو يتذكر كلام رغد : ايه يمه راح وحلل ..
فواز : هههههههههههههه يمه كم مره تسالين ..
ام فهد : انت متاكد انه بس فقر دم ...
فيصل : يمه تفاءلوا بالخير تجدوه ..
ام فهد : بس يا وليدي شووف وجهه وشلون صاير ..والله منقلب ..شوووف تحت عيوونه وش لونه ..
فيصل : ايه يمه هذا من قل الاكل ...
فواز : صرت انا مشكلة الشرق الاوسط ..خلاااص ما صااار الا الخييير ..
ام فهد : طيب قم كل لك شي ..من الصبح وانت على لحم بطنك ..
فواز : طيب يمه ما اشتهي اكل ..
فيصل وهو معصب : فواز بزر انت .. يعني ما تعرف مصلتك ..وحتى لوو ما تشتهي ..اغصب نفسك ..صحتك هذي يالله قدامي قم كل لك شي .
فواز : يعني صرت ابووي وانا ما ادري ..
فيصل : لا منيب ابووك بس انا اخووك اللي يحبك ويبي مصلحتك .
فواز قام وحب راس فيصل : الله يخليك يا رب
فيصل : ههههههههههه الله يقطع ابليسك كبرتني ليش تحب راسي ..
فواز : مالت عليك هذا جزاي يعني قلت اخووي وبحترمه ..
فيصل : الحين قل لي انت اكلت الدواء او لا..
فواز يحك راسه ...
فيصل : يعني لا ...
فواز : نسيت ..
فيصل : يا فواز والله منتاب بزر.
فواز : خلاص طيب والله بقوم اكله ...(ويلتفت) وين الهنوف ...
فيصل : هههههههههههههههه ...يعني ما حسيت بهاا يوم قامت ...
فواز : لا...
فيصل : الا اقوووول يا ام فهد ...ورا ما ترووحين معي لبيت عمي ...
ام فهد : وش يوديني ...
فيصل : روحي معي سيري عليهم .
ام فهد : لاا وابووك .لا..لا..
فيصل : وابووي يروح معناااا ...
ام فهد : هووو ونطب على النااااس كذا ...لا احم ولا دستور...
فواز : وانت على أي اساااس تعزم بيتك هووو ..
فيصل : والله عاد بيت عمي وانا متاكد انهم بيفرحون اذا رحتوا..عشان كذا انا اعزم ...
ام فهد : والله مهيب شينه ...بس مهوب اليوم ...اووفي الليل ..
فواز :ههههههههههههههههههههههههههه ..لا...لا...يمه ما انصحك في الليل ..ههههههههههههههههه ..
ام فهد : وليش ...
فواز : اليوم مبارة الهلال على النهاااائي ....والعنود في بيت عمي ..ومدري بعد يمكن نجلاء مثلهاااااا ...يعني قمت الازعاااااج ..واكيد ريم الخبلا مثلهم بعد .
فيصل : هههههههههههههههههههههههههههه ..حلوه ..
رغد وهي طالعه من المطبخ :فيصل...وبعدين يالله ..
فيصل : اعصاابك يالله يالله ..
وطلعوا فيصل ورغد ...







ريم وهي واقفه عند الدرج ...وتصرخ:نجيييييل .نجيييييل ...
نجلاء بعد مانزلت: نعم ...نعم ...
ريم : فيصل جااا ...
نجلاء : قووولي والله ...
ريم : والله ..
نجلاء ببرود : وش اسووي له يعني ...
ريم : مهيب هذي لهتفك يووم قلت لك جا فيصل ..
نجلاء : وش تبيني اسوووي .يعني اروح ادخل وارقص واصرخ واقوول يا ناس فيصل جا ..فيصل جاا ..
مشاري اللي جا لهم وهو ميت ضحك :الله الله وبتصرخييين وبترقصين عشانه جااااء...
ريم : هههههههههههههههههههههههههه .
نجلاء : ايه اضحكوا انت واياهااا ..
مشاري : انتي هنا وهو هناك يبيك ...
ريم : ههههههههههههههههه...روحي روحي ..له ...روحي ..
نجلاء وهي تناظر ملابسهاااا : كذا ..
مشاري : ههههههههههههههههههههههههه ..هماك حلوه بدون تتزينين ..
نجلاء : لا حتى ولوما يصلح اروح كذا ...
ريم : طيب يله تعالي فوووق ...
وراحوا ريم ونجلاء فوق وغيرت نجلاء وبعدهاا جلست جنب ريم على السرير ...
ريم : ليش ما نزلتي ..
نجلاء : وانتي يعني مصدقه اني بنزل ..
ريم : وليش ما تنزلين ..
نجلاء : انتي اكثر وحده تعرفييييييييين اللي بيني وبين فيصل ...يعني ما يحتاج تحرجيني عند اهلي ...
ريم : شكرا يا نجلاء ...شكرا يا اختي اللي احبهاا وتهمني مصلحتهااا ...
وجت بتطلع بس نجلاء مسكتها ..
نجلاء : وين بتروحين ...
ريم:نجلاء اتركيني ...
نجلاء : لا ماراح اتركك ....وانا عارفه لانك تحبيني تسوووين كذا ...بس انا مكتومه وفيني عذاب وقهر وهم ...مو معقوووله اني برجع له كذا بسهوووله ...يعني هوو يخووني وانا ارجع له من اول ما يناديني لا يا ريم .. انا كبرياااائي يمنعني اني انزل نفسي ...يكفي مذله ..ويكفي اهانه ...تكفين خليني ...تكفين خليني ...يكفي عذاب (وصاحت) انا من تزوجته وانا مهمومه ..حتى ضحكتي مو من قلبي...اليووم وامس بس حسيت اني جد جد اقدر اضحك وافرح ...احس اني حره صدق مو مسجوونه ....يعني امس لمى اجتمعناا ..حسيت اني رجعت بنت ...رجعت نجلاااء البنت اللي على نياتهاا اللي كل حياتهاا ضحك وفرح ...اللي ما تعرف الزعل وما تعرف الحقد اللي قلبها ابيض ...اللي الناس عندها كلهم طيبين ....اخر شي تفكر فيه تنتقم ....او تحقد ...شفتي هذا كله صاار العكس من بعد ما تزوجت فيصل .... من تزوجته عرفت الذل والعذاب عرفت معنا اذا قالوا فلاانه زوجهاا خانهاا ..او فلانه زوجهاا تزوج عليهاااا ..اعفيني يا ريم ...اعفيني ..فيني تعب فوق التعب ...وفيني عذاب فوق العذاب ....كل الفرح مات عندي ...واليوم رجع ...(وتناظر الغرفه بعيونهاا) رجع من دخلت هالغرفه وشفت كل ايامي الحلوه اللي قضيتها فيهاااا ليش البنت مجبووره تترك اهلهاااا وتروح تعيش مع شخص اخر همه مشااعرهااا كل همه انه هوو فرحان هوو مبسوط هوو مرتااح ...كل البنات كذا ...مو بس انا ..لازم العذاااب ..لازم المذله ....
ريم : لا يا نجلاء ...لا تجمعين فيه ناس طيبين ...شووفي خوانك ..اخواني ..
نجلاء : آآآآآه.. يا اخواني ..يا ليت كل الناس مثلهم ..والله حنيت الدنيا فيهم ...انا من دونهم ولا شي ..هم فرحي ودنيتي وحياتي ...بس بعد يظلوون رجاجيل ...فرحتهم فووق كل شي ....بس تدرين ..هذي سنة الحيااة...ولازم يكون فيه قووي وضعيف ...وفي هالدنيا حكم القووي على الضعيف ..حنا غصب نكوون ضعااااف ..اصلا البنت عيب تتكلم وتقووول والله انا ما ابي زووووجي ...اوووووووووه مصيبه تقووم الدنيا وما تقعد ....لانهاا بنت سعوديه خليجيه شرقيه عربيه ...المفروووض تضل ساكته وتظل كاتمه اهم شي الرجل يكوون فرحان ومرتاح ...بس حنا عاادي نتعذب وعادي نصيح ..وعادي وعادي وعادي ...
ريم وهي تمسح دموع نجلاء: يا الله يا نجووول ...يله ..قومي غسلي وجهك ..
هنا دق جوال ريم ..
ريم : الوووو ..
مشعل : يا هلا والله
ريم : هلا بك ..
مشعل : وين نجلاء ..
ريم : هنااا ..
مشعل : قوولي لها تنزل ...ترا رجلها ادوشنااا ...
ريم يا ربيه وش اقووله : انا مالي دخل انت كلمهااا ...(وتصرخ ) نجلاااء ....نجلااء ..
نجلاء : نعم ..نعم ..اسمع ..اسمممممممع...
ريم وهي تمد لها الجوال : خذي ...مشعل يبيك ..
نجلاء تناظر ريم بنظرات يعني ليش ...بس خذت الجوال ..
نجلاء: هلااا ...
مشعل : يا هلاااا ...وينك ...
نجلاء : هنا في غرفتي ويني يعني ...
مشعل : تنكتين يعني ..
نجلاء : لا احاول ..
مشعل : طيب يله انزلي ..
نجلاء : طيب انا جايه ..
وسكرت الجوال ..
وناظرت ريم ...: ريم ...باين اني صايحه صح ..
ريم : صح ...
نجلاء وهي تفتح شنطتها وتطلع النظاره الشمسيه ...وتلبسهاا: يله طيب..
نزلوا تحت .. وكانوا العنود ورنا في الصاله .. ريم راحت وجلست معهم .. ونجلاء دخلت للمجلس ..
نجلاء وقلبهاا يدق بسرعه غير طبيعيه : السلام ..
فيصل يوم دخلت وقف .. وظل يناظر فيها .. حن لها ولضحكتهاا .. بس بسرعه بعد الاحساااس عنه .. وقال فيصل انت هناا عشاان تنفذ خطتك ..
فيصل : يا هلا والله وغلا..
نجلاء يا ربيه بدينا من الحين .. ذا ما يعرف اني استحي..
نجلاء: هلا بك ..
مشاري: احم احم احم احم .. نحن هنا ..
فيصل : ادري انت هنااا .. يعني ما اشووف انا ..
نجلاءهي تمشي بتجلس جنب مشاري...
مشاري: لا يا حبيبتي ما ابيك تجلسين جنبي..
نجلاء تناظره وودها تذبحه ..
فيصل : خلك منه وتعالي جنبي..
نجلاء وجهها جميع الالوان .. ودها تذبحهم كلهم .. وتطلع وتخليهم .. راحت وجلست عند فيصل .. بس كانت تبي بعد عنه ..
مشعل : هههههههههههههههه نجيل افصخي النظاره ..
فيصل وهو عارف السبب اللي هي لابسه النظاره لانه عارف انها لابستهاا عشاان تخفي اثاار الصياح : لا لا تفصخهااااا كذا حلوه ..
مشاري : يا ناااس والله حنا هنااااااااااااااااا ...
فيصل : والله ندري انت هنا .. والله ندري..
نجلاء اللي وقفت ..
فيصل: وين ..
نجلاء: بروح عند البنات .
فيصل وهو يناظرهاا وعارف انها تبي تنحاش منه .. : البنات لاحقه عليهم ..
نجلاء ما فيه سبب يخليها تطلع .. بس هي ما تقدر تحس انها دايخه
مشعل : اقعدي ..وخلي عنك التغلي ...
رضخت نجلاء للامر الواقع ورجعت وجلست جنب فيصل ..ورجعوا فيصل ومشعل ومشاري لحركاتهم ونجلاء منهبله ودها تطلع ملت من سوالفهم...
ودخل عليهم ابو راشد وقاموا يسلمون عليه ..
فيصل:هلا والله عمي.. وشلونك بشرني عن صحتك ..
ابو راشد:الحمد لله ..انت وشلونك والوالد وشلونه..
فيصل:الحمد لله كلنا طيبين..
مشعل:الاصدق يافيصل فواز وشلونه الحين...
فيصل: الحمد لله ..حلل امس..
مشاري:ايوه...والنتيجه..
فيصل وهو يبتسم:فقر دم..
مشاري وده يصدق:قل والله..
فيصل:والله..
مشعل: على البركه ..والله خوفنا عليه..
نجلاء اللي ميته فرح وقامت بسرعه..
فيصل: وين؟؟
نجلاء:بروح اقول للعنود..
فيصل كان وده نجلاء تجلس معه ..بس بعد هو يعرف غلات فواز عند العنود...وسكت ماقال شي عشان تروح...



طلعت نجلاء وراحت للصاله لقت البنات كلهم هناك ومعهم ام راشد وعبير..
نجلاء: العنود ..عندي لك بشاره ..
العنود: قولي ..
نجلاء:فواز..
ريم وقف قلبها ودها تقول لها تكلمي بس المشكله هي مالها دخل..
العنود تصرخ: وش فيه تكلمي ..
نجلاء : فواز حلل.. وطلع معه فقر دم بس..
العنود: قولي والله ..
نجلاء: قسم بالله..
ريم :يعني هو طيب ..مافيه شي..
نجلاء:هههههههههه..ايه..
رنا اللي تناظر ريم ..والله ياريم شكلك تحبينه ..وش ذا الخوف..
نجلاء :العنود..
العنود: هلا..
نجلاء: اليوم مباراة الهلال صح..
العنود: اكيد صح ..اليوم المباراة الهلال والشباب على النهائي...
نجلاء: اوووووف الله يعينا عليكم اجل..
ريم : هيه..هيه..هيه..ذا الهلال..
مشعل من عند الباب يتنحنح ..
نجلاء:ادخل خلاص تغطوا..
مشعل :انا بروح اجيب خالتي ..احد بيجي معي ..
هدوول طمرت: انـــــا...
مشعل : اكيد انتي ..
ريم : وانا بعد بروح..
نجلاء: خلاص رح انت وهدووله وريم..
مشعل: يله اجل ..
وراحوا ريم وهدووله ..مع مشعل عشان يجيبون ام عبير..











في بيت ام محمد (بيت نوف)..
كانوا جالسين نوف ورغد وساره صديقة نوف (طبعا غنيه عن التعريف)..
نوف: اقول رغد..
رغد: هلا..
نوف :وين العنود ليش ماجت معك..
رغد: العنود راحت عند نجلاء في بيت اهلها..
ساره : ليش نجلاء في بيت اهلها ..تعبانه..
رغد: لامهيب تعبانه بس من امس الصبح وهي في بيت اهلها ..
نوف تشهق:طلعت يعني..
رغد:لامنتيب صاحيه وش تطلع ..لابس رايحه تغير جو..او على قولت فيصل حركات رومانسيه..
ساره والله فرصه : اهــــــــا..
نوف: الصراحه..نجلاء هذي انا مااطيقها ..
رغد: والله انا ماكنت احبها ..بس الحين ..غير يعني عرفتها..
ساره:وشلون يعني عرفتيها ..
رغد:يعني يوم سافرنا مع بعض عرفت ان نجلاء طيبه وحبوبه..
نوف: اما حبوبه ..من تحت التحت هي..قدامك بس كذا ..
رغد:بس هي فيها غرور ..
ساره: انا ما اعرفها ..بس ما احس انها تستاهل اخوك..
رغد: والله ماجمع الاوفق..كلهم نفس الطينه..
ساره: لحظه بنات ..شوي بس بكلم..
ودخلت عشان تكلم..
ساره: ياهلا والله..
طارق:اهلين ياقلبي ..اخبارك..
ساره: انا تمام ..بس جايبه لك اخبار..
طارق: يله ورينا اخبارك..
ساره : نجلاء ..زوجة فيصل..
طارق : ايه وش فيها ..
ساره : صار لها يومين في بيت اهلها ..
طارق: يومين ايش يعني طالعه او ايش..
ساره: لا اخت فيصل تقول انها رايحه كذا يعني تغير جوا..
طارق:مافيه شي اسمه تغيرجوا..اكيد انها طالعه..
ساره:ما ادري..والله..
طارق : انا اقول طالعه ..
ساره: بس انت لاتخاطر ..يعني لاتقول له ..ان زوجتك طلعت ..
طارق: اكــــــيد ياقلبي ..انا اليوم بكلم عليه ..وبقول له قنبله اخليه يصدق ..بس عندي طلب ..
ساره: وشو...
طارق :ابي صوره لنجلاء..
ساره:غالي والطلب رخيص ..بس مااتوقع اني بقدر اجيبها بسرعه ..
طارق: ليــــش..
ساره :يعني مهوب سهوله بقدر اجيب الصور..
طارق : اوكي..






الساعه6 ونص في بيت ابوراشد ...كانوا البنات جالسين في الصاله ...وريم والعنود ...طبعا مقومين الدنيا ..لان الرياضيه مو راضيه تشتغل ....وهم يبون يشوفون المباراة بين الهلال والشباب ..وكل وحده منهم تتفلسف على الثانيه ...ورنا ونجلاء جالسين بعيد عن التلفزيون ويسولفون ..لان الكوره مو من اهتمامتهم ...
نجلاء : الحين انتم وش شاق بكم ...يعني بنات ويشوفون كوره مايركب الصراحه ...حطوا lbc او هي ..او فاشن تي في ...شووفووا عرض ازياء او شي ... مو مباراة ..
ريم : وليش البنات ما يشوفون كوره ..
العنود : وااااااي يكفي بس محمد بن فيصل ..جالس ..هو لحاله شي ثااني ..
نجلاء : الحمد لله مهبل ...الله يشفيكم ..
رنا : انا اذا فيه جمهور بتحمس ...
ريم : هيييه ..حبيبتي .. هذا الهلال ..زعـــــيــــــم آســـــــيــــــا تبين تجي مباراة ونهائيه بعد ولا يجي جمهور ...استاد الملك فهد يكفي 75 الف اتوقع اللي بس جايين للهلال 50 الف ..ياااااااا هووووه هلال هذا ...
العنود : طيب يله زينيه ...والله ابي اشوووف التحليل قبل المباراة ..
نجلاء : طيب انتي يا الخبلا خلي مشاري يجي يزينه ...بس جالسه انتي تتفنين ...قومي ناديه وهو بيجي يزينه ...
وقامت ريم تنادي مشاري ..والتفتت تسال نجلاء
ريم : هيييه ..رجلك فييييه ..والا راح ...
نجلاء : اتوقع راح ..الا الظاهر راح ..
راحت ريم عند الشباب اللي هم برا في الملحق ..وطبعا كانوا مشاري ومشعل وفواز ..وفيصل طلع شووي بيجيب له بكت سجاير وبيجي ....
وطبعا هي جايه بكل سرعه وما فكره وتسمع او تشوووف مين فيه ....والشباب كانوا مطولين على التلفزيووون .....
ريم اللي دخلت ووقفت في نص الملحق وظلت تناظر مشاري ..وما انتبهت لفواز ..
ريم تصرخ : الحين انت واياه ...ما تقولون لي ليش الانانيه ...جالسين تشووفوون وحنا القناة ما تطلع عندنا ...
والتفتت بس المشكله انهاا شاافت فواز وشهقت ..
ومشاري مستغرب ذي وشلووون دخلت ....ومشعل ما يدري وش السالفه ...
فواز طبعا اللي فرحان ومن قده شاااف ريم ...بس ما بين انه فرحان او شي ....
ريم طلعت ...ولحقها مشاري ..
مشاري : هههههههههههههههههههههه ..ياالخبلا انتي تدخلين كذا ...لا احم ولا دستور ...
ريم : الحين انت بدال ما تهاوشني جالس تضحك ...
مشاري : وليش اهاوشك ...انا ادري انك داخله بالغلط ....ومو قصدك ....عشان كذا انا ما عصبت ...
ريم : طيب يله تعال زين لنا القناة ...
مشاري : طيب يله ...



الساعه 8 .. طبعا المباراة صار لها ربع ساعه باديه ....
عند البنات ريم والعنود ..جالسين قدام التلفزيوون ..وكل وحده معهااا ببسيه في يدهاااا ...ووراهم عبير وولدها عبودي ..ومتحمسين طبعااا ...وعبير كان معهاا حب تاكل ....ورنا يعني بدت تحمس وقربت عند عبير ..ونجلاء تناظرهم من بعيد ....وما همها شي ......
نجلاء : يا ناااس والله ملل ..غيروا القناة ..
ريم: الحين انتي ورا ماتسكتين ... شووفي يالبى قلبه نواف التميااط .. يهبل ..
العنود : وااااااااي بس شووفي سامي ...يا نااااس ما اقدر انا ترا ...
عبير: اووووووه اوووووووه شوووفوا حرام ضاعت كانت هذي المفرووض هدف ...
رنا : يا عمري على الجمهور ....مساكين حر والله عليهم ...
نجلاء : مالت عليكم ..انا وش اجلس اسوي ؟؟..
العنود : نجيل اسكتي خلينا نشوووف ...
نجلاء : اوووف طيب ...




عند الشباب اللي طبعا حالهم مهوب اقل من البنات وكانوا كلهم جالسين قريب من التلفزيون ...وصراخ وحاله ..واذا ضاعت هجمه بدا شغل العيال والعصبيه ...وحاله ..

طبعا خلص الشوط الاول ... والنتيجه تعادل ....
وبدا الشووط الثااني ....وفيصل وعدهم وقال لهم اذا فاز الهلال لكم مني اعشيكم كلكم برا ....وطبعا االكل تحمس ....
ومع كل دقيقه تمر يزداد التوتر ..
وفجاه جا الهدف ...وبدا الصراخ ..الكل فرحااان ...جا الفرج ....والحماااس واصل حده ..
فواز : واااااااااااو ...يا لبى قلبك يا كماتشو ...والله فنان ...
مشاري : والله الحين ارتحت ...
راشد : وش ترتاح ...تونا ...والله الشباب ينخاف منهم ...
فيصل : لا ان شاااء الله خييييييير هذا الزعيم يا ولد ....بس كني هونت ...ما ادري الصراحه اعزمكم او لااا ...
مشعل : وهو بكيفك ...وعد الحر دين ...
فواز : ايه مافيه ..ان فزنا ....بتعشينا كلنا ....
مشاري : والبنات بعد ...
فيصل وجت نجلاء في باله .: ايه اكييييييد ..
فواز : لا وش نبي بالبنات ...
مشعل : اسكت بس لا يسمعونك ...
راشد : وين بتودينا بس ....
فيصل : مدري بس خلنا نفووز اول ..
مشعل : يقطع امك يا شيخ ...عليك كوره ...المفروض هذي قوول ...
مشاري : يتفلسفون ....الوقت ما بااقي شي ...حرام والله ما نفوووز ...
فواز : شوووف المشكله هم ضاغطين ...
راشد : وش فيكم .. اعصابكم ...انا متاكد حنا اللي بنفوووز ...
فيصل : هههههههههههه اجل انا مثلك مرتاح ..
مشاري وقف : صفر يا شيخ ...
فواز تحمس ووقف معه : ايه والله صفر ...
مشاري بدا يعصب : اووووووف والله الوقت خلص ....صفر ...
صفر الحكم .... وبدا الصراخ والازعاج ...
مشاري : وااااااااااااااااااااااااو .....
فواز /: فزناااااااااااااااااااااااااااااااااااااااااا ااا
فيصل : ههههههههههههههههههههه ....
مشعل : والله ما اقدر اصرخ صووتي راح ...
راشد : حطوا اوربت ...خلونا نشووف المقابلات ....
وطبعا حطوا على اوربت وشافوا المقابلات .....وكل اللاعبين كانوا فرحانين ...لان الهلال اخذ كاس خادم الحرمين الشريفين ...وهذا شرف كبير ...وطبعا صعد اللاعبين للمنصه ...وبدوا اخذ الميداليات ...وبعدها جا سامي الجابر ..ورفع الكاس....





انتهت المباراة ...وانتهت الصجه معهاااا ....
فواز : يالله وين بتودينا ...
فيصل : كيفكم ...بس ترا الحين الساعه 11
مشاري : واذا 11 ..عادي ...
مشعل : خلونا نطلع نتمشى بالسيارات ...ونشووف الاجواء برا ..وبعدها نرجع ...
فيصل : اوكي يالله ....
مشاري : بكلم على البنات علمهم ...
وكلم عليهم ..
نجلاء : هلاا ...
مشاري : هلا نجلاء ....شووفي بنطلع نتمشى بالسياره ....والبسوا عباياتكم ...
نجلاء : ومن اللي بيروح ...
مشاري : كلنا .....انتي والعنود مع فيصل ...وريم ورناوهدوول مع مشعل ..وانا وفواز مع بعض ...وراشد وعياله ...
نجلاء : الله ...الله كلنا بنطلع ...والمناسبه ...
مشاري : هههههههههههههه لان الهلال زعيم اسيا فاااز ....
نجلاء : الحمد لله الشكر ..ياربي لا تبلاني ...
مشاري : والله انتي ما عندك سالفه ...ترا منتيب طالعه معنا ..
نجلاء وهي ما تبي عشان ماتركب مع فيصل : احسن انا ما ابي اروح ...
مشاري ضاق صدره ..خاف ان نجلاء زعلت : نجووووول امزح يا الخايسه ...بترووحين وانتي اول وحده بعد ...
نجلاء : لا يا مشااري انا ما ابي اروح ....
مشاري : لا بترووحين ...خذي رجلك ...وهو يتفاهم معك ...
مشاري وهو يمد الجوال لفيصل : فيصل امسك ..نجلاء ما تبي تروح ...
فيصل عارف ليش نجلاء ما تبي تروح : الووو
نجلاء : هلا ..
فيصل : نجلاء يالله البسي عبايتك انتي والعنود ..
نجلاء : فيصل انا ما ابي اروح ...
فيصل : لا ان شااء الله بتروحين ....عشااني يا نجلاء ..اذا لي خاطر عندك ...
نجلاء مو عارفه وش تقول : طيب ...
فيصل ..امحق الحين انا لي خاطر عندك ..ايه طيب ....: يالله طيب تجهزوا ....ترا بنطلع الحين ...
طلعوا وتمشوا في الرياااض ...وشافوا هبال الشباب ...وطبعا فواز ومشااري كان منى عينهم يروحوا مع الشباب المهبل ....
على الساعه 12 ونص رجعوا للبيت ....ونجلاء رجعت عند اهلها ...
مشاري ومشعل استغربوا ...لان العنود راحت لبيتهم ...ونجلاء لاا
مشاري مسك ريم ول ما نزلوا ..
مشاري : ريم ..تعالي لغرفتي ...
ريم : وش عندك ..
مشاري : تعالي بسرعه ..
ريم حست ان مشاري معصب : طيب بس بفصخ عبايتي ...
مشاري : بسرعه استناك ...
راح مشاري لغرفته .. وهو خلااص متاكد ان نجلاء وفيصل بينهم شي .. طيب وشلون وهم اليوووم تمام مع بعض .. بس حتى ولو نجلاء موو طبيعيه اليوووم ...وبعدين هي لبست النظاره ..وهي من تلبس النظاره اعرف نها صايحه ....
وقطع عليه تفكيره صوت الباب ...
مشاري : ادخلي يا ريم ..
دخلت ريم وجلست قدامه على طرف السرير ...
ريم : وش فيك خوفتني ...
مشاري : انا عندي موضوعين بفتحهم معاك ...بس ببداء بالاهم عندي ...اللي هي نجلاء ....
ريم حست ان مشاري عرف : ايه وش فيها ...
مشاري : لا تستهبلين ... انتي اكثر وحده عارفه ...
ريم توهقت : وش السالفه ...
مشاري : نجلاء وفيصل بينهم شي صح ..
ريم .. يا ربيه اقوول او لااا : .......
مشاري يصرخ : تكلمي ...
ريم خافت : ايه ...
مشاري وهو يمسك راسه .. : والله كنت حاااس .. والله .. والله ..؟؟...
ريم : ............
مشاري : طيب والسبب.؟؟
ريم : ........
مشاري يهمس : قوولي يا ريم ...
ريم : ما اقدر .. والله بتذبحني نجلاء ..
مشاري : ريم نجلاء اختي ...وتهمني مصلحتهااا .. مو معقوووله بتظل كذا ...تكلمي ...
ريم : فيصل يخونها ...
مشاري مطير عيونه : نعم ..؟؟؟؟؟؟
ريم : وحده تكلم عليهااا ..
مشاري : لا تتكلمين بالقطاره ....قولي وبعدين ؟؟؟...
ريم : تكلم عليهااا وتقوول لهااا (وكلمت لمشاري كل السالفه )
مشاري ظل ساكت ...وما قال ولا كلمه ...ريم تناظره تبي تعرف هوو يفكر في ايش ... بس مشااري ملامحه كانت جامده ...
مشاري وهو مركز نظره على نقطه وحده في الارض : ريم ..
ريم وهي ميته خووف .. وتبي تعرف ردة فعله : هلا ..
مشاري : نادي نجلاء ..
ريم : ليش ..
مشاري : اقولك نادي نجلاء ...
ريم : طيب ..
راحت ريم ونادت نجلاء .. بدون ما تقول ولا كلمه ...
دخلت نجلاء .. وجلست هي وريم قدام مشاري ...
مشاري : نجلاء من بكره ترجعين لبيت عمي ...
نجلاء تناظر ريم .. وعرفت انها قالت لمشاري ...
نجلاء : مشاري اسمح لي ...
مشاري وهو بدا يعصب ك نجلاء انا اقولك ... من بكره بترجعين لفيصل ...
نجلاء : مستحيل .. مستحيل .. يعني يخوني ويذلني ويهيني وارجع له .. مستحيل ...
مشاري : نجلاء فيصل ما خانك ...
نجلاء : وانت وش دراك ...هو من وراي ومن ورانا كلنا ..(.وتقرب وتجلس عند رجل اخوها ) ...تكفى يا اخووي طلبتك .. لا توديني لموتي بيدك ... طلبتك ما ابيه .. والله ما ابيه (وصاحت ..) مشاري تكفى . تكفى .والله يكفي مذله .. يكفي يكفي .. والله ما ابيه ...
انا اختك .. والله انا اختك . يرضيك تسوووي فيني شي ...يرضيك انذل يرضيك كرامتي تكون في الارض ... يرضيك اعيش مع واحد ما يبينني...
ريم صاحت مع نجلاء ماهان عليها اختها وبنت خالتها واقرب الناس لها يصير معها كذا ...
ومشاري نفس الشي .. ما هان عليه يشووف اخته وشمعة البنت كذا .. يعني نجلاء شمعه ما توقع انه بيجي يوم ويشووفها كذا منطفيه .. مافيها نور . ما فيها حياة ....
مسكها من يدها وجلسها جنبه ..
مشاري : قومي يا نجلاء انتي مكانك مو االارض ...
نجلاء تناظره : الله يخليك يا اخوووووي ما ابي اعيش مكسوووره ..
مشاري : ما راح تعيشين مكسووره دامني اخووك ...بس اسمعي انا وش بقول لك ...
نجلاء تمسح دموعهاا : الله يخليك لي . وانا اسمعك تكلم ...
مشاري : شووفي يا نجلاء . فيصل لو مهما يكوون هذا زوجك وقبل ما يكون زوجك هوو ولد عمك ..
نجلاء : وليش ما فكر اني بنت عمه ...
مشاري :خليني اكمل ....
نجلاء : طيب ...
مشاري : شووفي .. انتي اكيد ما يرضيك كلام ..الناس . والله نجلاء ونجلاء .. وما ادري ليش ...يعني انا متاكد انه مايكلم غيرك .. يعني لوتقولين لي احد ثاني غير فيصل .. اصدق . بس فيصل لااا .. فيصل مستحيل يسوي ذا الشي ... يعني انتي تقوولين يووم الفار ... يوم الفار الكل شاافك وانتي تتوزين ورا فيصل ... يمكن وحده من النت قالت لصديقتهااا .. وقدر يوصل للبنت ..اللي تكلم عليك ...ويوم ترجعون من السفر الكل كان عارف انكم بترجعون من السفر ..يعني ما كان شي مخفي عن العالم ...يعني يا نجلاء فكري بعقل ؟؟... فيصل هذا فيصل ... وانتي تعرفين من فيصل .... فيصل بن سلمان ...العقل والحكمه والطيبه ...معقوله تشكين في فيصل ...طيب رووحي كلمي مشعل ...مشعل ليل ونهااار مع فيصل روحي اساليه اذا فيصل قد مره وحده بس كلم بنت او لااا ....يعني وغير كذا ...قولي فرضا فرضا يعني فيصل صار يكلم ...وانتي اللي سويتيه غلط ..
نجلاء : غلط ..وشو الغلط ....
مشاري : الغلط انك تطلعين ....
نجلاء : اجل وش اسووووي ....
مشاري : انك تحاولين تكسبينه ...تحاولين تحببينه فيك ...تحاولين تقربينه منك ...يعني بدال ماتخلين هذيك تكسبه ...مع اني استبعد انه مكلم غيرك ...انتي اكسبيه ....تمسكي فيه ....اذا كلمة عليك ..اضحكي عليهااا ..قولي روحي العبي على غيري ..فيصل يحبني انا .خليها هي تموت ..خليها تفضح نفسهاااا ...خلك واثقه من نفسك . لا تحسسينها بضعفك ...
نجلاء : ما اقدر .. والله ما اقدر ...
مشاري : والله تقدرين ...انا ادري انك تقدرين ...
ريم : الا يا نجلاء انتي تقدرين ...والله تقدرين ...
مشاري : يا نجلاء تمسكي في فيصل .. والله فيصل رجال .. والله والكل يتمناه ....
نجلاء : وش اسوووي طيب ...
مشاري : الحين تروحين تكلمين عليه ... وتسولفين انتي واياه .. بس ما تجيبين له طاري البنت اللي تكلم عليك ... لانه لو درا ما راح يسكت ...ماراح يسكت انك تشكين فيه ...عرفتي ...تروحين الحين تكلمين عليه ..بس ما ابيك تكلمين وانتي مغصوبه ..يعني اذا انتي مقتنعه روحي .. اذا لاا لا تكلمين ...
نجلاء : لا انا مقتنعه ...ولازم اتمسك بفيصل ...وما اخليهاا تفووز علي...
ريم وهي تبوس نجلاء : ايوووووووووووووه ..هذي نجلاء اللي اعرفها ...
مشاري : يله قومي ضفي وجهك ...
نجلاء قامت وهي تضحك وقامت معها ريم ...
نجلاء : خيييير .. خير انتي ...
ريم : بروح معك ...
نجلاء : لا ما فيه اقعدي عند اخوك ...
ريم : لا والله ... وبعدين رنا في الغرفه . وش معنا رنا ..ايه وانا لااا ...
نجلاء : لا رنا تحت مع هدوول ...
ريم : اووووووووه وذولي ما يملون من بعض ...
نجلاء : ههههههههههههههههه . تحلمين انتي ...
مشاري : هههههههههههههههه لا واستنوا شوووي بينزل لهم مشعل ....
ريم : مشاري خلينا ننزل لهم ...
مشاري : يله ....
طلعت نجلاء وراحت لغرفتهاا ..
مشاري وريم .. نزلوا لتحت .. اول مانزلوا قابلهم مشعل اللي كان توه نازل . كان في اخر الدرج ...
مشاري :هههههههههههههههههههههههههه ..واااااااااي بطني ما اقدر ...
ريم تطقه وتهمس : اوووووص لا تفضحنا ...
مشعل : وش عندكم ...
ريم : ابد سلامتك ....بس قلنا بننزل نقعد مع رنا ...
مشاري : واكتشفنا ان رنا لها معجبين ....الكل نازل يقعد معهااا .
مشعل : هههههههههههههههه .. الحين اكتشفت وش عندكم ...والله الخبث بعينه وعلمه ..
ريم : قل قسم انت بس ... مره ذكي الصراحه ...
مشاري : تسمعين يا ريم ....جالس يسبنا ترا هوو ...
مشعل : والله اللي يعطيكم وجه مهبول ..
وراح مشعل بيدخل للصاله ....بس ريم ومشاري وقفوا في وجهه ...
ريم : وين بتدخل ان شااء الله ...
مشعل وهو يحك راسه : ههههههههههه بدخل للصاله ...
مشاري : بتدخل كذا ...
مشعل يناظر ملابسه ...لانه كان لابس بنطلون اسود وتي شيرت اسود : وش فيه لبسي ...
ريم : ما يصلح تدخل على العرووس وانت كذا ..
مشعل : ههههههههههههههههههههههه ..اجل وش البس ...
مشاري .: شفني انا .. لابس ثوووب ومكشخ ...
مشعل : ههههههههههه .. اقول .. وخروا عن وجهي .. لا تطق معي ام العبيد ..
ريم : ههههههههههههههههههههههه ...والله انا بوخر .تدري ليش .
مشعل : ليش ....
ريم : لان العرووس اختي .
مشاري : ههههههههههههههههههه والله ماعندك سالفه .. واذا اختك يعني ...
ريم : تصدق ما ادري ليش ..هههههههههههههه .. امشوا بس تعبت وانا واقفه ...
دخلت ريم للصاله وقالت لرنا تتغطى ....وبعجها دخلوا مشاري ومشعل ...



فوق عند نجلاء .. اللي من تركتهم وهي ماسكه الجوال في يدهااا . تبي تدق على فيصل .. بس ما تدري وش تقوول له ...
دقت الرقم كم مره ... بس كل مره ترجع تمسحه ... واخر مره دقت الرقم كان مشغوووول ....


فيصل اللي كان يكلم عليه طارق ......
طارق : فيصل ....
فيصل : ترا والله حومت كبدي اخلص وش تبي
طارق : ابي اقوول لك .. ان انا ما اعرف نجلاء .. ولا عمري كلمتهاا ...
فيصل:...........
طارق : والله بجد .. انا ما عمري كلمتهااا ... انا في البدايه لعب بي الشيطان ...وبس اسمح لي .. والله ما قدر اكمل كذبي ....يا اخووي يا فيصل والله حرمتك ما فيه اطهر منهااا ...
فيصل : طيب من اللي دلك عليهااا ..
طارق : بنت ما تحبها من الجامعه .....
فيصل : ومن البنت هذي ....
طارق : ما اقدر اقوول اكثر من اللي قلته ...مع السلامه ...
وسكر الجوال ....فيصل ظل يناظر الجوال ..وافكاره متلخبطه ..ما يدري ليش كره نفسه ....وكره اللحظه اللي شك فيها في نجلاء .نجلاء الطيوبه الحبوبه ...وشلون طاوعني قلبي يا نجلاء اشك فيك ....اشك فيك انتي والله ما ادري وشلون بسامح نفسي ... وشلون .. وشلون ..وشلون ...
قطع عليه تفكيره صوت الجوال ...وظل يناظر الرقم ....معقوله ....نجلاء ....نجلاء ...



يتبع ....