[الرتاج]

الجزء الثامن عشر


الفصل الاول ..



العنود : لو سمحت ممكن شوي
........: اكيييييييد (بدلع)
العنود : استغفر الله
........:شدعوه ؟؟ ما عجبناك؟
العنود: لاا انصحك تبعد عن طريقي
........: واللي ما راح يبعد وش يصير له
العنود : اعلمه منهي العنود (قالتها بزله لسان)
.......: يا هلا بالعنود معك سعود
العنود : والكووووووووووووبه
سعود : شدعوه ؟
في هاللحظه كان مشاري بيروح يغسل لكنه سمعها تتجادل مع احد راح ولقا الرجال يتحرش فيها
العنود : مشاااري؟
مشاري جاي معصب : نعم ؟
العنود : خله يبعد عن طريقي احسن له



سعود : والا بتعلمه منهي العنود
مشاري هنا ضربت فيوزه وعصب منهو؟؟ ومن وين يعرف العنود؟ وكيف. ؟ ومن ومتى؟ كل هالاساله كانت تدور في مخيلته
مشاري : قدااااااااااااااااامي على السياره
العنود مرتاعه وانصاعه لطلبه بدون نقاش
راحت العنود للسياره وهي تبكي (ليش يفشلني قدام النااااس ليش انا وش سويت فيه ..............عمري ما تدخلت في شي يخصه ... ويوم طلبت منه يساعدني فشلني.؟...؟.......ااااااااااااااااااااااه
وصلت للسياره وكانت تتمنى تتصل على احد من اخوانها يجي ياخذها بس ما تركب معه بعد ما اهانها حاولت تفتح السياره لكنها مقفله
جلست على الرصيف تنتظره وهي تبكي بحرقه…
ومشاري جلس يتهاوش مع الرجال(سعود)
الين جو الناس وفكوهم
سعود كان خواف... مسالم ...على طول انسحب من المطعم وطلع مقابل مشاري اللي للحين ما برد قلبه ولا اشفى غليله من هالسعود
راح مشاري للسياره على باله ان البنات ركبوا لكنه تفاجئ ان مافيه الا العنود وتشاهق من الصياح
وهو يقول تستاهل طاقه سوالف مع ولد الناس تنطق ما بقى الا هي بعد
وراح عندهاا مشاري وهومفول وواصله معه
مشاري : انتي تعرفينه؟؟؟؟
العنود:............>خايفه
مشاري : اكلمك اناااااااااااا تعرفيييييييييييييييييييينه؟؟>بصراخ
العنود ترتجف :لا ...............والله ما اعرفه (وتشاهق) واللللله العظيييييم اصلا انت على كيفك تقيم الناااااااس.........من انت عشان تتحكم فيني وتهيني.......(تبكي بحرقه وكلماتها طالعه من قلبها ) ...انا عندي ابو وعندي اخوان .......... اذا كنت مو متربيه في عينك لا تنسى اني عندي اخوان يربووووووني ............انت ما لك دخل فيني
مشاري: انا ولد عمك ..... وغصب عليك بربيك اذا كنتي مو متربيه
اجل يعرف اسمك؟؟؟؟من وييييييييييييييييييييييين؟؟؟ يعرفك
العنود منهاره : مااااااااااااااا ادري ما ادري وانت ما لك دخل تسمع مالك دخل
مشاري عصب منها : انت بتنطمين الحين والا شلون؟؟
العنود : ما نيب منطمه انت اللي انطم والله لو تحاول تقرب مني يا ويلك او تحاول تتدخل فيني تسمع؟؟؟؟؟؟؟؟؟
جاها مشاري وهو خلاص بيفوووووور من العصبيه ومسكها من عضدها (يدها ): انت ااااااااااااخر من يتكلم سامعه ..........اذا عمي دلعك ولا رباك انا بربيييييييييييييييييك فاهمه
العنود : اااااااه بعد عني .......... والله لو تكون اااااخر واحد بالعالم والله ما اخليك تربيني او تتحكم فيني فاهم؟؟؟؟؟ ابعد عني والا والله لا الم هالعالم كلهم عليك .........واقول لهم انك تتحرش فيني
مشاري هنا خلاااااااااص وصل حده
اجل انا اتحرش فيها ؟؟؟ انا ما تحرش في بنات الناس اتحرش في بنت عمي؟
ماحست الا بكف صعقها .... جمد الدم بعروقها ....تمنت الارض تنشق وتبلعها ولا انها تنهان وتنضرب في نفس اليوم
العنود تناظره باحتقار : انت قد اللي سويته ؟؟؟
مشاري كان مو مصدق اللي سواه بس كان من داخله ندمان ووده يتراجع ويعتذر لكن كبرياءه منعه
مشاري : ايه قدها ومو وولد عبدالله الـ..... اللي يتحرش في بنات الناس فاهمه ؟؟؟ وقدامي بسرعه على السياره
العنود : حرام علي اركب سيارتك من اليوم ....(وبياس والم) انا عمري ما انهنت من احد لا من الناس ولا اخواني عشان تجي انت وتهيني
وراحت تتصل على احد من اخوانها يجي ياخذها
وجاها مشاري : بتركبين الحين وانتي ما تشوفين الجاده
العنود : غلطان .... ومتعدي حدودك......وضاربني قدام الناس.......وبتجبرني على اللي تبيه .....اي قلبي اللي بين ضلوعك؟؟

مشاري انصعق بس خبى صدمته وسكت ومشى عنها تمنى الوقت يرجع شوي .... كان عرفت اتفاهم معها .... اشوف وش سالفتها .... بس انا غبي انا متسرع انا جبان .....اول مره تفلت مني اعصابي .... وعشان بنت ؟؟

اتصلت العنود بفواز بس ما بينت له انها فيها شي وطلبت منه انه يجيها
العنود : هلا فواز
فواز : هلا عنيد الا يالخاينين تروحون تتغدون وانا ما ادري ؟؟ شلون يسطي قلبك؟
(ياليتني رحت معك ولا دست على كرامتي عشان واحد ما يستاهل)
العنود تحاول تخبي جروحها وتبين انها طبيعيه: عاد شنسوي انتظرناك تعزمنا بس ماش ما تقدمت ودرينا ان (وقالتها بصعوبه) مشاري ما تغدى قلنا يودينا .... المهم
فواز : هلا هاه وش المهم
العنود: ابيك تجي تاخذني من المطعم
فواز : ليش ومشاري وينه ....لا تقولين راح وخلاك والله لاقبره
العنود : هههه لالالا بس ابيك توديني مشوار ضروري وابي اروح معك انت
فواز : وين ان شاء الله ؟
العنود : اذا جيتني قلت لك
فواز : منيب ... مهوب لازم هالمشوار ..
العنود : يله عاد ..
فواز : ما طرااا لا تحاوليييييييييين ...
العنود : احسن الشرهه علي اللي داقه .. ما لت عليكم من اخوان وسكرت السماعه
.. مشاري كان بعيد شوي بس يسمع المكالمه كلها ( ياربيييييييه هالبنت متقلبه ... توني غاسل شراعها بس تحاول تبين عكس...يابيييه ليش ضربتها لييش ليش نزلتي نفسي لها .... وش دخلني فيها ....... صديقها ... حبيبها ...(سكت) وش تخربط يا مشاري هاذي بنت عمك .... عورتك....لازم تصونها .... تحافظ عليها .....بس هي ما حافظت على نفسها ؟ .....ولا همتها السمعه وكلام الناس... وعيني عينك تقابله وتواعده ....ولاحقها لين الشرقيه ..... والله قويه وجه ...بس يمكن انا ظالمها ....... يمكن يكون مشبه عليها ......(خلااااااااااااص ما ابي افكر
) راحت العنود عند السياره ومشاري واقف هناك ...
العنود ودموعها تنزل لاشعوري : افتح الباب بركب ..
فتح الباب
لكنه استغرب جلوسها في المرتبه الاخيره

رجع بيدخل المطعم عند باقي البنات اللي نايمين بالعسل وحسوا بشي وهو بيدخل الا وحرمه معها عيالها توقفه
الحرمه : مرحبا اخوي
مشاري : هلا .......
الحرمه :حبيت ابين لك بس اني كنت شاهده اللي صار لاختك مع الشاب
مشاري هنا ما صدق اخيرا بيلقى اليقين اللي يبرء العنود او يلبسها التهمه وحلف يمين ان الكلام اللي بتقوله هالحرمه هو اللي بيمشي عليه
مشاري: ياليت لو تقولين اللي شفتيه
الحرمه : البنت مالها ذنب ....(مشاري طير عيونه) ايه نعم مالها ذنب هو اللي تحرش فيها ..... وهي زله لسانها باسمها .... اعتقد كانت تقول انا ما بعدت عني كنت باعلمك منهي العنود.....اسمها العنود صح؟
مشاري مو مصدق " يعني العنود بريئه وانا ظلمتها : ايه نعم العنود
الحرمه : اتمنى اني بينت لك الحقيقه والله خلي لك اختك ..... ويصونها لك .... مبين ان البنت راعيه اصل ومتربيه ....(بمزح) ولسانها متبري منها
مشاري ما حب يفشها فرد عليها: ما ناحيه لسانها لا توصين


مشاري يا ربيه انا وش سويت ظلمتهااا مسكينه لا وبعد طقيتهااا ليييييييييش يا مشاري ليش ..
وقف مشاري في مكانه يمكن خمس دقايق .. معاد عرف وش يسوي او وين يروح ..
تحرك مشاري ورجع عند السياره .. ركب .. والتفت على العنود .. شافهاا جالسه ومتكومه على نفسهاا وتصيح ما ينسمع في السياره الا صياحهاا ..
مشاري : العنود ..
العنود : ..........
مشاري : العنود.... العنود ردي علي ..
العنود : ..... نعم وش تبي بعد كف ثاني .. يله تعااال ..
مشاري : العنود والله اسف .
العنود : اسف على اييييش انت ما سويت شي غلط .. انا الغلطانه اللي استاهل الطق ..
مشاري وهو متحسف على اللي سواه : العنود والله اسف ..
العنود : اسف على ايش والا ايش .. على صراخك علي قدام الناس .. والا على الكف .. والا على ظلمـــ........... ماقدرت تكمل وجلست تصيح بصوت عالي ..
مشاري : طــ... طــيب تخيلي نفسك مكاني .. وانا اشوف بنت عمي قدامي مع واحد .. لا وبعد يقول اسمهاا .. أي واحد في موقفي راح يسوي نفس اللي سويته ..
العنود تصرخ وهي تصييييح : بس تطقني .. تطقني يا مشاري ..
مشاري : والله اسف ما كان قصدي .
العنود : ابي اروح للبيت ..
مشاري : طيــــ
العنود تقطع كلامه وتصرخ : ابـــــي اروح للـــــــبــــــــيــــــــت ..
مشاري وهو عصب من صراخ العنود : طيب .... اوامر ثانيه ..
ودق على نجلاء وقالها يجووون انهم في السياره ..
جو البنات وهم يضحكون وفالينها وركبوا السياره تفاجأو بالعنود اللي كانت تصيح ومشاري ساكت ولا تحرك
نجلاء: وش صااااااااير؟؟
مشاري: ما صار شي اركبي وانتي ساكته
نجلاء: اهلي فيهم شي؟ فيصل فيه شي؟
مشاري: يابنت الحلال كلهم بخيييييييييير اركبي وسكري الباب
الكل ركب بس سكاتييييين وهادين ومشاري كان مسرع ومايدرون ليه
وصلوا في زمن قياسي
العنود على طول نزلت من هنا وعلى الغرفه من هنا اما مشاري اللي طلع من هنا وراح وخذ له دش وطلع عند البحر شوي
والبنات استلموا العنود بـ س و ج وهي ترد عليهم يا بسكوتها او دموعها
وفي الاخير طلبة منهم انهم يخلونها لحالها
وهم سوو اللي هي طلبته بس مندهشين كانت معنا وش حلاتها تضحك ومستانسه وش اللي قلبها






اما الامهات فكانوا يسولفووون عن الاسهم والتجاره
ام فهد : لا والله جعلي ما احلم بها خسرت فيها ربع راس المال
ام راشد : بس شوفيها الحين دبلت اربع مرات لو انك صبرتي عليها وما بعتيها كان ربحتي فيها
ام فهد : اصلا عقت هالطيحه ما شريت في الشركات الصغار كل اللي عندي بنوك يقولون اظمن من هالخشاش اللي يضيع الواحد
ام راشد : بس البنوك يبي لك تصبرين عليها انا ما اقدر اصبر انا صفقاتي يوميه
الهنوف : الا يا ام راشد ؟ ماشاء الله عليك من متى وانتي راعيه اسهم
ام راشد : والله اني شفت الناس تلعب بالبورصه قلت العب واسلي نفسي
الهنوف : اممم الله يزيدك (بدون نفس)





طلعوا كلهم الشباب والبنات على البحرطبعا البنات كانوا في بساااط والشباب في بسااط .. بس تقريبا يسمعووون سوالف بعض يعني أي شي يصير على بساط البنات يسمعونه الشباب والعكس صحيح .. الكل كان جالس الا العنود اللي كانت فووق ..
ومشاري اللي كان جالس معهم بس باله مهووب معه ..
فيصل وهو يناظر نجلاء : وين العنود ..
نجلاء : العنود فوق ..
فيصل : ليش مانزلت ..
نجلاء : لابس تقوووول فيهاا النوم ....
فيصل : وش نومه ...
وخذا جواله ودق على العنود ... اول ما دق ماردت .. بس المره الثانيه ردت..
فيصل : الو ..
العنود من غير نفس : هلاا ..
فيصل : هلا والله بعنيده ..
مشاري اللي كان في عالم ثاني من سمع اسمهااا ذب اذنه عند فيصل ..
العنود : هلاا ..
فيصل : وينك ..
العنود : فوووق .
فيصل : طيب تعالي ..
العنود : وين ..
فيصل : برا على البحر ..
العنود: من انتم..
فيصل : كلناا مييين يعني ..
العنود : مشعل ومشاري معكم ..
فيصل : اكييييييد مشاري ومشعل معنااا ..
مشاري عرف انهاا مستحيييل تنزل وهوو فييييه ..
العنود طييييييب يا مشاري ان ما خليتك تعرف من هي العنوود : طيب بنزل الحيييين ..
فيصل : يله نستناك ..
مشاري بتنزل غريبه .. ماتوقعتهااا تنزل ..
فواز يخبط مشاري : هيييييييييه يا ابو الشباب وش فيك ... منتاب طبيعي ..
مشاري : لابد سلامتك ..
مشعل : اقووووووول فواز ورا ما تغني ..
فواز : لك ما طلبت يا ابو هديل ..
فواز : احلى من القمر هي ... واحلى يمكن شوي .. واحلى من العسل كلمه .. قالتها بحنيه .. (طبعا ريم مطيره عيونهاا فيه .. وداخله عالم ثاني مافيه الا فواز ) احبك لمى قالتها يابختي قلت ساعتهااا .. وانا واحد من العشاق وهي اختارتني من ميه ..
فيصل : عااااااااااااااااش .. عاااااااااااااااااش ..
مشعل : عااااااااااااااد اعترف في ميييين جالس تغني ..
فواز : اوووووووووه انا جالس اغني في القمر ..
فيصل : والقمر هذي لهاا وجوووووووود ..
فواز : ههههههههههههههه اكييييييييد لهاا وجود ...
مشاري يتهزا : من هي مهاا والا ندى ..
فواز : لااااااوش ندى .. خبرك عتيق .. الحييين مهاا ومافي غييير مهاا ( طبعا هوو ما فيه لا مها والا ندى .. بس هذي حركااات من فواز ومشاري ..)
ريم لااااااا ويغازل بعد ... لا مهوب يغازل شكله يحب .. بس وع اكيييييد خايسه ما تستاهل هالاغنيه ..
جت العنود : لااااااا والله ليييش الخاينه ..
فيصل : وش خيانته ..
العنود : المفرووض من اول ما طلعتوا .. تعلموني .. مهووب الحييين ..
طبعا مشاري مطير عيونه في العنود وهي تحكي .. ومستغرب وشلوون انقلبت نفسيتهااا .. والعنود لاحظت نظرات مشاري .. وقررت من اليووووم انهااا تعامله ولا كانه موجود ...
فواز : اقول انطمي بس واقعدي ..
العنود : انت اللي انطم ... اصلا انا زعلانه منك ..
فواز :افا والله وانا فواز اختي الغاليه زعلانه علي .. ليييييييييييش ..
العنود : يعني ما تدري ...
فواز : الا ادري .. وحقك علي ..
العنود : هالمره سماح لانك اخوي وغالي علي ...
فواز: اشواااااا يعني ما فيه زعل ..
وقعدوا سوالف وضحك وتجاهل واضح من العنود لمشاري ...
العنود : يا الله لين متى بنقعد في البيت نبي نطلع .. ما طلعنا الا للمطعم بس ملينا كروشناا ورجعناا ..
..
نجلاء : ايه والله طلعونا .. نبي نروح للسوق والملاهي .. مهووب مطعم .. ..
فيصل : خلاص بكره .. لان اليوم بنشوي على البحر .. وبكره بنطلع ..
نجلاء : لاه .. لاه .. اليوم بنشوي ..
فيصل : ههههههههههه .. ايه اليوم ..
العنود: وابوي وعمي معنا .. صح ..
فواز : اعووووذ بالله .. ايه معنا .. يعني بنشوي بلحالنا ..
مشاري وو يحاول يراضي العنود باي طريقه : وانت لازم تعلق ..
مشعل : ههههههههههه .. اذا ما علق ما يصير فواز ..
ورن جوال فواز.. المتصل الهيئه ... (ابوفهد)
فواز : تكفى فيصل .. او انت مشعل .. مشاري صديقي حبيبي واحد منكم يرد ..
مشاري : الحين صرت صديقك وحبيبك .. وانت توك ما زعني بالكوره ..
فواز : اسف يا اخي .. أي طلب تطلبه بنفذه .. تكفون واحد منكم يرد .. واذا سال عني قولوا له انه ... انه ... يتسبح .. طالع ... أي شي .. ونسى جواله .. وانا عارف انه يبيني اصب قهوه اكيد احد من ذا الجيران جوه ..
فيصل : انا منيب كاذب على ابوي ..
مشعل : انا بعد منيب لاعب على عمي ..
مشاري : .........
فوز : لا تكفى يا الابن البار .. وانت يا ولد الاخ المخلص .. ( ويلتفت على العنود ) العنود ردي ..
العنود : تحلم انت .. لا منيب راده ..
فواز : كلي تراب ..
العنود : الفاظ .. مدري من وين تجي ..
فواز : يعني من وين اجيبها اكيد منك .. ( ويلتفت على مشاري ) اصلا مشاري خويي .. وبيرد ..
مشاري : أي طلب اطلبه ؟؟
فواز : ايه ... بس يله بس ..
وخذا الجوال لقى ثلاث مكالمات لم يرد عليها ..
مشاري : الوووو ... ( وكان فاتح على السبيكر )
ابوفهد : وش الوو انت ووجهك.. اول قل السلام ..
الكل : ههههههههههههههه ..
ابو فهد : من ذا اللي عندك ..
مشاري : لا يا عمي انا مشاري ..
ابو فهد : اهااا .. مشاري .. وين فويز .. لي ساعه ادق عليه مهوب يرد ..
مشاري : أي ساعه يا عمي كلها خمس دقايق ..
ابو فهد : اقووول ... اها .. عاد لا يكثر كلامك .. وين فواز ..
مشاري :فواز ..
ابوفهد : ايه فواز..
مشاري : فــــواز... ( فواز ياشر لمشاري بيده يعني يتسبح ) .. هاااه ... يتسبح يا عمي .. وجواله عندنا ..
ابو فهد : والله من زود الثواره ... وهو كل وقت يتسبح .. ما يمل ..
الكل : هههههههههههههههههه ..
مشاري : ايه والله يا عمي .. دجه ذا الولد ..
ابو فهد : الا اقول ترا عطيتك .. وجه ... انا داري .. انه دجه .. بس عاد انت ولد عمه ادرا به ..حاول انه يهتم بنفسه غيره خلاص .. ترا كبر .. معاد هو ابو 17 .. او 18 ..
مشاري : انا يا عمي اشوف الحل انك تزوجه ..
الكل : ههههههههههههههههههه ..
فواز من دون قصد رفع راسه وجلس يناظر ريم ..
وريم نفس الشي .. .. حس فواز باهتمام ريم له .. من ارفعت راسها تناظر ردة فعله .. لانه هو بعد سوا نفس الحركه رفع راسه يناظر ردة فعلها ..كان طول ما هو يناظرها ..



يتبع <<<<< أنتظر الردود .......

تحياتي......