[كنافهcinema]

زلبيـــــااا وشهــريــأر_____________________


الليله الاولى

شهـريـار: "الله يخرب بيوتكوا ......ايه يبنى انت وهو الدوشه اللى بره دى؟..........هو الواحد ميعرفش يرتاح فى قصره شويه؟ ..........اندهولى وزير المخروبه دى"
- الوزيـر: دى الناس عامله مظاهره بره يا سعادة الباشا السلطان
- شهريـار: ليه بأه ان شاء الله؟
- الوزيــر: مش لاقيين عيش
- شهريـار: طب قول للافران تخبز عيش
- الوزيــر: ماهو الفرانيين عاملين مظاهره هم كمان
- شهريـار: ليه تانى؟
- الوزيـر: مفيش دقيق
- شهريـار: قول للمطاحن يطحنوا شوية قمح
- الوزيــر: نفس المشكله سعادتك مفيش قمح
- شهـريـار: يا عم ما تخلى الفلاحين تزرع ده انت فقرى اوى
- الوزيــر:ماهم بأه الفلاحين اللى عاملين مظاهره وسايبين الزرع عشان مش لاقيين عيش
- شهـريـار: ااااااااااااه طب اصرفلهم عيش من المخازن
- الوزيــر: ماهى فاضيه سعادتك من ساعة المظاهره الاولى
- شهـريـار: خلاص اصرف لكل واحد كارت شحن من ابو خمسه وعشـ...
- الوزيــر: امرك يا سعادة الباشا السلطان
- شهـريـار: تعالى هنا صحيح ............ جبتلى عروسه النهارده ولا ايه النظام؟
- الوزيــر:هنشوف يا باشا
- شهـريـار: طب استنضف بأه مش زى ليلة امبارح
-الوزيــر: ماهو مفيش بنات يا باشا فى البلد..... الناس كلها بعتت بناتها للبلاد التانيه
- شهـريـار: طب انت مش عندك بنت؟
- الوزيــر:اه زلبيــااا زاد يا باشا
- شهـريـار: طب هتجوزها....... روح يلا مالك متسمر كده ليه؟
"وفى قصر الوزير"
- الوزيـر: يا بنتى اسمعى كلامى يلا ناخد اول طياره على بره
- زلبيــااا: لا يا بابا سيبنى احاول معاه
- الوزيــر: يا بنتى انا شايل قرشين حلوين فى سويسرا هيعيشونا ملوك
- زلبيــااا: قلت لا .... لو عاوز تخلع انت اخلع لوحدك
- الوزيــر: منا عامل كده عشانك انتى
- زلبيــااا: طب وعشانى انا اقعد وشوف انا هعمل ايه
- الوزيــر: اما نشوف
(وتم الزفاف سريعا وفى الاستراحه الملكيه....)
- شهــريــار: انتى مالك فرحانه كده ليه؟ ده انتى هتموتى الصبح
- زلبيــااا: منا عارفه
- شهـريـار: عارفه ومبسوطه كمان؟
- زلبيــااا: اه
- شهريــار: هو الوزير مخلف عيله هابله ولا ايه بس
- زلبيــااا: يا عم ما كلنا هنموت
- شهريـار: اه بس انتى بكره
- زلبيــااا: وانت امتى يعنى يا فتك؟
- شهريـار: الله اعلم
- زلبيــااا: مانت ممكن تموت قبلى
- شهــريـار: بقولك ايه انا مصهلل النهارده ومش طالبه معايا نكد ..... حد يقول لسلطان فى فرحه انت هتموت قبلى؟
- زلبيــااا: يعنى حد يقول لعروسه فى ليلة فرحها هتموتى بكره انت كمان؟
- شهريــار: عندك حق انا هنام بأه
- زلبيــااا: نعم يخويا؟ انت متجوزنى عشان تنام وتموتنى؟
- شهـريـار:خلاص خدى الريموت عندك فيه فيلم اجنبى حلو فى الـ MBC2 والاوربت فيها فيلم عربى جميل برده
- زلبيــااا:لا يا عم مش عاوزه تليفزيون
- شـهريـار:امال عاوزه ايه بأه...... احكيلك حدوته؟
- زلبيـــااا: لا احكيلك انا يا شوشو
- شهـريـار: طب احكى يا ستى وصدعينى
- زلبيــااا: ولو عجبتك تسيبنى متموتنيش بكره؟
- شهـريـار: لو معجبتنيش هموتك دلوقتى ولو عجبتنى هسيبك للصبح
- زلبيــااا: طب اسمع الاول وبعدين ابقى.....احــكمـ.
- شهـريـار: قولى يـــاختى
- زلبيــااا: بص يا عم بيقولك مره واحد ........
- شهريــار: انتى هتحكى حدوته ولا نكته؟
- زلبيــااا: اهمد باه انت مش ليك حدوته؟ اسمع للاخر بأه
- شهـريـار: ماشى قول يا عم على بابا........... اوعى تكون بتاعة على بابا؟
- زلبيــااا: لا دى قصة واحد فقرى
- شهـريـار: اه كده لايقه عليكى قولى ما هى ليله باينه فقريه من اولها
- زلبيــاا: بص يا سيدى وما ستك الا انا
- شهــريـار: خدى راحتك مانتى كده كده ميته بكره
- زلبيـــااا: يا عم متفولش اياكش انت تسبق ...... بص يا عم بيقولك مره واحد فقرى اوى كان ماشى الصبح ورايح يجيب فطار لاولاده حلو الكلام؟
- شهـريـار:(بملل ) كملى كملى
- زلبيــااا: فهو بيعدى جسر كده وبيبقى معاه سلطانيه بيجيب فيها الفول بتاع الفطار المهم وقع من على الجسر ده فى قلب الميه....وقع فين؟
- شهـريـار: اخلصى يا حجه بأه هو انتى بتحكى لعيل صغير؟
- زلبيــااا: ماشى يا عم العجوز.....المهم نزل تحت الميه ناس اخدوه تحت اوى كمان لقى بلد كامله ....
- شـهريـار: (باهتمام بس مش عاوز يبين) كل ده تحت الميه؟
- زلبيــااا: اه واخدوه على الملك بتاعهم كمان اواااااااااااااااااااااااه (بتتاوب)
- شهـريـار: كملى بسرعه بأه
- زلبيــااا: لا يا عم انا عاوزه انام
- شهـريـار: يا بت كملى باه متزهقينيش
- زلبيــااا: ازهق
- شهـريـار: هتخلينى اتعفرت
- زلبيــااا: على نفسك
- شهـريـار: يا مسرور
- امرك يا باشا السلطان
- شهـريـار: طير رقبتها
- زلبيــااا: يلا يا مسرور طير وخلصنى وابقى كمله انت الحدوته بأه
- شهـريـار: استنى يبنى انت ما صدقت يله ....... روح انت دلوقتى
- امرك يا سعادة الباشا السلطان
- شهـريـار: طب ماشى مجتش من يوم انا ممكن اجيب اى حد يحكيهالى بس يلا هسيبك وبكره تخلصى الحدوته واطير رقبتك ......اشـــوفكم فـي الليه ( الــثانيه)
كلكم هتقولو هــي فيهـا ليله تــانيه
يـــاعم روح دنتــي ليلتك معــانا ســــوده يلا يــاض غـور من هنــا