[عذبي الكويت]

قصيدة الشاعر:: ناصر بن دهيم ((الكويت))

القلب مني تلتـه جـامعيه

من بعدها مابي جميع المعاهد

دكتورها..ياحظه وياهنيه

اماتكلم معها والأ يشاهد

متحضره مير الا صول بدويه

عشقتها والله على القلب شاهد

هدية ياحلوها من هديه

من حبها ماغير اكافح وأجاهد

لو صوروني.. كفها في يـديـه

ماني مصــدق..في جميع المشاهد

أصفي النيــــه على كل نيــه

غصبت قلبي لين بالحب عـــاهد

واحترت مابين الخــوي وخــويه

من نفس طربانه... مع قلب زاهــد
******