[سلطان المحبه]

الســلام عليكم ورحمة الله وبركاته

اقدم لكــم اعزائــي الافاضــل رائعه جديده من خــالد العنــزي
واتركم معهـــا:

	بعد غيبه طويلة جاي تحكيلي عن الأشواق .. بعد ما جفف غصوني وطاحت أوراقي بعد ما صرت انا صفحه حزينة بدفتر العشاق .. حزينة تحكي عن صمت الدموع وجرح خفاقي تركت الروح في غربه وتناهيت وأسى وفراق .. وأنا اللي كنت متصور مماتك ليلة فراقي تصدق كنت محتاجك تناديني وأجي مشتاق .. أجي كلي حزن وأنزف لعينك غربة أحداقي وجيت بقمة أحزاني تبينا نقلب الأوراق.. تبينا نرجع الماضي وتشتت صبري الباقي أنا ما يحتمل صبري معاتب والضلوع رقاق .. تكسر لو بسولفلك حديث يدور بأعماقي دخيلك خلني ساكت بعض كلمات ما تنطاق .. تجي مثل الخناجر بلساني وتجرح رياقي وبعد هذا الشقا كله تبيني لجيتك أشتاق .. حسافه جيت متاخر بعد ما ماتت أشواقي

وأشكركم على حســن المتابعه وارجو ان تكون حازت على اعجابكـم..

حقوق الطبــع محفوظه لدى وزارة الاعلام الكويتيه... الملكيه الفكريه ...