[فلاحه]

بسم الله الرحمن الرحيم
السلام عليكم ورحمة الله وبركاته
هلا بيكم في موضوعي وياريت يعجبكم
انا لمن فكرت اكتب موضوع حبيت اكتب الشي الحاسه بيه وال انا حابه تعرفوه عني وعن حياتي بفلسطين
انا كنت عايشه طفولتي بقطر وكانت اجمل طفوله صراحه ماكنت اتمنى اني اعيش بعدها ولمن صار عمري 16 سنه رجعت لبلادي مع عائلتي لنستقر بارضنا متل كل الناس والصراحه ما كنت راضيه عن الموضوع انا وخواتي الصغار لانا ما كنا مدركين معنى الوطن غير انه المكان ال عشت فيه وبس وهاد الشي غلط طبعا
وكان سنتها سنة ال2000 وبدت انتفاضة فلسطين بعد رجوعنا باشهر بس وحسيت اياماها يا خسارت السنين ال عشتها بعيد عنها
تعرفون كيف كان احساسي ! مثل احساس الطفل ال بتنجرح امه قدامه ومو عارف شو ممكن يقدملها ليعالجها غير انه يبقى بجنبها ويبكي عليها
يمكن كلامي غريب بس انا من يوم ما رجعت لفلسطين وانا مصدومه لاني كنت بقطر مو شرط اقصد قطر بس اقصد الناس ال بتكون متغربه بتشعر انها متل الدجاج الزراعي يعني ماعنده خبره ابدا بالحياه وما يعرف لاجناس الناس بصحيح متل ما عرفتهم انا هسه
تصدقوا لمن كنت بقطركان يوصلنا نجح فلان ومات فلان بفلسطين بس ما نحس بالفرح الحقيقي ولا بمرار الحزن الحقيقي والغريب من يوم ما وصلنا ما فرحنا بحد ولانجح حد بالعكس ثقل قلبي من الهموم وذبلت عيوني من البكى وفقدنا ناس كتير من ال احبهم وللاسف ما في امل ارجوعهم ولاحتى لمحه من بعيد
تعرفون شو اكتر شي كسر ظهري لمن اعاشر انسان واحبه كتير وبصباح متل كل صباح يوصلني خبر استشهاده واطر اروح الجامعه او الشغل واشوفه بكل مكان اروحه متل ظلي
او اتعرف على البنت الفلانيه واسال عنها بعد ايام يقولولي انسجنت عند قوات الاحتلال ومحكومه بعشر سنين او اكتر
انا يا بنات والله حاسه حالي غير الطفله ال تركت قطر قبل ستة سنين حاسه حالي بنت فلاحه غريبه عني المرار حرق قلبها وما عادت قادره تعيش معاه فيا تقتله او يقتلها
انا اسفه ان كان موضوعي بايخ او كلامي ثقيل بس يلا كله فضفضه
وان عجبكم موضوعي الله يخليكم خبروني عشان اجهزلكم موضوع تاني
رح يكون مفاجئه مع صور
وان كان الموضوع مو هالقد انا خلاص بسكت احسن
وشكرا جززززززززززلا للكملوا معي الموضوع للاخر
فلاحه