13-01-2005, 11:28 PM
|
#1
|
|
(حلا نشِـط )
|
وصية محمد الدرة
وصية محمد الدرة لي سليمان الشدوي
مدري اذا كانت معروضه لديكم سوف اعذروني على الاعادة
.................................................. ...................................
تحت زخات الرصاص ويرفـع الوالـد يدينـه
يرتجي رحمة يهوداً مـن زمـن خانـت عهدهـا
لاحمى نفسه ولا هـو قـادراً يحمـي ضنينـه
ياعنا اللحظه عناهـا وياشقـا النفـس وجهدهـا
اه يامليارمسلـم والعـدد (اسـمـاك زيـنـه)
امكـم ثكلـى ماغيـر محمـد الـدره ولـدهـا
والوصيه اللي صرخ واوصى بها بأخر ونينـه
كـن ماحـيـاً فـهـم ماتحتـويـه بمستنـدهـا
قال انا ميت وفـي قلبـي مـن الدنيـا غبينـه
غلطـة الاجـداد والاولاد تدفـع مـن جسدهـا
دوروا في شنطتي ـبالبيت ـباشجـار الجنينـه
عـن كتـب خبيتهـا للمدرسـه لاجـاء وعدهـا
واحرقوا التاريخ عذر اهل القلـوب المستكينـه
قصةً قد مـات راويهـا ومـات اللـي سردهـا
وامسحوا الجغرافيا وشبـوا خرايطهـا اللعينـه
قسمـت اوطاننـا لابـارك الله مــن عقـدهـا
وجـزء عمـا لاتشـدون الـورق ياشايليـنـه
هوكتـاب الله ربـي وفيـه لـلامـه سعـدهـا
هوهديـه مـن محمـد واذكـروا ياناسييـنـه
فيـه ايـات الجـهـاد الله ياماكـثـر عـددهـا
للامام امام مسجدنا وللمفتي ول(ارباب الخزينه )
للرجال اللـي علـى الميثـاق ماخانـت عهدهـا
والاشارات التـي يرفـع بهـا (بيـي )يمينـه
هي اشارات الضعيـف اللـي تصاريفـه فقدهـا
واكتبوا تاريخ موتـي بدمـع امـي هاالحزينـه
وخلـوا عظامـي الطريـه لاتواروهـا لحدهـا
هذي ضلوعي رماح ارموا بها راعي الضغينـه
وهـذي عيونـي قنابـل شلهـا يامـن وجـدهـا
علهـا تشعـل حـروب وينتصركـلاً لديـنـه
وعلهـا تشفـي فــواد الام وتـبّـرد كبـدهـا
وارفعوا راسـي علـى راس العلـم يارافعينـه
ربمـا تصحـى قلوبـاً مترفـاتً فـي بلـدهـا
وازعجوا نوم الضمير اللي النايم بحلم وسكينـه
وقولوا ان الثـار لـه خمسيـن عامـاً مارقدهـا
وابحثوا لي عن حجر مدفـون تحـت الياسمينـه
كنت اشيله واحتمي به مـن الخنازيـر وقردهـا
وسلموه لخيـي الاصغـر يشيلـه فـي يدينـه
الحجر اصبـح لااسرائيـل مـن اكبـر عقدهـا
نصف قرن من الزمـان الله يامااطـول سنينـه
كل جيـل يقـول محنـة جيلنـا امـر وادهـى
ياجـهـاد ويـانـزار ويـالـؤي ويابثـيـنـه
يالله يااطفـال شيلـوا هالحجـاره مـن مهـدهـا
يانضـال ويازيـاد ويـاعـدي ويــا اميـنـه
هيـا شـدوا رايـة التوحيـد تتثبـت عمـدهـا
يامـل نـادي علـى احمـد ونـادي ياسمينـه
بالاراده تنهـزم صهيـون هـي واللـي بعدهـا
انتم من يستاصل من الارض جرح الغرغرينـه
وانتم من ياخـذ بثـاري ويسلـم الامـه نكدهـا
أخوكم هلت العبرات :
|
|
|
|
|
|