البارحه راسـي تصافـق طواريـه * والنوم ماله يمـة العيـن حـروه
يلعب براسي صوت صلف المشاريه * ذيبٍ عوى يبغي عشا أمه و جروه
وأنا على الدنيا من الهيـه للهيـه * ماهمني شهـره ولا جمـع ثـروه
همي وغمـي واحـدٍ يـوم الاقيـه * كني عليل وشوفته محـو قـروه
ياتل قلبي فالهوى مـن عراويـه * تل الرشـا دلـوٍ ثلاثيـن عـروه
يتله اللي حامـي القيـض حاديـه * يسقي له إبـلٍ مارعاهـا بكـروه
عشرٍ شريدة كثرها مـن غواليـه * اقفت كما يقفي مع الجـم مـروه
واللي بقا عشرٍ وصاته مـن ابيـه * من دونها لو يصبح الصدر فـروه
قلته وكل إنـاء ينضـح بمـا فيـه * وفالعمر يـومٍ يبلـغ العـز ذروه
واليوم هذا يا أولـه ويـن تاليـه * والنوم ماله يمـة العيـن حـروه